କନକ ବ୍ୟୁରୋ : ଲେକାସଭା ନିର୍ବାଚନରେ ଏନଡ଼ିଏକୁ ବହୁମତ ମିଳିଛି । ସାରା ଦେଶରେ ମୋଦି ଲେହେର । ପ୍ରଚଣ୍ଡ ବହୁମତରେ ବାଜିମାତ୍ କରିଛି ଏନଡ଼ିଏ । ଆସନ୍ତା ୩୦ ତାରିଖରେ ପୁଣି ଥରେ ପ୍ରଧାମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦି । ଶପଥ ନେବା ପୂର୍ବରୁ ନିଜ ସଂସଦୟୀ କ୍ଷେତ୍ର ବାରଣାସୀ ଏବଂ ତା’ପୂର୍ବରୁ ଗୃହରାଜ୍ୟ ଗୁଜୁରାଟ ଯିବେ ମୋଦି । ନିର୍ବାଚନ ଫଳାଫଳା ଆସିବା ପରେ ଆଜି ବିଜେପି ସଂସଦୀୟ ଦଳ ବୈଠକ ଅନୁଷ୍ଠିତ ହୋଇଚି । ବୈଠକରେ ସର୍ବବସମ୍ମତି କ୍ରମେ ଔପଚାରିକ ଭାବେ ମୋଦିଙ୍କୁ ବିଜେପି ସଂସଦୀୟ ଦଳ ନେତା ଚୟନ କରିଛନ୍ତି । ବିଜେପି ସହଯୋଗୀ ଦଳମାନେ ଏଥିରେ ସହଯୋଗ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଦିଙ୍କୁ ଏନଡ଼ିଏ ସଂସଦୀୟ ଦଳ ନେତା ଚୟନ କରାଯିବା ପରେ ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏଡ଼ଡ଼ିଏ ଦଳର ନେତା ବାଛିପା ପାଇଁ ସଂସଦ ଭବନର ସେଣ୍ଟ୍ରାଲ ହଲରେ ଏନଡ଼ିଏ ଦଳ ବୈଠକ ଡକାଯାଇଥିଲେ । ଏହି ଅବସରରେ ଏନଡ଼ିଏରେ ସାମିଲ ଦଳ ଗୁଡ଼ିକ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ପଦ ପାଇଁ ସମର୍ଥନ ଜଣାଇଛନ୍ତି । ଆଜି ବସିଥିବା ଏନଡିଏ ସଂସଦୀୟ ଦଳ ବୈଠକରେ ଶୀରୋମଣି ଅକାଳି ଦଳ ମୁଖ୍ୟ ପ୍ରକାଶ ସିଂ ବାଦଲ ମୋଦିଙ୍କ ନାଁ ପ୍ରସ୍ତାବ ଦେଇଥିବାବେଳେ ଶିବସେନା ମୁଖ୍ୟ ଉଦ୍ଧବ ଠାକରେ ଓ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ମୁଖ୍ୟ ନିତିଶ କୁମାର ଏହି ପ୍ରସ୍ତାବର ସମର୍ଥନ କରିଥିଲେ ।
ଏନଡ଼ିଏ ସଂସଦୀୟ ଦଳ ବୈଠକରେ ଉଦବୋଧନ ଦେଇ ମୋଦି କହିଛନ୍ତି, ସାରା ବିଶ୍ୱର ଧ୍ୟାନ ଭାରତର ନିର୍ବାଚନ ଉପରେ ଥିଲା । ନୂଆ ଭାରତର ସଂଙ୍କଳ୍ପକୁ ନୂଆ ଉତ୍ସାହର ସହ ଆଗେଇ ନେବାକୁ ଆହ୍ୱାନ ଦେଇଛନ୍ତି ମୋଦି । ୨୦୧୯ ନିର୍ବାଚନ ସାମାଜିକ ଏକତାର ଆନ୍ଦୋଳନ ଥିଲା । ନିର୍ବାଚନ ହୃଦୟ ଯୋଡ଼ିବାର କାମ କରିଛି । ପ୍ରଚଣ୍ଡ ବହୁମତ ଦାୟତ୍ୱକୁ ଆହୁରି ଅଧିକ ବଢ଼ାଇ ଦେଇଛି । ବିଜେପିର ସେବା ଭାବ ଯୋଗୁଁ ହିଁ ଏହି ବିଜୟ ସମ୍ଭବ ବୋଲି କହିଛନ୍ତି ମୋଦି ।
ଏନଡିଏର ନେତା ନିର୍ବାଚିତ ହେବା ପରେ ମୋଦି ଆଜି ସଂଧ୍ୟାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟି ସରକାରଗଠନ ପାଇଁ ଦାବି କରିବେ । ଆସନ୍ତା ୩୦ ତାରିଖରେ ନୂଆ ସରକାର ଶପଥ ଗ୍ରହଣ କରିବାର ସମ୍ଭାବନା ରହିଛି । ଏହା ପୂର୍ବରୁ ପ୍ରଧାନମନ୍ତ୍ରୀ ବାରାଣାସୀ ଯିବାର କାର୍ୟ୍ୟକ୍ରମ ରହିଛି । ମୋଦି ବାରାଣାସୀ ଲୋକସଭା ଆସନରୁ ୪.୭୯ ଲକ୍ଷର ବିଶାଳ ଭୋଟ ବ୍ୟବଧାନରେ ବିଜୟୀ ହେଇଛନ୍ତି । ନିକଟରେ ସମାପ୍ତ ଲୋକସଭା ନିର୍ବାଚନରେ ଏନଡିଏ ମେଣ୍ଟ ମୋଟ ୩୫୦ଟି ଆସନ ପାଇଛି ।