କନକ ବ୍ୟୁରୋ : ଗାଁକୁ ନାହିଁ ରାସ୍ତା, ଡଙ୍ଗା ହିଁ ଭରଷା । ମହାକାଳପଡା ବ୍ଲକରେ ଦେଖିବାକୁ ମିଳିଛି ଏଭଳି ଦୃଶ୍ୟ । ରାଧାନଗର ଗାଁକୁ ରାସ୍ତା ନଥିବାରୁ ଡଙ୍ଗା ଭରଷାରେ କାଳ କାଟୁଛନ୍ତି ଏହି ଗାଁରେ ବାସ କରୁଥିବା ୩୦ ପରିବାର । ଗୋବରୀ ନଦୀରେ ବିପଦସଂକୁଳ ଅବସ୍ଥାରେ ପ୍ରତିଦିନ ପାର ହେଉଛନ୍ତି ଗ୍ରାମବାସୀ  । ନଦୀ ଜୁଆରିଆ ଓ କୁମ୍ଭୀର ଚଳପ୍ରଚଳ ହେଉଥିଲେ ବି ନଦୀ ଆରପଟେ ଥିବା ସ୍କୁଲକୁ ପାଠ ପଢ଼ିବାକୁ ଯାଉଛନ୍ତି ପିଲା ।  ସେମାନଙ୍କ ପାଖରେ ବିକଳ୍ପ ନାହିଁ ।
Advertisment
ତେବେ ସବୁଠୁ ବଡ କଥା ହେଉଛି ଏହା ଦିନକର ସମସ୍ୟା ନୁହେଁ । ରାତି ପାହିଲେ ପ୍ରତିଦିନ ଏଭଳି ସମସ୍ୟା ସମ୍ମୁଖୀନ ହେଉଛନ୍ତି ଏହି ଗାଁରେ ବାସ କରୁଥିବା ଶହେରୁ ଅଧିକ ଲୋକ । ଗାଁକୁ ରାସ୍ତା ନିର୍ମାଣ ପାଇଁ ବାରମ୍ବାର ଯୋଜନା ହୋଇଥିଲେ ବି ପ୍ରଶାସନର ଅବହେଳା ଯୋଗୁଁ ଏହା ସମ୍ଭବ ହୋଇପାରିନି । ତେଣୁ ତୁରନ୍ତ ଏହି ସମସ୍ୟାର ସମାଧାନ ପାଇଁ ଗ୍ରାମବାସୀଙ୍କ ପକ୍ଷରୁ ଦାବି ଜୋର ଧରିଛି ।