କଂଗ୍ରେସ ଟିକେଟରୁ ନିର୍ବାଚନ ଲଢ଼ିବେ ମାଓନେତା ସବ୍ୟସାଚୀ ପଣ୍ଡାଙ୍କ ପତ୍ନୀ ! ରଣପୁର ବିଧାନସଭା କ୍ଷେତ୍ରରୁ ନିର୍ବାଚନ ଲଢ଼ିବେ ଶୁଭଶ୍ରୀ ପଣ୍ଡା
କନକ ବ୍ୟୁରୋ : ରଣପୁର ବିଧାନସଭା କ୍ଷେତ୍ରରୁ ନିର୍ବାଚନୀ ମୈଦାନକୁ ଓଲହାଇବେ ମାଓନେତା ସବ୍ୟସାଚୀ ପଣ୍ଡାଙ୍କ ପତ୍ନୀ । ଶୁଭଶ୍ରୀ ପଣ୍ଡାଙ୍କୁ ଟିକେଟ ଦେଇଛି କଂଗ୍ରେସ । ତେବେ ଶୁଭଶ୍ରୀ ପଣ୍ଡା ରଣପୁର ବିଧାନସଭା କ୍ଷେତ୍ର ପାଇଁ ନୂଆ ମୁହଁ ନୁହେଁ । ୨୦୧୪ରେ ମଧ୍ୟ ରଣପୁରରୁ ନିର୍ବାଚନ ଲଢ଼ିସାରିଛନ୍ତି ଶୁଭଶ୍ରୀ ପଣ୍ଡା । ରଣପୁରରେ ଚଳିତ ଥର ପ୍ରାର୍ଥୀ ବଦଳାଇଛି କଂଗ୍ରେସ । କଂଗ୍ରେସରେ ସାମିଲ ହେବାପରେ ସେ ପ୍ରଥମ ଥର ପାଇଁ କଂଗ୍ରେସ ପାଇଁ ନିର୍ବାଚନ ଲଢ଼ିବା ପାଇଁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଗତ ବର୍ଷ ଅଗଷ୍ଟ ମାସରେ କଂଗ୍ରେସରେ ସାମିଲ ହୋଇଥିଲେ ମାଓନେତା ସବ୍ୟସାଚୀ ପଣ୍ଡାଙ୍କ ପତ୍ନୀ ଶୁଭଶ୍ରୀ ପଣ୍ଡା । ୨୦୧୪ ସାଧାରଣ ନିର୍ବାଚନରେ ସୌମ୍ୟରଞ୍ଜନ ପଟ୍ଟନାୟକଙ୍କ ପୁରୁଣା ଦଳ ଆମ ଓଡ଼ିଶା ପାର୍ଟି ତରଫରୁ ରଣପୁର ବିଧାନସଭା ଆସନରୁ ସେ ନିର୍ବାଚନ ଲଢ଼ି ପରାଜିତ ହୋଇଥିଲେ । ତେବେ ସୌମ୍ୟରଞ୍ଜନ ପଟ୍ଟନାୟକ ବିଜେଡ଼ିରେ ସାମିଲ ହୋଇ ସାଂସଦ ହେବା ପରେ ଶୁଭଶ୍ରୀ ପଣ୍ଡାଙ୍କ ରାଜନୈତିକ ଭବିଷ୍ୟତ ଅନିଶ୍ଚିତତା ଘେରକୁ ଠେଲି ହୋଇଯାଇଥିଲା । ତେଣୁ ସେ କଂଗ୍ରେସରେ ଯୋଗ ଦେଇଥିଲେ ।
୨୦୧୪ ନିର୍ବାଚନରେ ବିଜେଡ଼ି ପ୍ରାର୍ଥୀ ରବି ନାରାୟଣ ମହାପାତ୍ର ୬୦,୭୦୫ ଭୋଟ ପାଇଁ ନିର୍ବାଚନ ଜିତିଥିଲେ । ୪୪,୨୭୯ ଟିକେଟ ପାଇଁ ଦ୍ୱିତୀୟରେ ଥିଲେ ବିଜେପି ପ୍ରାର୍ଥୀ ସୁରମା ପାଢ଼ୀ । କଂଗ୍ରେସ ପ୍ରାର୍ଥୀ ସତ୍ୟଜିତ ପଟ୍ଟନାୟକଙ୍କୁ ମିଳିଥିଲା ୧୭,୧୧୦ ଟି ଭୋଟ୍ । ଏହି ନିର୍ବାଚନରେ ପଂଚମ ସ୍ଥାନରେ ରହିବା ସହ ଶୁଭଶ୍ରୀ ପଣ୍ଡାଙ୍କ ହାତକୁ ଆସିଥିଲା ମାତ୍ର ୫,୦୯୧ ଭୋଟ ।