ଫନିରେ ଭାଙ୍ଗିଥିବା ସ୍ମାର୍ଟ ବସଷ୍ଟପର ପୁନରୁଦ୍ଧାର କାମ ଆରମ୍ଭ : ଲାଗିଲା ରୁଟ୍ ଚାର୍ଟ, ଖୁବ ଶୀଘ୍ର ଆଲୋକୀକରଣ ବ୍ୟବସ୍ଥା
କନକ ବ୍ୟୁରୋ : ବାତ୍ୟା ଫନିରେ ଭାଙ୍ଗି ଯାଇଥିବା ରାଜଧାନୀର ୨୦୦ଟି ସ୍ମାର୍ଟ ବସଷ୍ଟପର ପୁନରୁଦ୍ଧାର କାମ ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟରେ ୫୩ଟି ବସ୍ ଷ୍ଟପର ମରାମତି ଶେଷ ହୋଇଥିବାବେଳେ ଏଥିରୁ ଗୋଟିକରେ ରୁଟ୍ ଚାର୍ଟ ଲାଗିଛି । ଖୁବ୍ ଶୀଘ୍ର ଏହାର ଆଲୋକୀକରଣ କରାଯିବା ସହ ଡିସ୍ପ୍ଲେ ବୋର୍ଡ ଲଗାଯିବ।
Kanak News is now on WhatsApp
Join and get latest news updates delivered to you via WhatsApp
କ୍ରୁଟ୍ର ଜଣେ ଅଧିକାରୀ କହିଛନ୍ତି ଯେ, ଏବେ ଜନପଥରେ ଶିଶୁ ଭବନରୁ ବାଣୀବିହାର, ସଚିବାଳୟ ମାର୍ଗ, ବିମାନବନ୍ଦରରୁ ନନ୍ଦନକାନନ ରାସ୍ତା ଆଦିରେ ଥିବା ବସ୍ ଷ୍ଟପ୍ଗୁଡ଼ିକର ମରାମତି କରାଯିବ । ଏଥିପାଇଁ ଆବଶ୍ୟକୀୟ ଅର୍ଥ ରାଜ୍ୟ ସରକାର କ୍ରୁଟ୍କୁ ଦେଇଛନ୍ତି । ଦ୍ବିତୀୟ ପର୍ଯ୍ୟାୟରେ ଅର୍ଥ ମିଳିଲେ ବାକି ବସ୍ ଷ୍ଟପ୍ କାମ ଆରମ୍ଭ ହେବ । ଏବେ ଯେତିକି ବସ୍ଷ୍ଟପ୍ କାମ ଶେଷ ହେବ ସେଥିରେ ଓଡ଼ିଆ ଓ ଇଂରାଜୀରେ ରୁଟ୍ ଚାର୍ଟ ଲାଗିବ ।
ସୂଚନାଯୋଗ୍ୟ ହକି ବିଶ୍ବକପ୍ ପୂର୍ବରୁ ରାଜଧାନୀରେ ୨୦୦ଟି ସ୍ମାର୍ଟ ବସ୍ ଷ୍ଟପ୍ ନିର୍ମାଣ ହୋଇଥିଲା । ହେଲେ ବାତ୍ୟାରେ ସବୁ ବସ୍ଷ୍ଟପ୍ କ୍ଷତିଗ୍ରସ୍ତ ହୋଇଥିଲା । ଏହାର ମରାମତି ପାଇଁ ପ୍ରାୟ ୨୩କୋଟି ଖର୍ଚ୍ଚ ହେବ ବୋଲି ଆକଳନ କରାଯାଇଥିଲା ।