କମ୍ପୁଛି କର୍ଣ୍ଣାଟକ ! ଆସନ୍ତାକାଲି ପ୍ରଚାର ମଇଦାନକୁ ଓହ୍ଲାଇବେ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ
କନକ ବ୍ୟୁରୋ : କର୍ଣ୍ଣାଟକ ବିଧାନସଭା ନିର୍ବାଚନ ପ୍ରଚାର ସରଗରମ ହେବାରେ ଲାଗିଛି । ନିଜ ଗଡ କର୍ଣ୍ଣାଟକକୁ ବଞ୍ଚାଇବା ପାଇଁ ବଳ କଶୁଛି କଂଗ୍ରେସ । ସେହିଭଳି ଭାରତର ଆଉ ଏକ ରାଜ୍ୟରେ ପଦ୍ମ ଫୁଟାଇବାକୁ ଲକ୍ଷ୍ୟ ରଖିଛି ଭାଜପା । ତେଣୁ ଏବେ ପ୍ରଚାର ମଇଦାନକୁ ରାଜନୈତିକ ଦଳର ମୁଖିଆମାନେ ଏବେ ନିର୍ବାଚନୀ ପ୍ରଚାରକୁ ଜୋରଦାର କରିବାକୁ ଅଣ୍ଟା ଭିଡିଛନ୍ତି । ଆସନ୍ତା କାଲି କର୍ଣ୍ଣାଟକ ନିର୍ବାଚନୀ ପ୍ରଚାର ମଇଦାନକୁ ଓହ୍ଲାଇବେ କଂଗ୍ରେସ ଉପାଧ୍ୟକ୍ଷ ସୋନିଆ ଗାନ୍ଧୀ । କର୍ଣ୍ଣାଟକର ବିଜାପୁର ରୁ କଂଗ୍ରେସ ର ପ୍ରଚାର ମଙ୍ଗୁଆଳ ଧରିବେ ସୋନିଆ । ୨୦୧୭ ରେ କଂଗ୍ରେସର ଅଧ୍ୟକ୍ଷ ଭାବେ ଯୁବରାଜ ରାହୁଲଙ୍କୁ ମଙ୍ଗ ଧରାଇ ସୋନିଆ ନିର୍ବାଚନରୁ ଏକ ପ୍ରକାର ସନ୍ୟାସ ନେଇଯାଇଥିଲେ କହିଲେ ଅତ୍ୟୁକ୍ତି ହେବ ନାହିଁ ।କାରଣ ପୂର୍ବରୁ ତିନି ରାଜ୍ୟର ନିର୍ବାଚନରେ ମଇଦାନକୁ ଓହ୍ଲାଇ ନଥିଲେ ହାଇକମାଣ୍ଡ ସୋନିଆ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଆସନ୍ତା କାଲି ଏକ ବିଶାଳ ର୍ୟାଲି କରି ଶକ୍ତି ପ୍ରଦର୍ଶନ କରିବ କଂଗ୍ରେସ ବୋଲି ସୂଚନା ମିଳିଛି । ରାହୁଲ ଗାନ୍ଧୀ ଅଧ୍ୟକ୍ଷ ହେବା ପରେ ପ୍ରଥମ ଥର ପାଇଁ ନିର୍ବାଚନୀ ମଇଦାନକୁ ସୋନିଆ ଓହ୍ଲାଇବେ । କଂଗ୍ରେସ ଷ୍ଟାର ପ୍ରଚାରକ ତାଲିକାରେ ମଧ୍ୟ ସୋନିଆ ଗାନ୍ଧୀଙ୍କ ନାମକୁ ସାମିଲ୍ କରାଯାଇଛି । ଯାହା ଦ୍ୱାରା ରାହୁଲ ଗାନ୍ଧୀ ଓ କଂଗ୍ରେସ ଦଳ ପାଇଁ ପ୍ରଚାର କାର୍ଯ୍ୟକ୍ରମ ଅଧିକ କ୍ରିୟାଶୀଳ ହେବ । ଏହାସହ ଶାସକ ଦଳ ଭାବେ ନିଜ ଗଡ ବଞ୍ଚାଇ ଦିତ୍ୱୀୟ ଥର ପାଇଁ ସରକାର ଗଢ଼ିବାକୁ ସକ୍ଷମ ହେବ ବୋଲି ଟାର୍ଗେଟ କରିଛି କଂଗ୍ରେସ । ଅନ୍ୟପଟେ ଭାଜପା ଦଳର ମୁଖିଆ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କର୍ଣ୍ଣଟକରେ ପଦ୍ମ ଫୁଟାଇବା ପାଇଁ ଅଙ୍କ କଷିି ପ୍ରଚାର କାର୍ଯ୍ୟକ୍ରମର ମଙ୍ଗ ନିଜେ ଧରିଛନ୍ତି । ତେବେ କର୍ଣ୍ଣାଟକର ୨୨୪ ଟି ବିଧାନସଭା ଆସନ ପାଇଁ ମେ ୧୨ ତାରିଖରେ ପ୍ରଥମ ପର୍ଯ୍ୟୟ ମତଦାନ ହେବାର ଅଛି ।