ବାଲିମାଫିଆଙ୍କ ଆତଙ୍କରାଜ : ବାଲି ଚୋରା ଚାଲାଣକୁ ବିରୋଧ କରିବାରୁ ଜେସିବି ଚଢ଼ାଇ ଯୁବକଙ୍କୁ ହତ୍ୟା ଅଭିଯୋଗ, ପ୍ରତିବାଦରେ ରାସ୍ତା ଅବରୋଧ
କନକ ବ୍ୟୁରୋ : ବାଲି ଚାଲାଣକୁ ବିରୋଧ କରିବାରୁ ଯୁବକଙ୍କୁ ବାଲି ମାଫିଆ ହତ୍ୟା କରିଥିବା ଅଭିଯୋଗ ହୋଇଛି । ମୟୁରଭଞ୍ଜ ରାସଗୋବିନ୍ଦପୁର ଥାନା ରାମଚନ୍ଦ୍ରପୁର ଗାଁରେ ଏଭଳି ଘଟଣା ଘଟିଛି । ଜେସିବି ବକେଟରେ ଚାପି ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ବାଲି ମାଫିଆ ମାନେ ଜମ୍ଭିରା ନଦୀରୁ ବାଲି ନେଇ ରାମଚନ୍ଦ୍ରପୁର ଗାଁ ଦେଇ ଦିନ ରାତି ବାଲି ଚାଲାଣ କରୁଥିବା ମିଣ୍ଟୁ ତରେଇ ବିରୋଧ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିରୋଧ କରିବାରୁ ମିଣ୍ଟୁ ତରେଇଙ୍କୁ ଜେସିବି ବକେଟରେ ଚାପି ବାଲିମାଫିଆ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ହତ୍ୟାକାରୀଙ୍କୁ ଗିରଫ ସହ ମୃତ ଯୁବକଙ୍କ ପରିବାର ଲୋକଙ୍କୁ କ୍ଷତିପୂରଣ ଦେବାକେୁ ଅମରଦାରୋଡ-ଚିତ୍ରଡା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି ଗାଁ ଲୋକେ । ଘଟଣା ସ୍ଥଳରେ ରାସଗୋବିନ୍ଦପୁର ପୁଲିସ ଓ ତହସିଲଦାର ପହଚିଂ ତଦନ୍ତ କରୁଛନ୍ତି ।