ଦକ୍ଷିଣ କଶ୍ମୀରର କାକପୋରାରେ ଥିବା ସେନାବହିନୀ କ୍ୟାମ୍ପରେ ଆତଙ୍କବାଦୀ ଆକ୍ରମଣ ! ଜଣେ ସାଧାରଣ ନାଗରିକ ଓ ଜଣେ ସୈନିକଙ୍କ ମୃତ

ଗୁଳି ବିନିମୟ କାରଣରୁ ଜଣେ ଯବାନ୍‌ ମଧ୍ୟ ସହିଦ ହୋଇଛନ୍ତି ବୋଲି ପୁଲଓ୍ଵାମା ଏସ୍‌ଏସ୍‌ପି ମହମ୍ମଦ୍‌ ଅସ୍‌ଲାମ୍‌ ଚୌଧୁରୀ କହିଛନ୍ତି । ପରେ ପରେ ଆତଙ୍କବାଦୀମାନେ ଗୁଳି ବିନିମୟ ସ୍ଥଳରୁ ଖସି ପଳାଇଥିଲେ । ମୁସଲମାନଙ୍କ ପବିତ୍ର ରମଜାନ୍‌ ମାସ ଅବସରରେ ସରକାର ଏକତରଫା ଭାବେ ଅସ୍ତ୍ରବିରତି ଘୋଷଣା କରିବା ପରେ ଏହା ହେଉଛି କଶ୍ମୀରସ୍ଥିତ ସେନା ଉପରେ ପ୍ରଥମ ପ୍ରମୁଖ ଆକ୍ରମଣ । ପାଲଟା ଗୁଳି ଚାଳନା ଚାଲିଛି ବୋଲି ଜଣେ ପ୍ରତିରକ୍ଷା ମୁଖପାତ୍ର କହିଛନ୍ତି । ସେ କହିଛନ୍ତି, ଆତଙ୍କବାଦୀମାନେ କୋକପୋରା ସେନା କ୍ୟାମ୍ପ୍‌ରେ ଭୀରୁ ଏବଂ ଉତ୍ତ୍ୟକ୍ତ କରିବା ଭଳି ଆତଙ୍କ ସୃଷ୍ଟି କରିଛନ୍ତି ।