ମଧ୍ୟାହ୍ନ ଭୋଜନରେ ମହାଘୋଟାଲା : ୧ଲିଟର କ୍ଷୀରରେ ୧ବାଲ୍ଟି ପାଣି ମିଶାଇ ୮୫ ଛାତ୍ରଛାତ୍ରୀଙ୍କୁ ପିଇବାକୁ ଦିଆଗଲା
କନକ ବ୍ୟୁରୋ : ମଧ୍ୟାହ୍ନ ଭୋଜନରେ ଅନିୟମିତତା । ଉତ୍ତରପ୍ରଦେଶରର ସୋନଭଦ୍ରରୁ ଏପରି ଖବର ଆସିଛି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ ନିଶ୍ଚୟ । ସୋନଭଦ୍ରା ଜିଲ୍ଲାର ଚୋପାନ ଅଞ୍ଚଳରେ ଥିବା ଗୋଟାଏ ସରକାରୀ ପ୍ରାଥମିକ ବିଦ୍ୟାଳୟରେ ଏକ ଲିଟର କ୍ଷୀରରେ ଏକ ବାଲ୍ଟି ପାଣି ମିଶାଇ ୮୫ ପିଲାଙ୍କୁ ପିଇବାକୁ ଦିଆଯିବାର ଖବର ଆସିଛି । ତେବେ ଏହି ଘଟଣା ପ୍ରଘଟ ହେବାପରେ ଦୁଇ ଜଣ ଶିକ୍ଷାମିତ୍ରଙ୍କୁ ବରଖାସ୍ତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିର୍ଜାପୁରରେ ମଧ୍ୟାହ୍ନ ଭୋଜନରେ ପିଲାଙ୍କୁ ଶୁଖିଲା ରୁଟି ସହ ଲୁଣ ପରସାଯିବା ପରେ ସାରା ଦେଶରେ ଚର୍ଚ୍ଚା ପାଲଟିଥିଲା । ଆଉ ଏବେ ପୁଣି ସୋନଭଦ୍ରରର ଗୋଟାଏ ସରକାରୀ ପ୍ରାଥମିକ ବିଦ୍ୟାଳୟରେ ଏକ ଲିଟର କ୍ଷୀରରେ ପାଣି ମିଶାଇ ୮୫ ପିଲାଙ୍କୁ ପିଇବାକୁ ଦିଆଯାଇଛି । ରୋଷେଇଆ କ୍ଷୀରରେ ପାଣି ମିଶାଉଥିବାରର ଦୃଶ୍ୟ କେହି ଜଣେ ଷ୍ଟାଫ୍ ଉତ୍ତୋଳନ କରି ଭାଇରାଲ୍ କରିଦେଇଛନ୍ତି ବୋଲି କୁହାଯାଉଛି । ତେବେ ଶିକ୍ଷାମିତ୍ରଙ୍କ ନିର୍ଦ୍ଦେଶ ଅନୁସାରେ ଏପରି କରିଥିବା କହିଛନ୍ତି ରୋଷେଇଆ ଜଣକ ।
ତେବେ ଏ ଘଟଣା ନେଇ ଶିକ୍ଷା ଅଧିକାରୀ ସଫେଇ ଦେଇଛନ୍ତି । ସ୍କୁଲ କର୍ତ୍ତୃପକ୍ଷ ନିଜର ଭୁଲ ହୃଦୟଙ୍ଗମ କରିପାରି ପ୍ରାୟ ୨ ଘଣ୍ଟା ପରେ ଛାତ୍ରଛାତ୍ରୀଙ୍କୁ ବଳକା କ୍ଷୀର ପିଆଇଥିଲେ ବୋଲି ସେ ଯୁକ୍ତି ବାଢ଼ିଛନ୍ତି । ତେବେ ଏଇଠି ପ୍ରଶ୍ନ ଉଠୁଛି କେଉଁ ନ୍ୟାୟରେ ପ୍ରଚୁର ପରିମାଣର କ୍ଷୀର ମହଜୁଦ ଥିବା ସତ୍ୱେ ପାଣିମିଶା କ୍ଷୀର ପିଲାଙ୍କୁ ପିଇବାକୁ ଦିଆଯାଉଥିଲା । ଆଉ ଏପଟେ ଶିକ୍ଷା ଅଧିକାରୀ ସଫେଇ ଦେଉଛନ୍ତି ସ୍କୁଲ କର୍ତ୍ତୃପକ୍ଷ ଭୁଲ ବୁଝି, ତତ୍କାଳ ଭୁଲକୁ ସୁଧାରି ଦେଇଥିଲେ ।