ନିଶାଗ୍ରସ୍ତ ଅବସ୍ଥାରେ ଗାଡ଼ି ଚଳାଇବା ମହଙ୍ଗା ପଡ଼ିଲା : ୧୦ ହଜାର ଫାଇନ୍ ଗଣିଲେ ମଦ୍ୟପ ଯୁବକ
କନକ ବ୍ୟୁରୋ : ୧୦ ହଜାର ଟଙ୍କା ଫାଇନ ଦେଲେ ମଦ୍ୟପ ଡ୍ରାଇଭର । ନୂଆ ମୋଟର ଯାନ ଆଇନ ଅନୁସାରେ ମଦ୍ୟପ ଯୁବକ ଜଣକ ୧୦ ହଜାର ଗଣିଛନ୍ତି । ଆସନ୍ତକାଲିଠାରୁ କଡ଼ାକଡ଼ି ପାଳନ ହେବ ନୂଆ ଟ୍ରାଫିକ୍ ନିୟମ ପାଳନ । ହେଲେ ଏପଟେ ଆଜିଠାରୁ ତଣ୍ଡ ଗଣିଲେଣି ବାଇକ୍ ଚାଳକ । ନିଶାଗ୍ରସ୍ତ ଅବସ୍ଥାରେ ଗାଡ଼ି ଚଳାଉଥିବାରୁ ଆଜି ଜଣେ ମଦ୍ୟପ ୧୦ ହଜାର ତଣ୍ଡ ଗଣିଛନ୍ତି । ବାଙ୍କୀ ଜାତମୁଣ୍ଡିଆ ଛକରେ କଟକ ଆରଟିଓ ଓ ପୁଲିସ ପକ୍ଷରୁ ଗାଡି ଯାଂଚ ଥିଲା । ଗାଡି ଯାଂଚ ବେଳେ ମଦ୍ୟପ ଯୁବକଙ୍କୁ ଆରଟିଓ ଓ ବାଙ୍କୀ ପୁଲିସ ଧରିବା ସହ ୧୦ ହଜାର ଟଙ୍କାର ଫାଇନ ପକାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଡିସେମ୍ବର ୧ରୁ ନୂଆ ମୋଟର ଯାନ ଆଇନ କଡାକଡି ହେବାକୁ ଥିବା ବେଳେ ଆରଟିଓ ଅଫିସରେ ଅସମ୍ଭାଳ ଭିଡକୁ ଦୃଷ୍ଟିରେ ରଖି ଆଉ ୩ ମାସ ପାଇଁ କଟକଣା କୋହଳ କରାଯାଇଛି । ତେବେ ଗାଡି କାଗଜପତ୍ର ଯାଂଚ ଛାଡିଥିଲେ ଆଉ ସମସ୍ତ ଟ୍ରାଫିକ ନିୟମ କାଲିଠୁ କଡାକଡି କରାଯିବ । ମଦ ପିଇ ଗାଡି ଚଳାଉଥିଲେ, ହେଲମେଟ ନ ପିନ୍ଧି ଗାଡି ଚଳାଉଥିଲେ କି ଟ୍ରାଫିକ ନିୟମ ନମାନିଲେ ମୋଟା ଅଙ୍କର ଫାଇନ ଦେବାକୁ ପଡିବ ।