ମାଲକାନଗିରିରେ ଘନଉଛି ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକଙ୍କ ମୃତ୍ୟୁ ବିବାଦ : ଜିଲ୍ଲାପାଳଙ୍କ ବଦଳି ଦାବିରେ ଜିଲ୍ଲା କଂଗ୍ରେସର ବନ୍ଦ ପାଳନ,ଦୋକାନ ବଜାର ବନ୍ଦ
କନକ ବ୍ୟୁରୋ : ଟ୍ରେଡ ୟୁନିୟନର ୨୪ ଘଂଟିଆ ଭାରତ ବନ୍ଦ ଡାକରାର ଦିନକ ପରେ ଆଉ ଏକ ବନ୍ଦର ସାମ୍ନା କରିଛି ମଲକାନଗିରି ଜିଲ୍ଲା । ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡାଙ୍କ ଅସ୍ୱାଭାବିକ ମୃତ୍ୟୁ ପାଇଁ ଜିଲ୍ଲାପାଳଙ୍କୁ ଦାୟୀ ଜିଲ୍ଲାକୁ ସଂପୂର୍ଣ୍ଣ ଅଚଳ କରିଛି ଜିଲ୍ଲା କଂଗ୍ରେସ । ଏହାସହ ଜିଲ୍ଲା ପ୍ରଶାସନ ବହୁ ଦୁର୍ନୀତିରେ ଲିପ୍ତ ଥିବା ନେଇ ଅଭିଯୋଗ ଆଣିଛନ୍ତି ବରିଷ୍ଠ କଂଗ୍ରେସ ନେତା ପ୍ରଦୀପ ମାଝୀ । ତେବେ କଂଗ୍ରେସ ମୃତ ବ୍ୟକ୍ତିଙ୍କୁ ନେଇ ହୀନ ରାଜନୀତି କରୁଥିବା ଅଭିଯୋଗ କରିଛି ବିଜେଡି, ବି.ଜେ.ପି ଓ ଜିଲ୍ଲାର କୋୟା ଆଦିବାସୀ ଯୁବକ ସଙ୍ଗଠନ ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରି ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକ ଦେବନାରାୟଣ ପଣ୍ଡାଙ୍କ ମୃତ୍ୟୁ ଘଟଣାରେ ଜିଲ୍ଲାପାଳଙ୍କୁ ଦାୟୀ କରି ବନ୍ଦ ପାଳନ କରିଛି ଜିଲ୍ଲା କଂଗ୍ରେସ । ସହରର ବିଭିନ୍ନ ସ୍ଥାନରେ ଟାୟାର ଜାଳି, ପିକେଟିଂ କରି ଜନଜୀବନ ଠପ୍ କରିଥିଲେ କଂଗ୍ରେସ କର୍ମୀ । ପରେ ପରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଜିଲ୍ଲାପାଳ ମନିଷ ଅଗ୍ରୱାଲଙ୍କ କୁଶ ପୁତଳିକା ଦାହ କରିଥିଲେ ଆନ୍ଦୋଳନକାରୀ । ଜିଲ୍ଲାପାଳଙ୍କ ଚାପ ଯୋଗୁଁ ଦେବ ନାରାୟଣ ଆତ୍ମହତ୍ୟା କରିଥିବା ଅଭିଯୋଗ କରିଛି ମାଲାନକିଗିର କଂଗ୍ରେସ ।
କଂଗ୍ରେସ ବନ୍ଦ ପାଳନକୁ ବିରୋଧ କରିଛି ମାଲକାନଗିରି ଯୁବ କୋୟା ସମାଜ । ଆଗମୀ ଦୁଇ ଦିନ ମଧ୍ୟରେ କୋୟା ସମାଜ, କଂଗ୍ରେସ ନେତା ପ୍ରଦୀପ ମାଝୀଙ୍କ ବିରୋଧରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି । ସେପଟେ ପି.ଏ ମୃତ୍ୟୁ ଘଟଣାରେ ଜିଲ୍ଲାପାଳଙ୍କୁ ପରିବାର ଲୋକେ ଦାୟୀ କରିନଥିବା ବିଜେପି କହୁଥିବା ବେଳେ ବିଜେଡି ସାଂସଦ କହିଛନ୍ତି ମୃତ ବ୍ୟକ୍ତିଙ୍କୁ ନେଇ ହୀନ ରାଜନୀତି କରୁଛି କଂଗ୍ରେସ ।
ଗତ ୨୮ ତାରିଖରେ ପି.ଏ ଦେବନାରାୟଣ ପଣ୍ଡାଙ୍କ ମୃତଦେହ ସତିଗୁଡା ଜଳ ଭଣ୍ଡାରରୁ ଉଦ୍ଧାର ହୋଇଥିଲା । ପରବର୍ତୀ ସମୟରେ ଜିଲ୍ଲାପାଙ୍କ ନାଁରେ ଥାନାରେ ଏତଲା ଦେଇଥିଲା କଂଗ୍ରେସ ଦଳ ।