ନୂଆ ଅଡ଼ିଓ ଜାରି କଲା ମସୁଦ ଅଜହର ! କହିଲା, ପାକିସ୍ତାନ ପ୍ରତି ଚୀନର ସମର୍ଥନ ରହିଛି, ଭାରତକୁ ଡରିବାର ଆବଶ୍ୟକତା ନାହିଁ
କନକ ବ୍ୟୁରୋ : ଜମ୍ମୁ-କାଶ୍ମୀରରେ ହୋଇଥିବା ଆତଙ୍କବାଦୀ ଆକ୍ରମଣ ଠିକ ଏକ ସପ୍ତାହ ପରେ ମସୁଦ ଆଜହର ଏକ ନୂଆ ଅଡ଼ିଓ ଜାରି କରିଛି । ପୁଲୱାମା ଘଟଣାରେ ତା’ର କୌଣସି ପ୍ରକାର ହାତ ନାହିଁ ବୋଲି ଅଡ଼ିଓରେ କରିଛି । କେବଳ ଏତିକି ନୁହେଁ ଆତଙ୍କବାଦୀ ଆଦିଲ ଅହମ୍ମଦ ଡାରକୁ ବିଲକୁଲ ଜାଣିନଥିବା ମଧ୍ୟ କହିଛି । ଅଡ଼ିଓରେ ସେ ପାକିସ୍ତାନ ସରକାର ଓ ମିଡ଼ିଆକୁ ଡରୁଆ ବୋଲି ମଧ୍ୟ କହିଛି । ଏହାପୂର୍ବରୁ ଆକ୍ରମଣ ପରେ ଜୈଶ ଏଥିପାଇଁ ନିଜକୁ ଦାୟୀ କରିଥିଲା । କିନ୍ତୁ ପୁଲୱାମା ଆକ୍ରମଣରେ ସଂମ୍ପୃକ୍ତି ନେଇ ଏବେ ମନା କରିଦେଉଛି ଜୈଶର ମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
ଆଜି ଜାରି ହୋଇଥିବା ଅଡ଼ିଓରେ କହିଛି ମସୁଦ ଅଜହର ପୁଲୱାମା ଆକ୍ରମଣ ଯୋଗୁଁ ଭାରତ ପ୍ରଦାନମନ୍ତ୍ରୀ ମୋଦିଙ୍କୁ ସାଧାରଣ ନିର୍ବାଚନରେ କ୍ଷତି ସହିବା ପାଇଁ ପଡ଼ିବ । ଚୀନ ସବୁବଳେ ପାକିସ୍ତାନକୁ ସମର୍ଥନ କରିବ । ଏଥିପାଇଁ ପାକିସ୍ତାନ ଭାରତକୁ ଡରିବା ଦରକାର ନାହିଁ । ନରେନ୍ଦ୍ର ମୋଦି କାଶ୍ମୀରେ ପୁରାପୁରି ଫେଲ ହୋଇଯାଇଛନ୍ତି ବୋଲି କହିଛି ଅଜହର ।
ଅଡ଼ିଓର ଆଦିଲ ଅହମ୍ମଦର ପ୍ରଶଂସା କରିଛି ମସୁଦ । ଯେତେ ଗାଳି ଦେବା କଥା ମୋତେ ଦିଅ, ଆଦିଲକୁ କିଛି କୁହ ନାହିଁ ବୋଲି । କାଶ୍ମୀରରେ ସ୍ୱାଧୀନତାର ଲଢେଇ ଆରମ୍ଭ ହୋଇଯାଇଛି । ସେଠାରେ କୌଣସି ପ୍ରକାର ବିଦେଶୀ ଶକ୍ତିର ଆବଶ୍ୟକତା ନାହିଁ ବୋଲି ମଧ୍ୟ କହିଛି ମସୁଦ୍ ।