ଆଜି ରାଜ୍ୟରୁ ୨୫୮୯ ନୂଆ ଆକ୍ରାନ୍ତ ଚିହ୍ନଟ । ସଙ୍ଗରୋଧରୁ ୧୫୭୪ ଓ ସ୍ଥାନୀୟ ଅଞ୍ଚଳରୁ ୧୦୧୫ । ଖୋର୍ଦ୍ଧାରୁ ୪୬୬ ନୂଆ ପଜିଟିଭ । ୨୪ ଘଣ୍ଟାରେ ୧୦ ମୃତ
କନକ ବ୍ୟୁରୋ : ରାଜ୍ୟରେ ଆଜି ପୁଣି ୨୫ଶହ ୮୯ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସଙ୍ଗରୋଧ କେନ୍ଦ୍ରରୁ ୧୫ଶହ ୭୪ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ହଜାରେ ୧୫ଜଣ ସ୍ଥାନୀୟ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୧୦ ଜଣଙ୍କ ମୃତ୍ୟୁ ହୋଇଛି । ୨୯ଟି ଜିଲ୍ଲାରୁ ୨୫ଶହ ୮୯ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି ସର୍ବାଧିକ ୪୬୬ ଜଣ ଆକ୍ରାନ୍ତ ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଗଂଜାମରୁ ୨୪୨ଜଣ, କଟକରୁ ୨୨୨, ପୁରୀରୁ ୨୩୫, ରାୟଗଡ଼ାରୁ ୨୧୧, ମୟୁରଭଂଜରୁ ୧୧୭, ବାଲେଶ୍ୱରରୁ ୧୫୦, ସୁନ୍ଦରଗଡ଼ରୁ ୧୫୫, କୋରାପୁଟରୁ ୯୨ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଅନୁଗୁଳରୁ ୨୦, ବରଗଡ଼ରୁ ୬୭, ଭଦ୍ରକରୁ ୪୭, ବୌଦ୍ଧରୁ ୧୬, ଢେଙ୍କାନାଳରୁ ୨୫, ଗଜପତିରୁ ୩୬, ଜଗତସିଂହପୁରରୁ ୨୧, ଯାଜପୁର୯୫, ଝାରସୁଗୁଡ଼ା ୧୮, କଳାହାଣ୍ଡିରୁ ୪୨ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କନ୍ଧମାଳରୁ ୩୦, କେନ୍ଦ୍ରାପଡ଼ାରୁ ୧୦, କେନ୍ଦୁଝରରୁ ୫୩,କୋରାପୁଟରୁ ୯୨, ମାଲକାନାଗିରିରୁ ୭୩ଜଣ ନୁଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଅନ୍ୟପଟେ ନବରଙ୍ଗପୁରରୁ ୩୬, ନୟାଗଡରୁ ୧୧, ନୂଆପଡ଼ାରୁ ୬, ସମ୍ବଲପୁରରୁ ୬୬, ସୋନପୁରରୁ ୨୬ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୬୭ହଜାର୧୨୨କୁ ବୃଦ୍ଧି ପାଇଛି । ଏମାନଙ୍କ ମଧ୍ୟରୁ ୪୫ହଜାର୩୧୪ଜଣ ଆକ୍ରାନ୍ତ ସୁସ୍ଥ ହୋଇଥିବା ବେଳେ ୨୧ହଜାର ୩୮୩ ଆକ୍ରାନ୍ତ ସକ୍ରିୟ ଅଛନ୍ତି । ସେହିପରି ରାଜ୍ୟରେ ଗତ ୨୪ ଘଂଟାରେ ରେକର୍ଡ ୫୩ ହଜାର ୧୫ ନମୁନା ପରୀକ୍ଷା ହୋଇଛି । ଏଥିମଧ୍ୟରୁ ୪୭ ହଜାର ୮୩୪ ଆଂଟିଜେନ ଟେଷ୍ଟ ହୋଇଥିବାବେଳେ ଆରଟିପିସିଆର ଟେଷ୍ଟ ହୋଇଛି ୫ ହଜାର ୬୮ ।