ସୁନ୍ଦରଗଡ଼ ପୂର୍ବତନ ଜିଲ୍ଲାପାଳ ରଶ୍ମିତା ପଣ୍ଡାଙ୍କୁ ଲୋକାୟୁକ୍ତ ନୋଟିସ୍ : ପଦବୀର ଦୁରୁପଯୋଗ କରି ବାସଭବନରେ ୭୦ ଲକ୍ଷ ଟଙ୍କା ଖର୍ଚ୍ଚ କରିିବା ନେଇ ରହିଛି ଅଭିଯୋଗ
କନକ ବ୍ୟୁରୋ : ଲୋକାୟୁକ୍ତଙ୍କ ପକ୍ଷରୁ ସୁନ୍ଦରଗଡ଼ ପୂର୍ବତନ ଜିଲ୍ଲାପାଳଙ୍କୁ ନୋଟିସ୍ । ସୁନ୍ଦରଗଡ଼ର ପୂର୍ବତନ ଜିଲ୍ଲାପାଳ ରଶ୍ମିତା ପଣ୍ଡାଙ୍କୁ ନୋଟିସ୍ ଜାରି କରିଛନ୍ତି ଲୋକୟୁକ୍ତ । ପଦବୀର ଅପବ୍ୟବହାର କରି ୭୦ ଲକ୍ଷ ଟଙ୍କା ନିଜ ସରକାରୀ ବାସଭବନରେ ବ୍ୟୟ କରିଥିବା ନେଇ ତାଙ୍କ ନାଁରେ ଅଭିଯୋଗ ହୋଇଛି । ବଙ୍ଗଳାର ନବୀକରଣ ପାଇଁ ପାଖାପାଖି ୭୦ ଲକ୍ଷ ଟଙ୍କା ଖର୍ଚ୍ଚ କରିଥିବା ସୂଚନା ଅଧିକାର ଆଇନ ବଳରେ ଜଣାପଡ଼ିଥିଲା । ଟେଣ୍ଡର୍ ଡକା ନଯାଇ ଏତେ ପରିମାଣର ଅର୍ଥ ଖର୍ଚ୍ଚ କରାଯିବା ନେଇ ପ୍ରଶ୍ନ ଉଠିଥିଲା । ଏହାକୁ ନେଇ ସବୁଆଡ଼େ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆରଡିଏ ବା ରାଉରକେଲା ଉନ୍ନୟନ କର୍ତୃପକ୍ଷର ଉପାଧ୍ୟକ୍ଷ ଥିବା ସମୟରେ ରଶ୍ମିତାଙ୍କ ନାଁରେ ସରକାରୀ ଅର୍ଥକୁ ପାଣି ଭଳି ଖର୍ଚ୍ଚ କରିଥିବା ଅଭିଯୋଗ ହୋଇଥିଲା । ରାଉରକେଲାର ସୂଚନା ଅଧିକାର କର୍ମୀ ରଶ୍ମିରଞ୍ଜନ ପାଢୀ ସୂଚନା ଅଧିକାର ବଳରେ ମିଳିଥିବା ତଥ୍ୟରୁ ଜଣାପଡ଼ିଥିଲା କି, ରାଉରକେଲା ଉଦିତ୍ ନଗର ଅଂଚଳରେ ଥିବା ଆରଡିଏ ଉପାଧ୍ୟକ୍ଷଙ୍କ ସେହି ସରକାରୀ ବାସଗୃହ । ଯାହାର ମତାମତି ଓ ପୁନରୁଦ୍ଧାର ବାବଦରେ ସେତେବେଳେ ଅପାଧ୍ୟକ୍ଷ ଥିବା ଆଇଏଏସ ରଶ୍ମିତା ପଣ୍ଡା ଖର୍ଚ୍ଚ କରିଥିଲେ ୬୮ ଲକ୍ଷ ୫୭ ହଜାର ୯୫୦ ଟଙ୍କା । ୬ ମାସ ଅବଧି ମଧ୍ୟରେ ଏହି ଟଙ୍କା ଖର୍ଚ୍ଚା କରାଯାଇଥିଲା । ଏନେଇ ରାଉରକେଲାର ରଶ୍ମିରଂଜନ ପାଢୀ ଲୋକାୟୁକ୍ତଙ୍କ ନିକଟରେ ଅଭିଯୋଗ କରିଥିଲେ । ରଶ୍ମିରଂଜନ ପାଢୀ ପିସିସି ସମ୍ପାଦକ ଅଛନ୍ତି ।