ସୁପ୍ରିମକୋର୍ଟ ପ୍ରଧାନ ବିଚାରପତିଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଘଟଣା ! ଖୁବ୍ ଶୀଘ୍ର ନିିଷ୍ପତି ନେବେ ରାଜ୍ୟସଭା ଅଧକ୍ଷ
କନକ ବ୍ୟୁରୋ : ସୁପ୍ରିମକୋର୍ଟ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ କଂଗ୍ରେସ ଓ ଅନ୍ୟ ବିରୋଧୀ ଦଳ ଆଣିଥିବା ମହାଭିଯୋଗ ପ୍ରସ୍ତାବ ଉପରେ ଖୁବ୍ ଶୀଘ୍ର ନିିଷ୍ପତି ନେବେ ରାଜ୍ୟସଭା ଅଧକ୍ଷ । ଅନ୍ୟପଟେ ପ୍ରସ୍ତାବ ଅଗ୍ରାହ୍ୟ ହେଲେ ସୁପ୍ରିମକୋର୍ଟ ଯିବାକୁ ଧମକ ଦେଇଛି କଂଗ୍ରେସ । ମାମଲାର ଗମ୍ଭୀରତାକୁ ଦେଖି ଭେଙ୍କୟା ତାଙ୍କର ହାଇଦ୍ରାବାଦ ଗସ୍ତ ବାତିଲ କରି ଦିଲ୍ଲୀ ଫେରି ଆସିଛନ୍ତି । ଏବାବଦରେ ସେ ବିଭିନ୍ନ ଆଇନ ଓ ସମ୍ବିଧାନ ବିଶେଷଜ୍ଞଙ୍କ ସହ ଆଲୋଚନା କରିଛନ୍ତି । ପୂର୍ବତନ ଲୋକସଭା ମହାସଚିବ ସୁଭାଷ କଶ୍ୟପ, ପୂର୍ବତନ ଆଇନ ସଚିବ ପି.କେ ମାଲହୋତ୍ରା ଏବଂ ପୂର୍ବତନ ସଂସଦୀୟ ସଚିବ ସଞ୍ଜୟ ସିଂହଙ୍କ ସହ ସେ ବିଚାର ବିମର୍ଷ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୦ ତାରିଖରେ ସୁପ୍ରିମକୋର୍ଟର ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ କଂଗ୍ରେସ ସମେତ ୭ଟି ବିରୋଧୀ ଦଳ ମହାଭିଯୋଗ ନୋଟିସ୍ ରାଜ୍ୟସଭା ଅଧକ୍ଷଙ୍କୁ ପ୍ରଦାନ କରିଛନ୍ତି । ପ୍ରଧାନ ବିଚାରପତି ପଦର ଦୂରୁପଯୋଗ ଅଭିଯୋଗରେ ଏହି ପ୍ରସ୍ତାବ ଅଣାଯାଇଛି । ଅନ୍ୟପଟେ ଏହି ମହାଭିଯୋଗକୁ ଉପରାଷ୍ଟ୍ରପତି ଗ୍ରହଣ କରିବା ପୂର୍ବରୁ ସାର୍ବଜନୀନ କରିବା ନିୟମ ବିରୁଦ୍ଧ ବୋଲି ସଂସଦର ବରିଷ୍ଠ ଅଧିକାରୀମାନେ କହିଛନ୍ତି । ସଂସଦୀୟ କାର୍ଯ୍ୟପ୍ରଣାଳୀର ଧାରା ୩୩୪(ଏ)ରେ ଏ ସମ୍ପର୍କିତ ନିୟମ ରହିଛି ।