ଭୋପାଳରେ ଗଣେଶ ମୂର୍ତ୍ତି ବିସର୍ଜନ ବେଳେ ଡଙ୍ଗା ବୁଡ଼ିଲା : ୧୧ ମୃତ, ଉଦ୍ଧାର କାର୍ଯ୍ୟ ଜାରି ଦେଶ ବିଦେଶ By Pranjna Parimita Behera On Sep 13, 2019 - 8:24 AM Last updated Sep 13, 2019 - 8:27 AM https://www.indiatoday.in/i 267 Share କନକ ବ୍ୟୁରୋ : ମଧ୍ୟପ୍ରଦେଶରେ ଗଣେଶ ବିସର୍ଜନ ବେଳେ ଅଘଟଣ । ମଧ୍ୟପ୍ରଦେଶର ରାଜଧାନୀ ଭୋପାଳରେ ଗଣେଶ ମୂର୍ତ୍ତି ବିସର୍ଜନ ବେଳେ ଡଙ୍ଗା ବୁଡ଼ି ୧୧ ଜଣ ଲୋକଙ୍କର ମୃତ୍ୟୁ ହୋଇଛି । ଆଉ ପାଞ୍ଚ ଜଣ ନିଖୋଜ ଅଛନ୍ତି । ଭୋପାଳରର ଖାଟଲାପୁର ଘାଟରେ ଏହି ଅଘଟଣ ଘଟିଛି । Kanak News is now on WhatsApp Join and get latest news updates delivered to you via WhatsApp Join Now ସୂଚନା ଅନୁସାରେ ଭୋପାଳର ଖାଟଲାପୁର ଘାଟକୁ ଏକ ପୂଜା କମିଟି ପକ୍ଷରୁ ଭଗବାନ ଗଣେଶଙ୍କ ପୂଜା ପରେ ବିରାଟ ଶୋଭାଯାତ୍ରାରେ ମୂର୍ତ୍ତି ବିସର୍ଜନ ପାଇଁ ନିଆଯାଇଥିଲା । ପୂଜା କମିଟିର ବହୁ ସଦସ୍ୟ ଡଙ୍ଗାରେ ବସି ବିସର୍ଜନ ପାଇଁ ହ୍ରଦ ଭିତରକୁ ଯାଇଥିଲେ । ଡଙ୍ଗାଟି ଛୋଟ ହୋଇଥିବା ବେଳେ ମୂର୍ତ୍ତି ବିସର୍ଜନ ବେଳେ ଡଙ୍ଗାଟି ଭାରସାମ୍ୟ ହରାଇ ବୁଡ଼ିଯାଇଥିଲା । ଦୁର୍ଭାଗ୍ୟବଶତଃ ଯେଉଁମାନେ ମୁର୍ତ୍ତି ତଳେ ରହିଯାଇଥିଲେ ସେମାନେ ବାହାରି ପାରିନଥିଲେ ଓ ମୃତ୍ୟୁ ମୁଖରେ ପଡ଼ିଥିଲେ । ଏବେ ପର୍ଯ୍ୟନ୍ତ ୧୧ ଜଣଙ୍କ ଶବ ଉଦ୍ଧାର କରାଯାଇଛି । ଖାଟଲାପୁର ଘାଟ ପାଖରେ ପ୍ରାତଃ ସାଢ଼େ ୪ଟାରେ ଏହି ଘଟଣା ଘଟିଛି । ଡଙ୍ଗାବୁଡ଼ିବା ନେଇ ସୂଚନା ପାଇ ମଧ୍ୟପ୍ରଦେଶ ଏସଡିଆରଏଫ ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାର ଜାରି ରଖିଛି । ରାଜ୍ୟର ଲୋକସଂପର୍କ ଦୁର୍ଘଟଣାରେ ମୃତ ବ୍ୟକ୍ତିଙ୍କର ପରିବାରକୁ ୪-୪ ଲକ୍ଷ ଟଙ୍କା ସହାୟତା ଘୋଷଣା କରିଛନ୍ତି । ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । 267 Share FacebookTwitterGoogle+WhatsAppTelegramEmailPrint