ସବୁ ଜିଲ୍ଲାପାଳ ଓ ମହାନଗର ନିଗମ କମିଶନଙ୍କୁ ଶ୍ରମ ସଚିବଙ୍କ ଚିଠି : ରାଜ୍ୟରେ ଥିବା ପ୍ରବାସୀ ଶ୍ରମିକଙ୍କୁ ଭଲରେ ରଖିବାକୁ ନିର୍ଦ୍ଦେଶ
କନକ ବ୍ୟୁରୋ : କରୋନା ମୁକାବିଲା ପାଇଁ ତାଲାବନ୍ଦ ଭଳି କଠୋର ପଦକ୍ଷେପ, ଶ୍ରମିକ ମାନଙ୍କ ସମସ୍ୟାକୁ ବଢାଇ ଦେଇଛି । ଯିଏ ଯେଉଁଠି ଅଛନ୍ତି, ସେହିଠାରେ ରହିବାକୁ ନିର୍ଦ୍ଦେଶ ଦିଆଯାଇଛି । ତେଣୁ ଓଡିଶାରେ ଫସିରହିଛନ୍ତି ବାହାର ରାଜ୍ୟର ହଜାର ହଜାର ଶ୍ରମିକ । ଆଉ ଏମାନଙ୍କ ଭଲରେ ଯତ୍ନ ନେବା ପାଇଁ ନିର୍ଦ୍ଦେଶ ଦେଇଛନ୍ତି ଶ୍ରମ ସଚିବ । ବିଶେଷ କରି ଶ୍ରମିକ ଅଶାନ୍ତି ନେଇ କେନ୍ଦ୍ର ସରକାର ସବୁ ରାଜ୍ୟକୁ ଚିଠି ଲେଖିବା ପରେ ରାଜ୍ୟ ଶ୍ରମ ବିଭାଗ ପକ୍ଷରୁ ସବୁ ଜିଲ୍ଲାପାଳ ଓ ମହାନଗର ନିଗମ କମିଶନଙ୍କୁ ଚିଠି ଲେଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିଜ ନିଜ ଜିଲ୍ଲାରେ ଥିବ କ୍ୟାମ୍ପଗୁଡିକରେ କେତେ ପ୍ରବାସୀ ଶ୍ରମିକ ରହିଛନ୍ତି ସେମାନଙ୍କ ଅବସ୍ଥା ସଂପର୍କରେ ଜିଲ୍ଲାପାଳମାନେ ତୁରନ୍ତ ସମୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି ଶ୍ରମ ସଚିବ ଅନୁ ଗର୍ଗ । ଶ୍ରମିକମାନେ ଯେଭଳି ସୁସ୍ଥ ପରିବେଶରେ ରହିବେ ଓ ଖାଇବେ ସେଥିପଇଁ ନୋଡାଲ ଅଧିକାରୀ ମଧ୍ୟ ନିଯୁକ୍ତ କରିବାକୁ କୁହାଯାଇଛି । ଏଥିସହ ପ୍ରବାସୀ ଶ୍ରମିକ ମାନଙ୍କୁ ମର୍ଯ୍ୟାଦାର ସହ ରଖିଥିବା ସୋନପୁର, କେନ୍ଦୁଝର, ମୟୁରଭଞ୍ଜ, ସମ୍ବଲପୁର ଓ ଗଞ୍ଜାମ ଜିଲ୍ଲାପାଳଙ୍କ ଉଦ୍ୟମକୁ ପ୍ରଶଂସା କରିଛନ୍ତି ଶ୍ରମ ସଚିବ ।