କଟକରୁ ୪ ବର୍ଷ ଶାସନର ହିସାବ ଦେବେ ମୋଦି ! ବିଜେପି କହିଲା, ଓଡ଼ିଶାରୁ ୨୦୧୯ ପାଇଁ ବାଜିବ ବିଗୁଲ
କନକ ବ୍ୟୁରୋ : କର୍ଣ୍ଣାଟକର ସିଂହାସନ ଲଢେଇରେ ବିଜେପିକୁ ବଡ ଝଟକା ପରେ ଆସନ୍ତା ୨୬ ତାରିଖରେ ଓଡିଶାରେ ଦେଖିବାକୁ ମିଳିବ ମୋଦିଙ୍କ ଶୋ । ନିଜ ଶାସନର ୪ବର୍ଷର ହିସାବ ଦେବାକୁ ଏଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶାକୁ ବାଛିଛନ୍ତି । କଟକର ଐତିହାସିକ କିଲ୍ଲା ପଡିଆରେ ବିଜେପି ସରକାରର ୪୮ ମାସ ଶାସନର ୪୮ଟି ଉପଲବ୍ଧିର ଚିଠା ରଖିବେ ପ୍ରଧାନମନ୍ତ୍ରୀ ମୋଦି । ଏପେଟ ଆସନ୍ତାକାଲି ବିଜେଡି ସରକାର ୪ବର୍ଷ ପୁରା କରିବାକୁ ଯାଉଛନ୍ତି । ମନ୍ତ୍ରୀ ପ୍ରତାପ ଜେନା କହିଛନ୍ତି, ନିର୍ବାଚନ ବେଳେ ଦେଇଥିବା ପ୍ରତିଶ୍ରୁତିକୁ ପାଳନ କରିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ମୋଦିଙ୍କ ଓଡିଶା ଗସ୍ତ କଥା ଆସିଲେ ସବୁବେଳେ ଏହାର ଓଡିଶା ରାଜନୀତିରେ ସମ୍ଭାବ୍ୟ ପ୍ରଭାବକୁ ନେଇ ଚର୍ଚ୍ଚା ହୁଏ । ଆଉ ଏପଟେ ୧୮ ବର୍ଷ ରହି ପଂଚମ ଥର କ୍ଷମତାକୁ ଆସିବାକୁ ଜୋରଦାର ପ୍ରୟାସ କରୁଥିବା ବିଜେଡି କହିଛି ରାଜ୍ୟବାସୀଙ୍କୁ ଦେଇଥିବା ପ୍ରତିଶୃତି ପାଳନ କରିଛୁ । ନବୀନ ସରକାରର ଚତୁର୍ଥ ପାଳିର ଚତୁର୍ଥ ବର୍ଷ ସୋମବାର ପୂରା ହେବାକୁ ଯାଉଥିବା ବେଳେ ପୁଣି ମୁହାଁମୁହିଁ ହୋଇଛନ୍ତି ବିଜେପି ଓ ବିଜେଡି । ୪ ବର୍ଷ ପୂର୍ତ୍ତିକୁ ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ଭିତରେ ବାକଯୁଦ୍ଧ ଆରମ୍ଭ ହୋଇଥିବା ବେଳେ କଂଗ୍ରେସ ଉଭୟଙ୍କୁ ଟାର୍ଗେଟ କରିଛି । ତୈଳ ଦର ବୃଦ୍ଧି, ଏଟିଏମରେ ଟଙ୍କା ନମିଳିବା ଓ ସର୍ବୋପରି ମହାନଦୀ ପ୍ରସଙ୍ଗ ଭିତରେ ମୋଦିଙ୍କ ଏହି ଗସ୍ତର ପ୍ରଭାବ କଣ ରହିବ ତାକୁ ନେଇ ଚର୍ଚ୍ଚା ଜୋର ଧରିଛି ।