ନୂଆ ବର୍ଷର ପହିଲି ଦିନରେ ମହଙ୍ଗା ମାଡ଼ : ୧୯ ଟଙ୍କା ବୃଦ୍ଧି ପାଇଲା ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ
କନକ ବ୍ୟୁରୋ : ନୂଆବର୍ଷର ପହିଲି ଦିନରେ ରୋଷେଇ ଘରେ ମହଙ୍ଗା ମାଡ଼ । ରୋଷେଇ ଘରେ ବ୍ୟବହାର କରୁଥିବା ଗ୍ୟାସ ସିଲିଣ୍ଡର ଉପରେ ୧୯ ଟଙ୍କାର ଦର ବୃଦ୍ଧି ଘଟିଛି । ଗ୍ୟାସ କମ୍ପାନୀମାନେ ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟକୁ ୧୯ ଟଙ୍କା ବଢ଼ାଇଦେଇଛନ୍ତି ଜ୍ଝ ନୂଆଦିଲ୍ଲୀରେ ଗ୍ୟାସ ସିଲିଣ୍ଡରର ମୂଲ୍ୟ ୭୧୪ ଟଙ୍କାରେ ପହଂଚିଥିବାବେଳେ ଆଜି ଠାରୁ ଏହି ବର୍ଦ୍ଧିତ ମୂଲ୍ୟ ସାରା ଦେଶରେ ଲାଗୁ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଡିସେମ୍ବର ମାସରେ ବିନା ସବସିଡି ଗ୍ୟାସ(୧୪.୨ କିଲୋଗ୍ରାମ) ମୂଲ୍ୟ ୬୯୫ ଟଙ୍କା ଥିବାବେଳେ ଆଜିଠାରୁ ୭୧୪ ଟଙ୍କାରେ କିଣିବାକୁ ପଡିବ । ସେହିପରି ବ୍ୟବସାୟିକ ଗ୍ୟାସ ସିଲିଣ୍ଡର(୧୯ କିଲୋଗ୍ରାମ)ର ମୂଲ୍ୟରେ ୨୯ ଟଙ୍କା ୫୦ ପଇସା ମୂଲ୍ୟ ବୃଦ୍ଧି ଘଟିଛି । ଏହି ଗ୍ୟାସ ସିଲିଣ୍ଡର ମୂଲ୍ୟ ଏବେ ୧୨୪୧ ଟଙ୍କାରେ ପହଂଚିଛି ।
ନୂଆ ବର୍ଦ୍ଧିତ ଦରକୁ ହିସାବକୁ ନେଲେ କୋଲକାତାରେ ୭୪୭ ଟଙ୍କା, ମୁମ୍ବାଇରେ ୬୮୪ ଟଙ୍କା ଓ ଚେନ୍ନାଇରେ ୭୩୪ ଟଙ୍କାରେ ମୂଲ୍ୟ ପହଂଚିଛି । ଏଠାରେ ସୂଚନା ଥାଉ କି ଗତବର୍ଷ ନୂଆବର୍ଷ ଅବସରରେ ମୋଦୀ ସରକାର ଏଲପିଜି ସିଲିଣ୍ଡର ପିଛା ବଡ଼ଧରଣର ରିହାତି ଦେଇଥିଲେ । ଗତବର୍ଷ ସିଲିଣ୍ଡର ମୂଲ୍ୟ ଉପରେ ୧୨୦ ଟଙ୍କାର ରିହାତି ଦିଆଯାଇଥିଲା ।