କନକ ବ୍ୟୁରୋ : ସଂସଦରେ ଉଠିଲା କୁଲଭୂଷଣ ପ୍ରସଙ୍ଗ । ଭାରତୀୟ ନୌସେନା ଅଧିକାରୀ କୁଲଭୂଷଣ ଯାଦବଙ୍କୁ ଗୁପ୍ତଚର ଅଭିଯୋଗରେ ପାକିସ୍ତାନର ଫାଶି ଦଣ୍ଡାଦେଶକୁ ନେଇ ଆଜି ଲୋକସଭାରେ ଦେଖା ଦେଇଛି ତୀବ୍ର ପ୍ରତିକ୍ରିୟା । ଯଦି କୁଲଭୂଷଣଙ୍କୁ ଫାଶି ଦିଆଯାଏ ତେବେ ଏହାକୁ ଯୋଜନାବଦ୍ଧ ହତ୍ୟା କୁହାଯିବ ବୋଲି କଂଗ୍ରେସ କହିଛି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କୁ ବଂଚାଇବାରେ ଅସମର୍ଥ ହେଲେ ଏହା ଭାରତ ସରକାରଙ୍କ ଦୁର୍ବଳତା ବୋଲି ଧରି ନିଆଯିବ ବୋଲି କହିଛନ୍ତି କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ । ତେବେ କଂଗ୍ରେସକୁ ପାଲଟା ଜବାବ ଦେଇଛି ବିଜେପି । କୁଲଭୂଷଣଙ୍କ ପ୍ରସଙ୍ଗରେ କଂଗ୍ରେସ ଶସ୍ତା ରାଜନୀତି କରୁଥିବା କହିଛନ୍ତି କେନ୍ଦ୍ରମନ୍ତ୍ରୀ ଅନନ୍ତ କୁମାର । ଏହି ପ୍ରସଙ୍ଗରେ ସମସ୍ତେ ଏକାଠି ହୋଇ କୁଲଭୂଷଣଙ୍କୁ ବଂଚାଇବାକୁ ପ୍ରୟାସ କରିବା ଉଚିତ ବୋଲି ସେ କହିଛନ୍ତି ।