୫ ଲକ୍ଷ ଟଙ୍କା, ଫରେନ୍ ଟୁର୍ ଶୁଣି ଚମକିଲା ଆଖି : ନବରଙ୍ଗପୁରରେ ନିର୍ବାହୀ ଯନ୍ତ୍ରୀ ପ୍ରଥମେ କରିବେ କାମ ପରେ ନେବେ ପଇସା, ପିକ୍ ଆୱାରରେ ପାୱାର ସଟଡାଉନ୍ କରିବାକୁ ରାଜି
କନକ ବ୍ୟୁରୋ : ୫ ଲକ୍ଷ ଟଙ୍କା । ଫରେନ ଟୁର । ଏସବୁ ଶବ୍ଦ ଶୁଣିବା ପରେ ବଦଳିଗଲା ନିର୍ବାହୀ ଯନ୍ତ୍ରୀଙ୍କ ଚରିତ୍ର । ଲୋଭ ମଣିଷକୁ ଅନ୍ଧ କରିଦିଏ । ଲୋକଙ୍କ ପାଇଁ କାମ କରୁଥିବା ଅଧିକାରୀ, ସେମାନଙ୍କୁ ହଇରାଣ କରିବାକୁ ପଛାଏ ନାହିଁ । ସଂସ୍ଥା, ସରକାର ଏସବୁକୁ ପଛକୁ କରି କିଭଳି ନିଜ ସ୍ୱାର୍ଥ ପାଇଁ କେବଳ କାମ କରେ ତାର ନଜିର ଆପଣଙ୍କୁ ଦେଖାଇବୁ । ଇନଭଟର କମ୍ପାନିର କର୍ମଚାରୀଙ୍କ ସହ ଡିଲ ଚୂଡାନ୍ତ ହେବା ପରେ ଏବେ ସମୟ, ଦେଇଥିବା ପ୍ରତିଶ୍ରୁତିକୁ କାର୍ଯ୍ୟକାରୀ କରିବାର । ପିକ ଆୱାରରେ ସଂଧ୍ୟା ୬ଟାରୁ ରାତି ୧୧ଟା ଭିତରେ ପାୱାର କଟ୍ ପାଇଁ ପ୍ରସ୍ତୁତ କରାଇ ସାରିଥିଲେ ଲିକିଂ ଗୁରୁ ଡଟ କମର ସାମ୍ବାଦିକ । ଆଉ ନବରଙ୍ଗପୁର ଟାଉନରେ ପାୱାର କଟ ହେବ ବୋଲି ସାମ୍ବାଦିକଙ୍କୁ ସୂଚନା ଦେଇଥିଲେ ବିଦ୍ୟୁତ ବିଭାଗ ନିର୍ବହୀ ଯନ୍ତ୍ରୀ ଭଗବାନ ସାହୁ ।
ଫୋନୋ-
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ହେଲୋ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ଭଗବାନ ସାର ନମସ୍କାର
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ନମସ୍କାର, କୁହନ୍ତୁ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ଆପଣଙ୍କ ୭ଟା ୧୫ ହିଁ ଟାଇମ ରହିବ ନା?
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ହଁ ହଁ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ୭ଟା ୧୫ ହିଁ ରହିବ ନା ଆମ ଟାଇମ?
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ହଁ ହଁ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ଏଥିରୁ କିଛି ବିଚ୍ୟୁତି ହେବନି ତ?
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ନାଇଁ ନାଇଁ ୭ଟାରୁ ୭ଟା ୧୫ ହେବ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ମତେ ଟିକେ ଏରିଆ କନଫର୍ମ କରେଇ ପାରିବେ କି? କୁଆଡେ ଏକଜାକ୍ଟଲି ଆମେ ଯାଇ ପାରିବୁ?
ଭଗବାନ ସାହୁ, ନବରଙ୍ଗପୁର ନିର୍ବାହୀ ଯନ୍ତ୍ରୀ- ଟାଉନରେ ହେବ । ନବରଙ୍ଗପୁର ଟାଉନରେ ହେବ
ସାମ୍ବାଦିକ, ଲିକିଂ ଗୁରୁ ଡଟ୍ କମ୍- ଆଜ୍ଞା ଆଜ୍ଞା ଠିକ ଅଛି, ନବରଙ୍ଗପୁର ଟାଉନରେ, ଥ୍ୟାଙ୍କ ୟୁ
Kanak News is now on WhatsApp
Join and get latest news updates delivered to you via WhatsApp
ନିର୍ଦ୍ଧାରିତ ସମୟରେ ପୁରା ସହରରେ କଟିଗଲା ବିଜୁଳି । ଲୋକେ କିଛି ବୁଝିପାରୁ ନଥିଲେ । କାରଣ ମରମତି, ପାୱାର ଟ୍ରିପ କିମ୍ବା ଅନ୍ୟକିଛି ଆଳ ଦେଖାଇ ଏମିତି ମନଇଚ୍ଛା ବିଜୁଳି କାଟିଦିଆଯାଏ । ହେଲେ ଏଥର ପାୱାର କଟର କାରଣ ଥିଲା ଭିନ୍ନ । ଯାହା ନବରଙ୍ଗପୁରବାସୀଙ୍କୁ ଜଣାନଥିଲା । ବୋଧହୁଏ ଏହି ରିପୋର୍ଟ ନଦେଖିବା ଯାଏଁ ଜଣାବି ନଥିବ । ଯେ କିଭଳି ଗୋଟିଏ ଇନଭଟର କମ୍ପାନିକୁ ଲାଭ ଦେବା ପାଇଁ ଉପୁରି ରୋଜଗାର ଆଶାରେ ଗୋଟିଏ ସହରକୁ ଅଧଘଂଟାରୁ ଅଧିକ ଅନ୍ଧାରରେ ରଖିଦେଇଛନ୍ତି ଜଣେ ଇଲେକ୍ଟ୍ରିକାଲ ଏକଜିକ୍ୟୁଟିଭ ଇଂଜିନିୟର ।
– ଉପକୂଳରେ ଜେଇଙ୍କ ପରେ ଦକ୍ଷିଣ ଓଡିଶାରେ ନିର୍ବାହୀ ଯନ୍ତ୍ରୀଙ୍କ ପାଳି
– ନବରଙ୍ଗପୁର ସବଡିଭିଜନର ବିଦ୍ୟୁତ ବିଭାଗ ନିର୍ବାହୀ ଯନ୍ତ୍ରୀ ଭଗବାନ ପ୍ରଧାନ
– ପଇସା ଓ ଫରେନ ଟୁର୍ ଲୋଭରେ ରାତିରେ ଲୋକଙ୍କୁ ହାଇରାଣ କରିବାକୁ ରାଜି
– ଯେତେବେଳେ ଦରକାର କାଟିଦେବେ ଲାଇନ୍, ସ୍ଥାନ ଓ ସମୟ ସ୍ଥିର କରିବ ଇନ୍ଭଟର କମ୍ପାନି
– ନିଜ ପକେଟ ଗରମ ହେବା ଜାଣିବା ପରେ ଜିଲ୍ଲାପାଳଙ୍କ ପାଇଁ ଡିଲ କରୁଛନ୍ତି ନିର୍ବାହୀ ଯନ୍ତ୍ରୀ
– ଇନଭଚର କମ୍ପାନି କର୍ମଚାରୀଙ୍କୁ ବୁଝାଉଛନ୍ତି ଯେ, ପଇସା ଦେଲେ ଜିଲ୍ଲାପାଳ କରିବେ ମାର୍କେଟିଂ?
ଭିଡ଼ିଓର ସମସ୍ତ ଘଟଣାବଳୀ. . . .
ପ୍ରଥମ ସାମ୍ବାଦିକ – ସାର ଆମେ ଇନଭଟର କମ୍ପାନୀରୁ ଆସିଥିଲୁ ।
ନିର୍ବାହୀ ଯନ୍ତ୍ରୀ – ହଁ, ଆମେ କଥା ହେଇଥିଲେ । କ’ଣ ଆପଣ, କ’ଣ ମୋଠୁ ସାହାଯ୍ୟ ଚାହୁଁଛନ୍ତି? ଆପଣଙ୍କର ମାର୍କେଟିଂ ପିଲାମାନେ ଅଛନ୍ତି, ସବୁ ଅଛନ୍ତି? ହଁ ତ ମୋଠୁ କ’ଣ ସାହାଯ୍ୟ ଚାହୁଁଛନ୍ତି?
ପ୍ରଥମ ସାମ୍ବାଦିକ – ସାର ଆମେ କିଛି ଯାଗାରେ ଏକ୍ସପେରିମେଂଟ୍ କରିକି ସକ୍ସେସ୍ ହୋଇଛୁ ।
ନିର୍ବାହୀ ଯନ୍ତ୍ରୀ – ବୁଝିଲି । ଆପଣ ଯୋଉ କହୁଥିଲେ ଏଲଆର ଟା ଲୋଡ୍ ରେଷ୍ଟ୍ରିକ୍ସନ୍ ତ? ଆପଣ ସେ ମୋତେ ୱାନ୍ ଡେ ବିଫୋର କୁହନ୍ତୁ । କେତେ ଏରିଆ କହିବେ, କେତେ ସମୟ ସଟ୍ଡାଉନ୍ ଚାହୁଁଛନ୍ତି?
ପ୍ରଥମ ସାମ୍ବାଦିକ – ଆମକୁ ଘଂଟେ, ଅଧଘଂଟା, ଘଂଟେ ସଟ୍ଡାଉନ୍ ..
ନିର୍ବାହୀ ଯନ୍ତ୍ରୀ – ସଟ୍ଡାଉନ୍ ମୋର୍ ଦ୍ୟାନ୍ ୱାନ୍ ଆୱାର ବି ମିଳିବ । କିଛି ଅସୁବିଧା ନାହିଁ । କିନ୍ତୁ ଏରିଆ ୱାଇଜ୍ ମତେ ୱାନ୍ଡେ ବିଫୋର୍ କହିବାକୁ ପଡିବ । ସୋ ଦ୍ୟାଟ୍, ମୁଁ ସେହି ହିସାବରେ ପ୍ଲାନିଂ କରିବି ।
ୱାନ୍ଡେ ବିଫୋର । ଏବେ ଆପଣ ଟାଉନ୍ରେ କରୁଛନ୍ତି । ସପୋଜ ଟାଉନରେ ଭାଟ୍ସାଲଗୁଡା ଏରିଆରେ ଆପଣ କରୁଛନ୍ତି । ସେହି ଏରିଆରେ ସଟ୍ଡାଉନ୍ ଦରକାର ତ ଗୋଟିଏ ଦିନ ପୂର୍ବରୁ କହିଲେ । ସେହି ହିସାବରେ ପ୍ଲାନ କରିବି । ସେଠି ମେଂଟେନାନ୍ସ କରିବି, କିମ୍ବା ଅଲଗା କିଛି ପ୍ଲାନିଂ କରିବି । ସକାଳୁ ଆପଣଙ୍କୁ ସଟ୍ଡାଉନ୍ କରିଦେବି ।
ପ୍ରଥମ ସାମ୍ବାଦିକ – ଅର୍ବାନରେ, ସେମି ଅର୍ବାନରେ, ବାଇଂ କାପାସିଟି ଯାହାର ଅଛି..
ନିର୍ବାହୀ ଯନ୍ତ୍ରୀ – ହଁ ଠିକ୍ ଅଛି ।
ପ୍ରଥମ ସାମ୍ବାଦିକ – ଲୋକଙ୍କର ବାଇଂ କାପାସିଟି । ଅର୍ବାନରେ ସେମି ଅର୍ବାନରେ..
ନିର୍ବାହୀ ଯନ୍ତ୍ରୀ – ଆପଣ କରନ୍ତୁ, କିଛି ଅସୁବିଧା ନାହିଁ ।
ପ୍ରଥମ ସାମ୍ବାଦିକ – ଇଭିନିଂ ଟାଇମ୍ରେ ୭ଟା, ୮ଟା, ୯ଟା ବେଳେ ଏମିତି..
ନିର୍ବାହୀ ଯନ୍ତ୍ରୀ – ହୁଁ କିଛି ଅସୁବିଧା ନାହିଁ ।
ପ୍ରଥମ ସାମ୍ବାଦିକ – ସେଥିପାଇଁ କମ୍ପାନୀ ଆପଣଙ୍କ ପାଇଁ ଗୋଟେ..
ନିର୍ବାହୀ ଯନ୍ତ୍ରୀ – ସେଇଟା ଆପଣ ଫାଷ୍ଟ ସକସେସ୍ ହୁଅନ୍ତୁ ।
ପ୍ରଥମ ସାମ୍ବାଦିକ – ସେଇଟା ତ ଆମେ କରୁଛୁ ସାର, ଅନେକ ଯାଗାରେ ।
ନିର୍ବାହୀ ଯନ୍ତ୍ରୀ – ଆଉକିଛି କୁହନ୍ତୁ । ଆଉ କ’ଣ କିଛି ସାହାଯ୍ୟ କରିପାରିବି? ଆପଣ ଆଗେ ଷ୍ଟାର୍ଟ କରନ୍ତୁ, ଯଦି କିଛି ଅସୁବିଧା ହେଲା ମତେ କହିବେ । ଓକେ.. ଠିକ୍ ଅଛି । ଓକେ । ଏନିଥିଙ୍ଗ୍ ଏଲ୍ସ ସାର?
ପ୍ରଥମ ସାମ୍ବାଦିକ – ଆମ ତରଫରୁ ଗୋଟେ ସାର ଛୋଟିଆ..
ନିର୍ବାହୀ ଯନ୍ତ୍ରୀ – ନାଇ ଏବେ ଦିଅନ୍ତୁନି ସାର । କାମ ହଉ ଫାଷ୍ଟ । ଆପଣ ଏଂଟ୍ରି କରନ୍ତୁ,ତାପରେ କହିବେ । ନାଇଁ ଆପଣ ଏଂଟ୍ରି କରନ୍ତୁ, ମୋର କମିଟ୍ମେଂଟ୍ ରହିବା ଦରକାର । ଆପଣ ଏଂଟ୍ରି କରନ୍ତୁ । ଆପଣ ସକସେସ୍ ହୁଅନ୍ତୁ । ଆପଣଙ୍କ ବିଜନେସ୍ ଗ୍ରୋଥ କରୁ ।
ପ୍ରଥମ ସାମ୍ବାଦିକ – କମ୍ପାନୀ । ଜଣେଇ ଦଉଛି ସାର । ୫ ଲକ୍ଷର ବଜେଟ୍ ରଖିଛି ସାର ଆପଣଙ୍କ ପାଇଁ.. ତାପରେ ସେଲ ଦେଖିକି । ଆମେ ଦେଖିବୁ ଆମ ଏରିଆରେ ଯଦି ଭଲ ହଉଛି, ଇନ୍ସେନ୍ଟିଭ ମାନେ ଫରେନ୍ ଟୁର ବଗେରା ବି ରଖିଛି ସାର ।
ନିର୍ବାହୀ ଯନ୍ତ୍ରୀ – ଠିକ୍ ଅଛି, କିଛି ଅସୁବିଧା ନାହିଁ । ନାଇଁ ଆପଣ କେବେଠୁ ଏଠି ମାର୍କେଟିଂ କରୁଛନ୍ତି? ଆପଣଙ୍କର କେହି ପିଲା ଅଛି କି ଏଠି?
ପ୍ରଥମ ସାମ୍ବାଦିକ – ହଁ ସାର । ଆମର ରାୟପୁରରୁ ପିଲା ଏଠିକି ପଳେଇ ଆସିବେ ।
ନିର୍ବାହୀ ଯନ୍ତ୍ରୀ – ନାଇ ଆପଣଙ୍କର ମାର୍କେଟିଂ ତ କିଛି ଷ୍ଟ୍ରାଟେଜି କରିଥିବେ ନା?
ଦ୍ୱିତୀୟ ସାମ୍ବାଦିକ – ନାହିଁ ଆକ୍ଚ୍ୟୁଆଲି ଆମେ କ’ଣ ଚାହୁଁଛୁ, ହିନ୍ଦୀ ବୁଝୁଛନ୍ତି ନା.. ଆକ୍ଚ୍ୟୁଆଲି କୌଣସି ଜିନିଷର ଡିମାଣ୍ଡ ସେତେବେଳ ହେବ, ଯେତେବେଳେ ପାୱାର୍ ସଟ୍ଡାଉନ୍ ମତେ ମ୍ୟାକ୍ସିମମ୍ ମିଳିବ । ତେଣୁ ଆମେ ଚାହୁଁଛୁ, ଟିକେ କ୍ରାଇସିସ୍ ଅଛି ବୋଲି ଲୋକଙ୍କୁ ଲାଗିବା ଦରକାର ।
ନିର୍ବାହୀ ଯନ୍ତ୍ରୀ – କ୍ରାଇସିସ୍ ଅଛି ଲାଗିବା ଦରକାର ତ । ଆପଣ ଏଠିକାର ଭୌଗଳିକ ସର୍ଭେ କରିଛନ୍ତି କି? ତେଣୁ ପ୍ରଥମେ ଆପଣ.. । ଆପଣ କୋଉଠୁ ଆସିଛନ୍ତି?
ଦ୍ୱିତୀୟ ସାମ୍ବାଦିକ – ମୁଁ ରାୟପୁରରୁ ଆସିଛି ।
ନିର୍ବାହୀ ଯନ୍ତ୍ରୀ – ରାୟପୁର ମାନେ ଆପଣ ଏପଟରୁ ଆସିଛନ୍ତି ନା ଉମରକୋଟରୁ? ଏଠୁ ୪ ଘଂଟା ଲାଗୁଛି ରାୟପୁର । ଏଇଟା ସୀମା, ଛତିଶଗଡ ରାୟପୁର ସୀମା । ତ ଏଠି ଗୋଟେ ରାଇଘର ଏରିଆ ଅଛି । ରାଇଘରରୁ ତିନି ଘଂଟା ଚାରି ଘଂଟା ଲାଗୁଛି ସେପଟକୁ । ଏ ରାଇଘରରେ ଆପଣଙ୍କ ମାର୍କେଟିଂ ଭଲ ହୋଇ ପାରିବ । ରାଇଘର ରୁରାଲ୍ରେ । ଦ୍ୱିତୀୟରେ ଆପଣଙ୍କର ଝରିଗାଁ, ଚନ୍ଦାହାଣ୍ଡି ତାହା ଉମରକୋଟ ଏରିଆରେ ଅଛି । ତାପରେ ଇଆଡେ ଆସିବେ । ଏଠି କ’ଣ ଟ୍ରାଇବାଲ ଲୋକ ଅଧିକା । ଏମାନେ ଆର୍ଥିକ ଦୃଷ୍ଟି ରୁ ବି ସ୍ୱଚ୍ଛଳ ନୁହନ୍ତି ଗାଁରେ । କିନ୍ତୁ ରାଇଘର ଉମରକୋଟରେ ପଇସାବାଲା ଲୋକ । ତେଣୁ ସେଠି ଆପଣଙ୍କୁ ସୁବିଧାରେ ମାର୍କେଟିଂ କରିହେବ । ତେଣୁ ଆପଣ କହିଲେ, ସେଠି ଏଲଆର କରିଦେବା ।
ଦ୍ୱିତୀୟ ସାମ୍ବାଦିକ – ନାଇ ଆମର ଯୋଉ ଫିଲ୍ଡ କାମ, ତାହା ମାସେ ପରେ କରିବା । ତେଣୁ ପ୍ରଥମ ମାସରେ ଯୋଉ ଆପଣଙ୍କୁ ଭେଟୁଛୁ ଏଥିପାଇଁ ଏଇ ଏକ ମାସରେ ଯଦି ଆମକୁ ୧୦ ଥର କଟ୍ଟାଉନ୍ ବା ସଟ୍ଡାଉନ୍ ମିଳିଯିବ, ତ ଲୋକେ ଅସୁବିଧା ବୁଝିପାରିବେ । ଲୋକ ଅସୁବିଧା ବୁଝିବେ ତ, ଆମ ଜିନିଷକୁ ଗ୍ରହଣ କରିବେ ।
ନିର୍ବାହୀ ଯନ୍ତ୍ରୀ – ସେଥିପାଇଁ ଆପଣଙ୍କୁ ପିକ ଆୱାରରେ ସଟ୍ଡାଉନ୍ ଦରକାର । ଦିନରେ ତାର କିଛି କାମ ନାହିଁ । ୬ଟାରୁ ରାତି ୧୧ଟା ପର୍ଯ୍ୟନ୍ତ ଡେରି ରାତିରେ ହେବ ତ ଭଲ ହେବ । ଏଇଆ ଚାହୁଁଛନ୍ତି ଆପଣ । ତ ଆପଣ ମନିଟର କେମିତି କରିବେ?
ଦ୍ୱିତୀୟ ସାମ୍ବାଦିକ – ଆମକୁ ମନିଟର କରିବା ଦରକାର ନାହିଁ ସାର । ଆମର ଲୋକ ଅଛନ୍ତି ସେମାନେ ଟାଲି କରିଦେବେ । ଯେମିତି ମୁଁ ଆପଣଙ୍କୁ ଭେଟିଲି, ଆଶା କରୁଛି ମାସେ ଭିତରେ ୧୦ଥର ମିଳିଗଲେ, ସିଡ୍ୟୁଲ୍ ଅନୁସାରେ ଆପଣ ସ୍ଥିର କରିଦେବେ ।
ନିର୍ବାହୀ ଯନ୍ତ୍ରୀ – ୧୦ରୁ ଅଧିକ ମିଳିବ । ଯେତେବେଳେ ଆମେ କାଟିବୁ ନା, ପରୋକ୍ଷରେ ମୋର ଲାଭ ହେଲା । ଆମର ଇନପୁଟ କମ୍ ହେଉଛି । ତେଣୁ ଆପଣ ଯେତେବେଳେ ଚାହିଁବେ ମୁଁ କାଟିଦେବି । କିନ୍ତୁ ପିକ୍ ଆୱାରରେ କାଟିଲେ ଆମର ଲାଭ ଅଧିକ । ଆପଣଙ୍କର ଲାଭ ହେବ ମୋର ବି ଲାଭ ହେବ । ବିଭାଗର ଇନପୁଟ୍ କମ୍ ହେବ । ଏମିତି ବି କଲେକ୍ସନ୍ ହେଉନି ଏ ଏରିଆରେ । ତେଣୁ ଆମେ ପ୍ଲାନ କରୁଛୁ କୋଉ ଏରିଆରେ କେମିତି କଟିବ?
ପୂଜା ସିଜିନ୍ ଅଛି..ଏଇ ସମୟରେ ଟିକେ ଅସୁବିଧା ହେବ । ଦଶହରା ସମୟରେ ।
ଦ୍ୱିତୀୟ ସାମ୍ବାଦିକ – ଏଇ ସିଜିନ୍ରେ ମତେ ଗୋଟେ ଦୁଇ ଥର ଦିଅନ୍ତୁ ନା ।
ନିର୍ବାହୀ ଯନ୍ତ୍ରୀ – ଏଇ ନମ୍ବରରେ ହ୍ୱାଟ୍ସଆପ ଅଛି । ଆପଣ ଆଉ ୟାଙ୍କୁ ବି ଆଡ୍ କରି ଦିଅନ୍ତୁ । ହ୍ୱାଟ୍ସଆପରେ ଆପଣ କୋଉ ଏରିଆରେ ମତେ ଜଣେଇଦେବେ । ଆଉ କନଫରମେସନ୍ ବି ମତେ ଦେବେ । ମାନେ ଆପଣଙ୍କର ଯିଏ ପିଲା ଅଛି ପ୍ରକୃତରେ କରିଛି କି ନାହିଁ । ଫଳରେ ମୋର ଫିଲ୍ଡରେ ଯୋଉ ଲୋକ ଅଛନ୍ତି କ୍ୟାପଚର୍ କରିପାରିବେ ।
ଦ୍ୱିତୀୟ ସାମ୍ବାଦିକ – ଠିକ୍ ଅଛି । ସେଥିରେ କିଛି ଅସୁବିଧା ନାହିଁ । ଆମର ବ୍ୟବସ୍ଥା ହେଲା ୧୦ଥର କଟ୍ ପାଇଁ, କମ୍ପାନୀ ମୋ ପକେଟରୁ ନୁହଁ । କମ୍ପାନୀ ଏଥିପାଇଁ ୫ଲକ୍ଷ ପର ଏକ୍ଜିକ୍ୟୁଟର ରଖିଛି । ତେଣୁ ଏ ପେମେଂଟ୍ ମୁଁ ଆପଣଙ୍କୁ ମାସେ କମ୍ପିଲ୍ଟ ହେଲେ, ଯୋଉଠି କହିବେ, ଯେମିତି କହିବେ, ଦେଇ ଦେବି ।
ନିର୍ବହୀ ଯନ୍ତ୍ରୀ – ବିଶ୍ୱାସ ଉପରେ ସବୁ ଚାଲୁଛି ।
ଦ୍ୱିତୀୟ ସାମ୍ବାଦିକ – କାହା ଉପରେ ଚାଲୁଛି?
ନିର୍ବହୀ ଯନ୍ତ୍ରୀ – ବିଶ୍ୱାସରେ ଚାଲୁଛି । ଆପଣଙ୍କ କମିଟ୍ମେଂଟ୍ ଉପରେ ଚାଲୁଛି ।
ଦ୍ୱିତୀୟ ସାମ୍ବାଦିକ – ମୋର ଆଉ ଆପଣଙ୍କର କମିଟମେଂଟ୍ ହିଁ ସବୁଠାରୁ ବଡ କଥା ।
ନିର୍ବହୀ ଯନ୍ତ୍ରୀ – ଆପଣଙ୍କର ଭାଉଚର ଯାହା ଅଛି ମତେ ଦେଇ ଦିଅନ୍ତୁ । ଯେତେ ସବୁ ଅଫର ଅଛି, କଲେକ୍ଟରଙ୍କୁ କହିକି ସେଗୁଡିକା ବି ମାର୍କେଟିଂ କରେଇ ଦେବି । ଆପଣ ଥରେ ଫାଇନାଲ କରନ୍ତୁ । ଆମ ଜିଲ୍ଲାପାଳ ବି ବହୁତ ଭଲ । ତାଙ୍କୁ ବି କିଛି…ହେଲା ପରେ । କଲେକ୍ଟର ତ ସିଧାସଳଖ ନେବେନି । ଯେଉଁ ସ୍କୁଲ, ଅଙ୍ଗନୱାଡି ପାଇଁ ଯେଉଁ ଇଲେକ୍ଟ୍ରିକ କଷ୍ଟ ହୁଏ ସୋଲାର ମେଂଟେନାନ୍ସରୁ କମ ହେବ, ଏ ପ୍ରପୋଜାଲ ଦେବେ ତ, ସେ ତାଙ୍କୁ ପ୍ରେସର କରିବେ ୟାକୁ କିଣିବା ପାଇଁ । ଆଉ ଆପଣଙ୍କର ମାର୍କେଟ ରେଟ୍ର ଟିକେ ତୁଳନା କରନ୍ତୁ । ନାଇଁ ନାଇଁ ଆପଣ ଯେତେବେଳେ ବି ଯିବେ,ସାର ଏଇ ଏଇ ବ୍ରାଣ୍ଡର ମାର୍କେଟରେ ମିଳୁଛିି ତ ତୁଳନା କରାନ୍ତୁ ।
ଦ୍ୱିତୀୟ ସାମ୍ବାଦିକ- ଏବେ କିଏ ଅଛନ୍ତି କଲେକ୍ଟର ଆପଣଙ୍କର?
ନିର୍ବହୀ ଯନ୍ତ୍ରୀ – ଅଜିତ ମିଶ୍ର । ମୋର ସଜେସନ୍ ହେଉଛି । ଆପଣଙ୍କୁ ପସନ୍ଦ ଆସିବକି ନାହିଁ । କେହି ବଙ୍ଗାଳି ପିଲା ଥିବ ତ ମାର୍କେଟିଂ ସହଜ ହେବ । କାହିଁକି ସିଏ ୯୦ ପ୍ରତିଶତ ବଙ୍ଗାଳି । ନାଇଁ ତାଙ୍କର ଟିକେ ଇଂଟରନାଲ ଫିଲିଙ୍ଗସ ଆସିବ ।
ଦ୍ୱିତୀୟ ସାମ୍ବାଦିକ- ଯେମିତି ମୁଁ ଏବେ ହିନ୍ଦିରେ କଥା ହେଉଛି । ଓଡିଆରେ କଥା ହେଲେ ବେଶୀ ପ୍ରଭାବ ପଡିବ ।
ନିର୍ବହୀ ଯନ୍ତ୍ରୀ – ହଁ ହଁ ସେମିତି ଉମରକୋଟ ଏରିଆରେ ଗୋଟେ ଦିଇଟା ବଙ୍ଗାଳି ପିଲା ଛାଡିଦେଲେ ମାର୍କେଟିଂ ଭଲ ହେବ ।
ଦ୍ୱିତୀୟ ସାମ୍ବାଦିକ- ଆପଣ ଭୁବନେଶ୍ୱର ଯାଆନ୍ତି କେବେ? ଏବେ କେବେ ଯିବେ?
ନିର୍ବହୀ ଯନ୍ତ୍ରୀ – ହଁ ଏହି ମାସରେ ୨ ତାରିଖରେ ଯାଉଛି । ଛୁଟି ଅଛି ୨ରେ ଯାଉଛି ।
ପ୍ରଥମ ସାମ୍ବାଦିକ- ଆପଣଙ୍କ ଘର ସାର?
ନିର୍ବହୀ ଯନ୍ତ୍ରୀ – ବ୍ରହ୍ମପୁର, ପାଣିଟାଙ୍କି ସାମ୍ନାରେ । ମୋର ଶ୍ୱଶୁର ଘର ହେଉଛି ଭୀମଟାଙ୍ଗି, ଭୁବନେଶ୍ୱର । ଆପଣଙ୍କ ନମ୍ବର ଏଇଟା । ତ ମତେ ଆପଣଙ୍କ ଭାଉଚର ବଗେରା ଟିକେ ଦେଇଦିଅନ୍ତୁ । ତ ଏୟା କରନ୍ତୁ । ଦ୍ୱିତୀୟରେ ତ ମୁଁ କଲେକ୍ଟରଙ୍କ ସହ କଥା କରାଇଦେବି । କଲେକ୍ଟରଙ୍କର ଯାହା ପ୍ରୋଭିଜନ ଅଛି ତାଙ୍କୁ ଦେଇଦିଅନ୍ତୁ ।
ଦ୍ୱିତୀୟ ସାମ୍ବାଦିକ- କଣ କେତେ ହେବ ତାଙ୍କର? ଟିକେ କହିଦେଉ ନାହାନ୍ତି । ପ୍ରୋଭିଜନ ମୁଁ ପାସ କରାଇଦେବି ନା ।
ନିର୍ବହୀ ଯନ୍ତ୍ରୀ – ଯେତେବେଳେ କାମ ମିଳିବ ଆପଣଙ୍କୁ, ଅର୍ଡର ମିଳିବ ସେହି ହିସାବରେ ଆପଣ ଦେଇଦେବେ ।