କନକ ବ୍ୟୁରୋ : ‘ନ୍ୟୁ ଇଣ୍ଡିଆ’ ସରକାରୀ କାର୍ଯ୍ୟକ୍ରମ ନୁହେଁ, ଏହା ୧୨୫ କୋଟି ଭାରତୀୟଙ୍କ ସ୍ୱପ୍ନ । ଦେଶର ସମସ୍ତ ନାଗରିକ ଏକ ପରିବର୍ତ୍ତିିତ ଓ ବିକଶିତ ଭାରତ ଦେଖିବାକୁ ଚାହୁଁଛନ୍ତି । ‘ନ୍ୟୁ ଇଣ୍ଡିଆ’ ଭାରତୀୟଙ୍କ ସାମର୍ଥ୍ୟ ବୃଦ୍ଧି କରିବା ସହ କୁଶଳୀ କରି ଗଢି ତୋଳିବ । ସେମାନେ ହିଁ ଭବ୍ୟ ଓ ଦିବ୍ୟ ଭାରତ ନିର୍ମାଣ କରିବେ ।
Kanak News is now on WhatsApp
Join and get latest news updates delivered to you via WhatsApp
ଆଜି “ମନ କୀ ବାତ’ର ୩୦ ତମ ସଂସ୍କରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରି ଏହା କହିଛନ୍ତି । ଉତ୍ତରପ୍ରଦେଶରେ ବିଜେପିର ବିପୁଳ ସଫଳତା ପରେ ପ୍ରଥମ ପାଇଁ ଦେଶବାସୀଙ୍କୁ ରେଡିଓ ଓ ଦୂରଦର୍ଶନରେ ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ ।
ପୁଣି ଥରେ ଡିଜିଟାଲ କାରବାର ଉପରେ ଜୋର ଦେଇ ସେ କହିଛନ୍ତି, ଦେଢ କୋଟି ଭାରତୀୟ ଡିଜିଟାଲ କାରବାରକୁ ଆପଣେଇ ସାରିଛନ୍ତି । ଡିଜିଟାଲ କାରବାର କଳା ଧନ ଓ ଦୁର୍ନୀତିକୁ ରୋକି ପାରିବ ବୋଲି କହିଛନ୍ତି ନରେନ୍ଦ୍ର ମୋଦି ।
ମହାତ୍ମା ଗାନ୍ଧୀଙ୍କ ଚମ୍ପାରଣ ସତ୍ୟାଗ୍ରହର ୧୦୦ ବର୍ଷର ପୂର୍ତ୍ତି ଅବସରରେ ସ୍ମୃତିଚାରଣ କରିଛନ୍ତି ମୋଦି । ସହିଦ ଭଗତ ସିଂହ, ଜୟୀ ରାଜଗୁରୁଙ୍କୁ ସ୍ମୃତିଚାରଣ କରି ପ୍ରଧାନମନ୍ତ୍ରୀ କହିଛନ୍ତି, ସେମାନଙ୍କ ବଳିଦାନକୁ ଦେଶବାସୀ କେବେ ବି ଭୁଲି ପାରିବେ ନାହିଁ ।