ଝାରସୁଗୁଡାରେ ସର୍ବାଧିକ ଓ କୋରାପୁଟରେ ସର୍ବନିମ୍ନ ପାସହାର : ୨୮୯ଟି ସ୍କୁଲରେ ଶତ ପ୍ରତିଶତ ପରୀକ୍ଷା ଫଳ, ୮୨ଟି ସ୍କୁଲର ଫଳାଫଳ ଶୂନ
କନକ ବ୍ୟୁରୋ : ମାଟ୍ରିକ ଫଳାଫଳ ପ୍ରକାଶିତ । ପାସ ହାର ରହିଛି ୭୦ ଦଶମିକ ୭୮ପ୍ରତିଶତ । ଚଳିତ ବର୍ଷ ୫ ଲକ୍ଷ ୬୨ ହଜାର ୨୧୩ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ବେଳେ ପାସ ହୋଇଛନ୍ତି ୩ଲକ୍ଷ ୯୭ହଜାର ୧୨୫ ଜଣ ପରୀକ୍ଷାର୍ଥୀ । ପୁଅଙ୍କ ଅପେକ୍ଷା ଝିଅଙ୍କ ପାସ ହାର ଅଧିକ ହୋଇଛି । ୧ ଲକ୍ଷ ୯୧ ହଜାର ୬୫୫ ଜଣ ପୁଅ ପାସ କରିଛନ୍ତି । ସେହିପରି ୨ଲକ୍ଷ ୫ହଜାର ୪୭୦ ଜଣ ଝିଅ ପାସ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଝାରସୁଗୁଡାରେ ସର୍ବାଧିକ ପାସହାର ୮୫ ଦଶମିକ ୪୮ ପ୍ରତିଶତ ରହିଥିବା କୋରାପୁଟରେ ସର୍ବନିମ୍ନ ପାସହାର ୫୦ ଦଶମିକ ୬୧ ପ୍ରତିଶତ ରହିଛି । ଚଳିତ ବର୍ଷ ଏ ୱାନ ଗ୍ରେଡ ୧୧୮୧ ଜଣ ପାସ ହୋଇଥିବା ବେଳ ଏ ଟୁ ଗ୍ରେଡ ପାଇଛନ୍ତି ୯ହଜାର ୯୩୮ । ବି ୱାନ ଗ୍ରେଡ ୨୪ ହଜାର ୯୯୧ ଜଣ ପରୀକ୍ଷାର୍ଥୀ ଓ ବି ଟୁ ଗ୍ରେଡରେ ୪୬ ହଜାର ୩୧୯ ଜଣ ପାସ କରିଛନ୍ତି । ସେହିପରି ସି ଗ୍ରେଡ ୭୬ହଜାର ୧୩୯ ଜଣ ପରୀକ୍ଷାର୍ଥୀ ପାଇଥିବା ବେଳେ ଡି ଗ୍ରେଡରେ ରହିଛନ୍ତି ୧ଲକ୍ଷ ୧୬ହଜାର ୨୬୨ ଜଣ ।
ଚଳିତ ବର୍ଷ ମାଟ୍ରିକ ପରୀକ୍ଷା ଫଳ ୧୮୯ଟି ସ୍କୁଲରେ ଶତପ୍ରତିଶତ ହୋଇଛି । ୮୨ଟି ସ୍କୁଲରେ ରେଜଲ୍ଟ ଶୂନ ହୋଇଛି । ଅର୍ଥାତ ଏହି ସ୍କୁଲରେ କୌଣସି ବି ପରୀକ୍ଷାର୍ଥୀ ପାସ କରିନାହାନ୍ତି । କଣ ପାଇଁ ଏହି ସମସ୍ତ ସ୍କୁଲରେ ରେଜଲ୍ଟ ଖରାପ ହୋଇଛି । ସେ ନେଇ ତର୍ଜମା କରାଯିବା ସହ ଖରାପ ରେଜଲ୍ଟ ହୋଇଥିବା ସ୍କୁଲ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଗଣଶିକ୍ଷା ସଚିବ ପ୍ରଦୀପ୍ତ ମହାପାତ୍ର ।