ବିଜେପିକୁ ମିଳିବ ନୂଆ ରାଷ୍ଟ୍ରୀୟ ଅଧ୍ୟକ୍ଷ : ଆସନ୍ତା ୨୦ ତାରିଖରେ ଜେପି ନଡ୍ଡାଙ୍କୁ ଦାୟିତ୍ୱ ମିଳିବା ନେଇ ଏକ ପ୍ରକାର ଚୂଡାନ୍ତ
କନକ ବ୍ୟୁରୋ : ଆସନ୍ତା ଜାନୁଆରୀ ୨୦ ତାରିଖରେ ବିଜେପିକୁ ମିଳିବ ନୂଆ ରାଷ୍ଟ୍ରୀୟ ଅଧ୍ୟକ୍ଷ । ବର୍ତ୍ତମାନର କାର୍ଯ୍ୟକାରୀ ଅଧ୍ୟକ୍ଷ ଥିବା ଜେପି ନଡ୍ଡାଙ୍କୁ ପୂର୍ଣ୍ଣକାଳୀନ ଅଧ୍ୟକ୍ଷ କରାଯିବା ଏକ ପ୍ରକାର ସ୍ଥିର ହୋଇ ସାରିଛି । ଦଳୀୟ ନିର୍ବାଚନ ନେଇ ସୂଚନା ଦେଇଛନ୍ତି ବିଜେପିର ନିର୍ବାଚନ ଅଧିକାରୀ ଦାୟିତ୍ୱରେ ଥିବା ବରିଷ୍ଠ ନେତା ରାଧାମୋହନ ସିଂ । ଆସନ୍ତା ୨୦ ତାରିଖରେ ସକାଳେ ନାମାଙ୍କନ ପତ୍ର ଦାଖଳ ହେବାକୁ ଥିବା ବେଳେ ନଡ୍ଡାଙ୍କୁ ନିଦ୍ୱର୍ନ୍ଦ୍ୱରେ ବିଜୟୀ କରାଯିବା ପାଇଁ ନିଷ୍ପତ୍ତି ନିଆଯାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଜେପି ନଡ୍ଡାଙ୍କ ନାଁ ସେହି ଦିନ ହିଁ ରାଷ୍ଟ୍ରୀୟ ସଭାପତି ଭାବେ ଘୋଷଣା ହେବ ବୋଲି ସୂଚନା ମିଳିଛି । ସେ ବର୍ତ୍ତମାନର ଅଧ୍ୟକ୍ଷ ତଥା କେନ୍ଦ୍ର ମନ୍ତ୍ରୀ ଅମିତ ଶାହାଙ୍କ ଠାରୁ ଦାୟିତ୍ୱ ଗ୍ରହଣ କରିବେ । ହିମାଚଳ ପ୍ରଦେଶର ଏହି ପୂର୍ବତନ ମୁଖ୍ୟମନ୍ତ୍ରୀ ୨୦୧୯ରେ ବିଜେପିର ଦମ୍ଦାର ବିଜୟ ପରେ କାର୍ଯ୍ୟକାରୀ ସଭାପତି ଦାୟିତ୍ୱ ଗ୍ରହଣ କରିଥିଲେ । ରାଜ୍ୟ ସଭାପତି, ରାଷ୍ଟ୍ରୀୟ ମହାସଚିବ ଆଦି ସାଂଗଠନିକ ପଦରେ ରହି ଆସିଥିବା ବିଜେପିର ବରିଷ୍ଠ ନେତା ଜେପି ନଡ୍ଡା, ଆସନ୍ତା ୨୦ରେ ଦଳର ମୁଖ୍ୟ କାର୍ଯ୍ୟାଳୟର ଦାୟିତ୍ୱ ଗ୍ରହଣ କରିବେ ।