ଲୋମଶ ଶିଶୁ କାହ୍ନାର ଚିକିତ୍ସା ପାଇଁ ଅର୍ଥ ସାଜିଛି ବାଧକ : ଭଲ ଭାବରେ ପାଟି ଖୋଲି ପାରୁନଥିବାରୁ ଭୋକ ଉପବାସରେ କାହ୍ନା
କନକ ବ୍ୟୁରୋ : ଗ˚ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ ବାଘୁଆ ଗାଁର ଲୋମଶ ବାଳକ କାହ୍ନାର ପରିବାର ପୁଣି ପ୍ରଶାସନ ଦ୍ୱାରସ୍ଥ ହୋଇଛନ୍ତି । ବ୍ରହ୍ମପୁର ଏମକେସିଜି ମେଡିକାଲରେ କାହ୍ନାର ପ୍ଲାଷ୍ଟିକ୍ ସର୍ଜରୀ ପରେ ଚଳିତ ମାସରେ ସେ ମେଡିକାଲୁ ଡିସ୍ଚାର୍ଜ ହୋଇଥିଲା । ତେବେ ମାସକୁ ମାସ ପରୀକ୍ଷା କରିବା ସହ ଆଉ କିଛି ଅସ୍ତ୍ରୋପଚାର ଆବଶ୍ୟକ ବୋଲି ପ୍ଲାଷ୍ଟିକ ସର୍ଜରୀ ବିଭାଗର ଡାକ୍ତର ମାନେ କହିଥିଲେ। କାହ୍ନାର ବାପା ରାମଚନ୍ଦ୍ର ନାଇକ ଦିନ ମଜୁରିଆ । ବ୍ରହ୍ମପୁର ଯାଇ କାହ୍ନାର ପୁଣି ପରୀକ୍ଷା କରାଇବା, ଚିକିତ୍ସା ପାଇଁ ରାମଚନ୍ଦ୍ରଙ୍କ ନିକଟରେ ଆର୍ଥିକ ଶକ୍ତି ନଥିବା କହିଛନ୍ତି ରାମଚନ୍ଦ୍ର।
Kanak News is now on WhatsApp
Join and get latest news updates delivered to you via WhatsApp
କାହ୍ନାକୁ ବ୍ରହ୍ମପୁର ନେଇ ଯିବା ପାଇଁ ଆର୍ଥିକ ସମ୍ବଳ ନଥିବାରୁ ସେ ଗତକାଲି ଭଂଜନଗର ଉପଜିଲ୍ଲାପାଳଙ୍କୁ ଭେଟିବାକୁ ଆସିଥିଲେ । ତେବେ ଅନୁପସ୍ଥିତ ଥିବାରୁ ଉପଜିଲ୍ଲାପାଳଙ୍କୁ ଭେଟି ନ ପାରି ଖାଲି ହାତରେ ଫେରିଥିଲେ । କାହ୍ନାର ମୁହଁରେ ଯଦିଓ ଆଉ ଲୋମ ଉଠୁନି । ତେବେ ଠିକ୍ ଭାବେ ଏବେ ପାଟି ଖୋଲି ଖାଇ ପାରୁନଥିବା, ଏବ˚ ମୁହଁରେ ଅସ୍ତ୍ରୋପଚାର ସ୍ଥାନ ଗୁଡିକ ଯନ୍ତ୍ରଣା ହେଉଥିବା, ଏବ˚ ଏଭଳି କାରଣ ଯୋଗୁଁ ସେ ଅଧିକା ରାଗିବା ସହ ଚିଡ଼ିଚିଡା ହେଉଥିବା ତାଙ୍କ ବାପା ରାମଚନ୍ଦ୍ର କହିଛନ୍ତି । ଭଲ ଭାବରେ ପାଟି ଖୋଲି ପାରୁନଥିବାରୁ ଏବେ ଭୋକ ଉପବାସରେ କାହ୍ନା ରହୁଥିବା ସେ କହିଛନ୍ତି ।
ସୂଚନାଯୋଗ୍ୟ ୭ ବର୍ଷର ଶିଶୁ କାହ୍ନା ମୁହଁରେ ଲୋମ ଓ ମାଂସ ବଢ଼ିବାରେ ଲାଗିଥିଲା । ଚେହେରା ଏମିତି ହୋଇଯାଇଥିଲା ଯେ ନିଜକୁ ଆଇନାରେ ଦେଖିବା ମଧ୍ୟ ତା’ ପାଇଁ ଅସହଜ ମନେକରୁଥିଲା । କିନ୍ତୁ ଆର୍ଥିକ ସମସ୍ୟା ଯୋଗୁଁ ଅସହାୟ କାହ୍ନାର ଚିକିତ୍ସା ହୋଇପାରୁ ନଥିଲା । ଏସଂକ୍ରାନ୍ତ ଖବର ପ୍ରକାଶିତ ହୋଇଥିଲା । ଖବର ଜାଣିବା ପରେ କାହ୍ନାର ସମସ୍ତ ଚିକିତ୍ସା ଖର୍ଚ୍ଚ ସରକାର ବହନ କରିବେ ବୋଲି ମୁଖ୍ୟମନ୍ତ୍ରୀ ଟ୍ଵିଟ୍ କରିଥିଲେ । ତେବେ ପ୍ରଥମ ପର୍ଯ୍ୟାୟ ଅସ୍ତ୍ରୋପଚାର ହୋଇଗଲେ ମଧ୍ୟ ଏବେ ଆଗକୁ ଚିକିତ୍ସା ପାଇଁ ଅର୍ଥ ବାଧକ ସାଜିଛି । ତେଣୁ କାହ୍ନା ପାଇଁ ବିପଦ ସୃଷ୍ଟି କରୁଛି ।