ଜିଓ ଆଣିଲା ଦୀପାବଳି ଧନ-ଧନା-ଧନା ଅଫର ! ୩୯୯ ଟଙ୍କାର ରିଚାର୍ଜ କରିଲେ ପାଇବେ ୧୦୦ ପ୍ରତିଶତ କ୍ୟାସବ୍ୟାକ୍
ଜିଓ ଘୋଷଣା କରିଛି ଦୀପାବଳି ଧନ ଧନା ଧନ ଅଫର । ଏହି ଅଫରରେ ଗ୍ରାହକ ୩୯୯ ଟଙ୍କାର ରିଚାର୍ଜ କରାଇ ୧୦୦ ପ୍ରତିଶତ କ୍ୟାସବ୍ୟାକ୍ ପାଇ ପାରିବେ । ତେବେ ସୂଚନା ଅନୁସାରେ ଏହି କ୍ୟାସବ୍ୟାକ୍ ଗ୍ରାହକଙ୍କୁ ଭାଉଚର ରୂପରେ ଉପଲବ୍ଧ କରାଯିବ । ଗ୍ରାହକ ନିଜ ନମ୍ବରରେ ରିଚାର୍ଜ କରିବା ସମୟରେ କ୍ୟାସବ୍ୟାକ୍ ଭାଉଚରକୁ ବ୍ୟବହାର କରିପାରିବେ । ୧୨ ଅକ୍ଟୋବରରୁ ଏହି ଅଫର ଆରମ୍ଭ ହେବ ଏବଂ ୧୮ ଅକ୍ଟୋବର ପର୍ଯ୍ୟନ୍ତ ଜାରି ରହିବ । ଜିଓର ୩୯୯ ଟଙ୍କିଆ ଧନ୍ ଧନା ଅଫର ରେ ପ୍ରି-ପେଡ଼୍ ଗ୍ରାହକଙ୍କୁ ପ୍ରତିଦିନ ୧ ଜିବି ହିସବାରେ ୮୪ ଜିବି ଡାଟା, ମାଗଣା ଏସଏମଏସ୍, ଜିଓ ଆପ୍ ସବସ୍କ୍ରିପସନ, ମାଗଣା କଲ ସୁବିଧା ଆଦି ଦିଆଯିବ । ଅନ୍ୟପଟେ ଏହି ଅଫରର ସୁବିଧା ପୋଷ୍ଟପେଡ଼୍ ଗ୍ରାହକ ମଧ୍ୟ ଉଠାଇ ପାରିବେ । ପୋଷ୍ଟପେଡ଼୍ ଗ୍ରାହକଙ୍କୁ ସମାନ ସୁବିଧା ଉପଲବ୍ଧ ହେବ କେବଳ ବୈଧତାରେ ଫରକ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଗ୍ୟାଜେଟ୍ ୩୬୦ର ଖବର ଅନୁସାରେ ଦୀପାବଳି ଧନ ଧନା ଅଫରରେ ଜିଓର ପ୍ରାଇମ କଷ୍ଟମର ୩୯୯ ଟଙ୍କାର ରିଚାର୍ଜ, ଯଦି ୧୨ ଅକ୍ଟୋବରରୁ ୧୮ ଅକ୍ଟୋବର କରାନ୍ତି , ତେବ ତାଙ୍କୁ ୫୦ ଟଙ୍କିଆ ୮ ଟି ଭାଉଚର ମିଳିବ । ଯାହାର ମୂଲ୍ୟ ୪୦୦ ଟଙ୍କା । ଭବିଷ୍ୟତରେ ରିଚାର୍ଜ କରିବା ସମୟରେ ଗ୍ରାହକ ଏହି ଭାଉଚରର ଲାଭ ଉଠାଇ ପାରିବେ । ତେବେ ଥରକେ କେବଳ ଗୋଟିଏ ଭାଉଚର ବ୍ୟବହାର କରାଯାଇପାରିବ । ଏହାସହ ୧୫ ନଭେମ୍ବରର ପରେ ହିଁ ଏହି ଭାଉଚରର ସୁବିଧା ଗ୍ରାହକ ଉଠାଇ ପାରିବେ । ଏହାର ଅର୍ଥ ଆପଣ ୫୦ ଟଙ୍କାର ଭାଉଚର ପାଇବା ପରେ ଭବିଷ୍ୟତରେ ଯଦି ୩୦୯ ରିଚାର୍ଜ କରାଉଛନ୍ତି ଗ୍ରାହକ, ତେବେ ସେତେବେଳେ ତାଙ୍କୁ କେବଳ ୨୫୯ ଟଙ୍କା ପଇଠ କରିବା ପାଇଁ ପଡ଼ିବ ।
ଏହି ଅଫରରକୁ ମାଇ ଜିଓ ଆପ୍, ଜିଓ ୱେବସାଇଟ୍ , ଜିଓ ଷ୍ଟୋର, ରିଲାଏନ୍ସ ଷ୍ଟୋର ଓ କମ୍ପାନୀର ଅଧିକୃତ ଅନଲାଇନ୍ ପ୍ଲାଟଫର୍ମରେ ଉପଲବ୍ଧ କରାଯିବ । ତେବେ ଆମକୁ ଜିଓର ୱେବସାଇଟରେ ଏହି ଅଫର ବିଷୟରେ ଏଯାଏଁ କିଛି ବିବରଣୀ ଦିଆଯାଇ ନାହିଁ ।