ସିସିଟିଭିରେ କଏଦ୍ ବିଜାପୁର ଲ୍ୟାଣ୍ଡମାଇନ୍ ବିସ୍ଫୋରଣର ଲାଇଭ୍ ଭିଜୁଆଲ : ବିସ୍ଫୋରଣରେ ଉଡିଗଯାଇଲା ଟ୍ରକ, ଥରି ଉଠିଥିଲା ସମଗ୍ର ଅଂଚଳ
ଚାଲିଯାଇଥିଲା ଯବାନ ବ୍ରଜମୋହନଙ୍କ ଜୀବନ !
କନକ ବ୍ୟୁରୋ : ସିସିଟିଭିରେ କଏଦ ଲ୍ୟାଣ୍ଡମାଇନ ବିସ୍ଫୋରଣର ଲାଇଭ୍ ଦୃଶ୍ୟ । ବିଜାପୁର ସିଆରପିଏଫ୍ କ୍ୟାମ୍ପ ନିକଟରେ ୪ଦିନ ତଳେ ଘଟିଥିବା ଲ୍ୟାଣ୍ଡମାଇନ ବିସ୍ଫୋରଣ ବେଳର ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି । ଉକ୍ତ ଦୃଶ୍ୟରୁ ସ୍ପଷ୍ଟ ଜଣାପଡ଼ୁଛି ବିସ୍ଫୋରଣ କେତେ ଭୟଙ୍କର ଥିଲା । ଘଟଣାଦିନ ବିଜାପୁର ଜଙ୍ଗଲିଆ ରାସ୍ତା ଦେଇ ଏକ ଟ୍ରକ ଆସୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଉ ସେହି ସମୟରେ ଅଚାନକ ମାଓବାଦୀଙ୍କ ଦ୍ୱାରା ଖଂଜାଯାଇଥିବା ଲ୍ୟାଣ୍ଡମାଇନ ବିସ୍ଫୋରଣ ହୋଇଥିଲା । ବିସ୍ଫୋଣରଣର ଗର୍ଜନରେ ସମଗ୍ର ଅଂଚଳ ଥରି ଉଠିବା ସହ ପୁରା ଅଂଚଳ ଧୂଆଁମୟ ହୋଇଯାଇଥିଲା । ବିସ୍ଫୋରଣ ଯୋଗୁଁ ଗାଡିଟି ସମ୍ପୂର୍ଣ୍ଣ ଭାବରେ ନଷ୍ଟ ହୋଇଯାଇଥିଲା । ଉକ୍ତ ବିସ୍ଫୋରଣରେ ସେହି ସ୍ଥାନରେ ଡ୍ୟୁଟି କରୁଥିବା ସିଆରପିଏଫ୍ ଯବାନ ବ୍ରଜମୋହନ ବେହେରା ଶହୀଦ୍ ହୋଇଥିଲେ ।