ଔଷଧୀୟ ପତ୍ରରେ ମାସ୍କ । ଭୂତାଣୁ ଦାଉରୁ ବନବାସୀଙ୍କୁ ରକ୍ଷା କରିଛି ଔଷଧୀୟ ପତ୍ର ତିଆରି ମାସ୍କ୍
କନକ ବ୍ୟୁରୋ : କୋଭିଡ୍-୧୯କୁ ଦୂରେଇ ରଖିବାକୁ ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ଜନଜାତି ସମ୍ପ୍ରଦାୟ ଔଷଧୀୟ ଗୁଣ ଥିବା ପତ୍ର ତିଆରି ମାସ୍କ୍ ପିନ୍ଧୁଛନ୍ତି । ଦାରିଦ୍ର୍ୟ ପ୍ରପୀଡ଼ିତ ବନବାସୀ ଏଥିଯୋଗୁଁ ଉପକୃତ ମଧ୍ୟ ହୋଇଛନ୍ତି । ସେମାନଙ୍କ ମଧ୍ୟରୁ ପ୍ରାୟ କେହି କରୋନାଭାଇରସ୍ ଦ୍ବାରା ସଂକ୍ରମିତ ହୋଇ ନାହାନ୍ତି।
Kanak News is now on WhatsApp
Join and get latest news updates delivered to you via WhatsApp
ଦେଶରେ କୋଭିଡ୍-୧୯ ସଂକ୍ରମଣ ହେବାର ଆଦ୍ୟ ସମୟରେ ଘନ ଅରଣ୍ୟରେ ବାସ କରୁଥିବା ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ଆଦିମ ଜନଜାତି ନିଜେ ନିଜର ମାସ୍କ୍ ତିଆରି କଲେ। ଔଷଧୀୟ ଗୁଣ ଥିବା ଅଳ୍ପ କେତୋଟି ବୃକ୍ଷ ଚୟନ କରି ସେମାନେ ତା’ ପତ୍ରରେ ତିଆରି କଲେ ମୁଖାବରଣ।
ସେଠାରୁ ଏ ଉପାୟ ଆନ୍ଧ୍ରପ୍ରଦେଶର ନଲ୍ଲମାଲା, ୟେରାମାଲା ଏବଂ ଆରାକୁ ଓ ତେଲେଙ୍ଗାନାର ଆଦିଲ୍ବାଦ, ଖମ୍ମାମ ଏବଂ ୱାରାଙ୍ଗଲ୍ ଜନତାତିଙ୍କ ପାଖକୁ ଆସିଥିଲା। ସ୍ଥାନୀୟ ଅଞ୍ଚଳରେ ମିଳୁଥିବା ଭିନ୍ନ ଭିନ୍ନ ପତ୍ର ଯଥା:- ଶାଳ, ଶାଗୁଆନ, ତାଳ, କରଞ୍ଜ ଏବଂ ଗବଗଛକୁ ଆଧାର କରି ଜନଜାତି ସମ୍ପ୍ରଦାୟ ମାସ୍କ ତିଆରି କଲେ । ଏ ସବୁ ସେମାନଙ୍କୁ ପ୍ରାୟ ୫ ଘଣ୍ଟା ସୁରକ୍ଷା ଦେଉଥିଲା । ପରେ ଅବଶ୍ୟ ସରକାର ଜନଜାତି ସମ୍ପ୍ରଦାୟଙ୍କୁ ମୁଣ୍ଡପିଛିା ତିନିଟି ଲେଖାଏଁ ମାସ୍କ୍ ବାଣ୍ଟିଥିଲେ।