ଜଗତସିଂହପୁର ବିଧାନସଭା ଆସନରେ କିଏ ଲଢିବ ନିର୍ବାଚନ ? ବିଷ୍ଣୁ ଦାସ ଅନ୍ୟ ନିର୍ବାଚନମଣ୍ଡଳୀରୁ  ଲଢୁଥିବା ଚର୍ଚ୍ଚା,ରେସରେ ଅନେକ ଆଶାୟୀ  . . . 

କନକ ବ୍ୟୁରୋ : ଚଳିତ ଥର ଜଗତସିଂହପୁରରୁ ଲଢିବେ ନାହିଁ ବିଷ୍ଣୁ ଦାସ । ଯଦି ଏପରି ହୁଏ ତେବେ କେଉଁ ଆସନରୁ ଲଢିବେ ବିଷ୍ଣୁ , ତାକୁ ନେଇ ସୃଷ୍ଟି ହେଲାଣି ପ୍ରଶ୍ନବାଚୀ । ଯଦି ଜଗତସିଂହପୁରରୁ ବିଷ୍ଣୁ ଲଢିବେନି, ତେବେ ଏହି ଆସନରୁ କିଏ ହେବ ବିଜେଡି ପ୍ରାର୍ଥୀ । କେଉଁ ନୂଆ ଚେହେରାକୁ ଜଗତସିଂହପୁରରେ ମୈଦାନକୁ ଓହ୍ଲାଇବେ ବିଜେଡି ସୁପ୍ରିମୋ ତା’ଉପରେ ରହିଛି ସମସ୍ତଙ୍କ ନଜର ।

ରାଜ୍ୟର ଅନ୍ୟତମ ହାଇପ୍ରୋଫାଇଲ ଜଗତସିଂହପୁର ବିଧାନସଭା ଆସନରୁ କିଏ ହେବ ବିଜେଡି ପ୍ରାର୍ଥୀ ସେ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି ।  ଏହି ଆସନରୁ ନିର୍ବାଚନ ଲଢ଼ି ୫ ଥର ଜିତି ବିଧାୟକ ହୋଇଥିଲେ ବିଷ୍ଣୁ ଦାସ । ଆଲୋଚନା ହେଉଛି ଚଳିତ ଥର ବିଷ୍ଣୁଙ୍କୁ  ଅନ୍ୟ ନିର୍ବାଚନୀମଣ୍ଡଳୀରୁ ଟିକେଟ ମିଳିବ ।  ଆଉ ଏଥର ଜଗତସିଂହପୁର ନିର୍ବାଚନମଣ୍ଡଳୀରେ  ନୂଆ ଚେହେରା ସାମ୍ନାକୁ  ଆସିବ ।  ଆଶାୟୀଙ୍କ ମଧ୍ୟରେ ଅନେକ ବିଜେଡି ନେତା ଆଗ ଧାଡିରେ ଅଛନ୍ତି । ରେସରେ ଅଛନ୍ତି କନକପ୍ରଭା ଲେଙ୍କା । କନକପ୍ରଭା ବିଜେଡିର ରାଜ୍ୟ ସମ୍ପାଦିକା ଭାବେ କାମ କରୁଛନ୍ତି ।   ସେହିଭଳି ବିଜୁ ଯୁବ ଜନତା ଦଳର ସଭାପତି ଅମରେନ୍ଦ୍ର ଦାସ ବି ଚର୍ଚ୍ଚାରେ ଅଛନ୍ତି ।

ସେହିଭଳି ଜଗତସିଂହପୁର ଆସନରୁ ସତ୍ୟବାଦୀ ମିଶ୍ର ବି ବିଜେଡି ପ୍ରାର୍ଥୀ ଆଶାୟୀ ଦୌଡରେ ଅଛନ୍ତି ।  ସେହିଭଳି ରେସରେ ଅଛନ୍ତି ଜିଲ୍ଲା ପରିଷଦ ଉପାଧ୍ୟକ୍ଷ ଲିଙ୍ଗରାଜ ସ୍ୱାଇଁ ।  ଅନ୍ୟପଟେ ଯୁବନେତା ପ୍ରଦୀପ୍ତ ସ୍ୱାଇଁ ମଧ୍ୟ ଦୀର୍ଘଦିନରୁ  ବିଜେଡିରେ ଥିବାରୁ  ଟିକେଟ ପାଇଁ ଦାବିଦାର ବୋଲି କହିଛନ୍ତି । ଜଗତସିଂହପୁର ଭଳି ଏକ ହାଇପ୍ରୋଫାଇଲ ନିର୍ବାଚନମଣ୍ଡଳୀରେ ବିଷ୍ଣୁ ଦାସ ଟିକେଟ ପାଉଛନ୍ତି ନା ନାହିଁ ତା ଉପରେ ସମସ୍ତଙ୍କ ନଜର ରହିଛି ।  ଯଦି ବିଷ୍ଣୁ ଦାସ ଟିକେଟ ପାଉନାହାନ୍ତି ତାହାହେଲେ ନୂଆ ପ୍ରାର୍ଥୀ ନେଇ ବଡୁଛି ଉତ୍କଣ୍ଠା ବଢ଼ୁଛି ।