କନକ ବ୍ୟୁରୋ : ମାସ୍କ ପିନ୍ଧି ମାଓବାଦୀଙ୍କ ଆତ୍ମସମର୍ପଣ । ମାସ୍କ ପିନ୍ଧି ଆତ୍ମସମର୍ପଣ କଲେ ଜଣେ କ୍ୟାଡର ମାଓବାଦୀଙ୍କ ସମେତ ୭ ମାଓ ସମର୍ଥକ । ମାଲକାନଗିରି ସ୍ୱାଭିମାନ ଅଞ୍ଚଳରେ ଗତ ୩ ବର୍ଷ ଧରି ସକ୍ରିୟ ଥିବା ସାମ୍ବା ଖରା ଓରଫ ରଣଦେବ ଆଜି ମାଲକାନଗିରି ଏସ.ପି ଓ ବି.ଏସ.ଏଫ ଆଡିସନାଲ ଡିଆଜିଙ୍କ ନିକଟରେ ଆତ୍ମସମର୍ପଣ କରି ଲାଲ ସଙ୍ଗଠନରୁ ବିଦାୟ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବା ଆନ୍ଦ୍ର ଓଡିଶା ବର୍ଡର ସ୍ପେଶାଲ ଜୋନାଲ କମିଟି ଅନ୍ତର୍ଗତ ପେଦାବାଇଲୁ ଏଲ.ଓ.ଏସରେ ପାର୍ଟି ମେମ୍ବର ଭାବେ ସକ୍ରିୟ ଥିଲା । ସେ ମାଓବାଦୀଙ୍କ ମିଲିଟାରି ପ୍ଲାଟୁନର ସଦସ୍ୟ ଭାବେ କାମ କରୁଥିଲେ । ପାର୍ଟି ମେମ୍ବର ପାହ୍ୟାର ସାମ୍ବାର ଘର ମାଲକାନଗିରି ଜିଲ୍ଲାର ଲୁଚ୍ଛାପାଣି ଗ୍ରାମରେ।
୨୦୧୮ ଆନ୍ଧ୍ର ଆରକୁ ବିଧାୟକଙ୍କୁ ହତ୍ୟା ସମେତ ବହୁ ହିଂସା କାଣ୍ଡରେ ସାମିଲ ଥିଲେ ସାମ୍ବା । ତାଙ୍କ ନାଁରେ ୨ ଲକ୍ଷ ଟଙ୍କା ପୁରସ୍କାର ଘୋଷଣା ହୋଇଥିଲା । ଗତ କିଛି ଦିନ ପୂର୍ବେ ସ୍ୱାଭିମାନ ଅଂଚଳ ସ୍ଥିତ ଦାର୍ଲାବେଡା ଠାରେ ନୂତନ ବି.ଏସ.ଏଫ କ୍ୟାମ୍ପ ସ୍ଥାପନ ସହ ଅଞ୍ଚଳର ବିକାଶମୂଳକ କାମ ଦେଖି ସାମ୍ବା ସମେତ ୭ ମାଓ ସମର୍ଥକ ଓ ମିଲିସିୟା ପୁଲିସ ପାଖରେ ଆତ୍ମସମର୍ପଣ କରିଛନ୍ତି ।