ଛେଳିଚୋରି ସନ୍ଦେହରେ ଲୋକେ ଘଟାଇଲେ ନୃଶଂସ କାଣ୍ଡ : କାଠଗଣ୍ଡିରେ ବାନ୍ଧି ଯୁବକକୁ ପିଟିପିଟି ମାରିଦେଲେ, ବାରିପଦା ପାଲବଣି ଅଞ୍ଚଳର ଘଟଣାରେ ୨ ଗିରଫ
କନକ ବ୍ୟୁରୋ : ମରିଗଲା ମାନବିକତା । କରୋନା କାଳରେ ଯେତେବେଳେ ସମଗ୍ର ମାନବ ସମାଜ ପ୍ରତି ବଡ ବିପଦ ସୃଷ୍ଟି ହୋଇଛି । ଠିକ ସେତିକିବେଳେ ଅମଣିଷ ପଣିଆର ଏକ ବଡ ଉଦାହଣର ଦେଖିବାକୁ ମିଳିଛି ବାରିପଦାରେ । ଛେଳି ଆଗରେ କିଭଳି ମଣିଷର ଜୀବନ ତୁଚ୍ଛ ହୋଇ ଯାଇଛି, ତାହା ହିଁ ଦେଖିବାକୁ ମିଳିଛି । କାରଣ ଛେଳି ଚୋରି କରିଥିବା ଜଣେ ଯୁବକଙ୍କୁ ପିଟି ପିଟି ମାରିଦେଇଛନ୍ତି ୫ ଜଣ ।
Kanak News is now on WhatsApp
Join and get latest news updates delivered to you via WhatsApp
ବାରିପଦା ପୌରାଂଚଳ ୨୫ ନମ୍ବର ୱାର୍ଡର ପାଲବଣିରେ ରହୁଥିବା ରବି କାଳନ୍ଦି ସେହି ଅଂଚଳର ପବନା ବାସ୍କେଙ୍କ ଘରୁ ଏକ ଛେଳି ଚୋରି କରିନେଇ ମାରିଦେଇଥିବା ଅଭିଯୋଗ ହୋଇଥିଲା । ପ୍ରତିଶୋଧ ପରାୟଣ ହୋଇ ପବନାଙ୍କ ସହ ଅନ୍ୟ ୪ ଜଣ ମିଶି ରବିଙ୍କୁ ବାଟରେ ଅଟକାଇ, ଏକ କାଠ ଗଣ୍ଡିରେ ବାନ୍ଧି ଦେଇଥିଲେ । ନିଜେ ବିଚାରକ ସାଜି କରିଥିଲେ ନ୍ୟାୟ । ରବିଙ୍କୁ ବାଡିରେ ନିସ୍ତୁକ ପଟିଥିଲୋ ଫଳରେ ସେହିଠାରେ ତାଙ୍କର ମୃତ୍ୟୁ ହୋଇଯାଇଥିଲା ।
ଖବର ପାଇ ଘଟଣାସ୍ଥଳରେ ପୋଲିସ ପହଂଚି ୨ଜଣଙ୍କୁ ଗିରଫ କରିଥିବାବେଳେ ଅନ୍ୟ ୩ଜଣ ଫେରାର ହୋଇଯାଇଛନ୍ତି । ଦେବସ୍ନାନ ପୂର୍ଣ୍ଣିମା ଭଳି ଏକ ପବିତ୍ର ଦିନରେ ପାଶବିକତାର ଏଭଳି ବର୍ବର ଚିତ୍ର ବାରିପଦା ଟାଉନ ଅଂଚଳରେ ହଇଚଇ ସୃଷ୍ଟି କରିଛି ।