ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ନିଜସ୍ୱ ଢଙ୍ଗରେ ପ୍ରଶଂସା କଲେ ପ୍ରଧାନମନ୍ତ୍ରୀ ! କହିଲେ, ଏବେ ବଦଳିଯାଇଛି ଅଭିନନ୍ଦନ ଶଦ୍ଦର ଅର୍ଥ
କନକ ବ୍ୟୁରୋ : ୱିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କୁ ନିଜସ୍ୱ ଢ଼ଙ୍ଗରେ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦିଲ୍ଲୀ ବିଜ୍ଞାନ ଭବନରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗ ଦେଇ ମୋଦି କହିଛନ୍ତି-ଏଣିକି ଅଭିନନ୍ଦନର ଅର୍ଥ ହିଁ ବଦଳି ଯାଇଛି । ଭାରତ ଯାହା କରେ, ତାକୁ ଦୁନିଆ ଅତି ଧ୍ୟାନର ସହ ଦେଖିଥାଏ । ଆଉ ଭାରତର ଏଭଳି ଶକ୍ତି ରହିଛି ଯେ, ଅଭିଧାନରେ ଥିବା ଶବ୍ଦର ଅର୍ଥ ବଦଳାଇ ଦେଇପାରେ । ଅଭିନନ୍ଦରର ଇଂରାଜୀ ଅର୍ଥ ହେଉଛି କଙ୍ଗ୍ରାଚୁଲେସନ୍, କିନ୍ତୁ ଏବେ ଅଭିନନନ୍ଦର ଅର୍ଥ ବଦଳି ଯାଇଛି ବୋଲି ମୋଦି କହିଛନ୍ତି । ବାୟୁସେନା ଯବାନ ଅଭିନନ୍ଦନ ବର୍ଥମାନଙ୍କ ସ୍ୱଦେଶ ଫେରିବାକୁ କେନ୍ଦ୍ରରେ ରଖି ପ୍ରଧାନମନ୍ତ୍ରୀ ଇସାରା-ଇସାରାରେ ଏଭଳି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଦୀର୍ଘ ୬୦ ଘଂଟା ପରେ ୱାଘା ବର୍ଡର ଦେଇ ଗତକାଲି ପାକିସ୍ତାନରୁ ଭାରତକୁ ଫେରିଛନ୍ତି ପାଇଲଟ୍ ଅଭିନନ୍ଦନ ବର୍ଥମାନ । ୨ ଦିନ ଧରି ପାକ୍ କବଜାରେ ରହିବା ପରେ ଶୁକ୍ରବାର ୱାଘା ବର୍ଡର ଦେଇ ଭାରତ ଫେରିଛନ୍ତି ବୀର ଯବାନ ଅଭିନନ୍ଦନ । ଶୁକ୍ରବାର ରାତି ପ୍ରାୟ ୯ଟା ୨୫ ମିନିଟରେ ୱାଘା ବର୍ଡର ଦେଇ ଭାରତ ମାଟିରେ ପାଦ ରଖିଥିଲେ ସେ । ଛାତି ଚଉଡା କରି ଶତ୍ରୁ ଦେଶର ମାଟିରୁ ଆସି ଭାରତ ମାଟିରେ ପାଦ ରଖିଥିଲେ ଅଭିନନ୍ଦନ । ଅଭିନନ୍ଦନ ଭାରତ ମାଟିରେ ପାଦ ରଖିବାର ଖବର ଟେଲିଭିଜନରେ ପ୍ରସାର ହେବା କ୍ଷଣି , ଦେଶର ବିଭିନ୍ନ ଅଂଚଳରେ ଆରମ୍ଭ ହୋଇଥିଲା ଉତ୍ସବ ।