ଗଛ ଉପରେ ମୋବାଇଲ ନେଟୱର୍କ : ପୁରା ଗାଁ ପାଇଁ ରହିଛି ଗୋଟିଏ ମୋବାଇଲ, ଅନୁଗୁୁଳ ଦଣ୍ଡାବାହାଳ ଗାଁରୁ ଆସିଲା ବିଚିତ୍ର ଦୃଶ୍ୟ
କନକ ବ୍ୟୁରୋ : ଗୋଟିଏ ଗାଁକୁ ଗୋଟିଏ ମୋବାଇଲ । ଶୁଣିଲେ ଆଶ୍ଚର୍ଯ୍ୟ ଲାଗୁଥିଲେ ବି, ଏଭଳି ଗାଁ ରହିଛି ଅନୁଗୁଳ ସାତକୋଶିଆ ଅଭୟାରଣ୍ୟରେ । ଗାଁ ନାଁ ହେଉଛି ଦଣ୍ଡାବାହାଳ । ଗାଁକୁ ସବୁ ସୁବିଧା ଅଛି । ହେଲେ ନେଟୱର୍କ ନଥିବାରୁ ମୋବାଇଲ ସେବାରୁ ବଂଚିତ ହେଉଛନ୍ତି ଗାଁ ଲୋକେ । ଦାମୀ ଆଣ୍ଡ୍ରଏଡ ବି ପିଲାଙ୍କ ଖେଳନା ସାଜିଛି । ଆଉ ଲୋକଙ୍କ ବିକଳ୍ପ ସାଜିଛି ବସନ୍ତ ରାଉତଙ୍କ ଫିଚର ଫୋନ । କାହା ସହ କଥା ହେବାକୁ ହେଲେ ଲୋକଙ୍କୁ ଗାଁ ଠାରୁ ୫ କିଲୋମିଟର ଦୂରକୁ ଯିବାକୁ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଗାଁ ନିକଟସ୍ଥ ବଉଳ ଗଛ ନିକଟରେ ଏକ ଘରୋଇ କମ୍ପାନୀର ନେଟୱର୍କ କେବଳ ସେହି ଫୋନରେ ଆସୁଛି । ଆଉ ଏଥିପାଇଁ ଫିଚର ଫୋନକୁ ଗଛରେ ଝୁଲାଇ ରଖିବାକୁ ପଡୁଛି । ବସନ୍ତ ବାବୁ ଏହି ଫୋନ କିଣିବା ପରଠୁ ଗାଁ ଲୋକଙ୍କ ସୁବିଧା ଲାଗି ଭୋଟ ୪ଟାରୁ ରାତି ୯ଟା ଯାଏଁ ଗଛରେ ମୋବାଇଲ ଫୋନ ଝୁଲାଇ ରଖୁଛନ୍ତି । ସବୁ ସୂଚନା ପାଇଁ ଏହି ମୋବାଇଲ ଫୋନ ପାଲଟିଛି ମାଧ୍ୟମ ।