ଦାଦନଙ୍କୁ ଦାଉ ସାଧୁଛି ତାଲାବନ୍ଦ : ହାଇଦ୍ରବାଦରୁ ଗର୍ଭବତୀ ସ୍ତ୍ରୀ ଓ ଦୁଇବର୍ଷର ଛୁଆଙ୍କୁ କାଠଗାଡିରେ ୬ ଶହ କିମି ଟାଣି ଟାଣି ଆଣିଲେ ଯୁବକ
କନକ ବ୍ୟୁରୋ : ତାଲାବନ୍ଦ ଭିତରେ ପ୍ରବାସୀ ଶ୍ରମିକଙ୍କ ଘର ବାହୁଡାର ମର୍ମନ୍ତୁଦ ଚିତ୍ର ପ୍ରତିଦିନ ଦେଖିବାକୁ ମିଳିଛି । କାଠ ତିଆରେ ଗାଡିରେ ଗର୍ଭବତୀ ପତ୍ନୀ ଓ ୨ ବର୍ଷର ଶିଶୁକୁ ବସାଇ ହାଇଦ୍ରାବାଦରୁ ମଧ୍ୟପ୍ରଦେଶର ପାଲଘାଟକୁ ଫେରିଛନ୍ତି । ପ୍ରଥମେ କିଛି ବାଟ ଚାଲିବା ପରେ ଗର୍ଭବତୀ ପତ୍ନୀ ଚାଲିପାରିନଥିଲେ । ଏହାପରେ କାଠରେ ଏକ ଛୋଟଗାଡି ତିଆରି କରି ସେଥିରେ ପତ୍ନୀ ଓ ଝିଅକୁ ବସାଇ ୬୫୦ କିଲୋମିଟର ହାତରେ ଟାଣି ଟାଣି ଫେରିଛନ୍ତି ମଧ୍ୟପ୍ରଦେଶର ପାଲଘାଟକୁ ।
Kanak News is now on WhatsApp
Join and get latest news updates delivered to you via WhatsApp
ଲକଡାଉନ୍ ପରେ ଠିକାଦାର ସାଇଟ୍ ବନ୍ଦ କରିଦେବାକୁ କାମ ଧନ୍ଦା ନପାଇ ହାଇଦ୍ରାବାଦରେ ଫସି ରହିଥିଲେ ପାଲଘାଟର ରାମ ଘୋରମାରେ । ଏହାପରେ କିଛି ଦିନ ପାଖରେ ଥିବା ଟଙ୍କାରେ ପରିବାର ଚାଲିଥିଲା । ହେଲେ ଟଙ୍କା ସରିବା ପରେ ଘରକୁ ସପରିବାର ପାଦରେ ବାହାରିଥିଲେ । କିଛି ବାଟ ଚାଲିବା ପରେ ଗର୍ଭବତୀ ପତ୍ନୀ ଚାଲିନପାରିବାରୁ ସେ ଏକ କାଠ ଗାଡି ତିଆରି କରି ସେଥିରେ ଗର୍ଭବତୀ ପତ୍ନୀ ଓ ୨ ବର୍ଷର ଶିଶୁକୁ ବସାଇ ହାତରେ ଟାଣି ଟାଣି ପାଲଘାଟ ପହଞ୍ଚିଛନ୍ତି ।
ସେପଟେ ଇନ୍ଦୌର ବାଇପାସର ଏକ ଭିଡିଓ ଭାଇରାଲ ହେଉଛି । ରାସ୍ତା ଉପରେ ଶ୍ରମିକଙ୍କ ବିବଶତା ଓ ଅସହାୟତାର ଚିତ୍ର ଦେଖିବାକୁ ମିଳୁଛି । ଯେକୌଣସି ପ୍ରକାରେ ଘରକୁ ପହଂଚିବାକୁ ପ୍ରବାସୀ ଶ୍ରମିକମାନେ ଜୀବନକୁ ବାଜିରେ ଲଗାଇ ଯାତ୍ରା କରୁଛନ୍ତି । ଭାଇରାଲ ଭିଡିଓରେ ଜଣେ ଶ୍ରମିକ ପରିବାର ଏକ ଶଗଡ ଗାଡିରେ ଘରକୁ ଫେରୁଛନ୍ତି । ହେଲେ ଦୁଃଖର ବିଷୟ ଶଗଡ ଗାଡିରେ ଗୋଟିଏ ପଟେ ବଳଦ ଯୋଚା ହୋଇଥିବା ବେଳେ ଅନ୍ୟପଟେ ବଳଦ ସହ ତାଳ ଦେଇ ଶଗଡ ଟାଣୁଛି ମଣିଷ । ମହାରାଷ୍ଟର ନାନ୍ଦେଣରୁ ଶଗଡ ଗାଡିରେ ମାକୁ ବସାଇ ଟାଣି ଟାଣି ମଧ୍ୟପ୍ରଦେଶର ରିବାକୁ ବାହାରିଛି ପୁଅ । ନାନ୍ଦେଣରୁ ମଧ୍ୟପ୍ରଦେଶର ରିବା ପ୍ରାୟ ୮ଶହ କିଲୋମିଟର ଦୂରତା । ଆଉ ୮ ଶହ କିଲୋମିଟର ରାସ୍ତା ଅତିକ୍ରମ କରିବା ପାଇଁ ଶଗଡ ଗାଡିରେ ମାକୁ ବସାଇ ଗୋଟିଏ ପଟେ ବଳଦ ଓ ଅନ୍ୟପଟେ ନିଜେ ଟାଣି ଗାଁକୁ ପହଂଚିବାକୁ ବାହାରିଛି ପୁଅ ।