ବ୍ରହ୍ମୋସର ସଫଳ ପରୀକ୍ଷଣ କଲା ଭାରତୀୟ ବାୟୁସେନା : ଆଣ୍ଡାମାନ ଓ ନିକୋବରର ଟ୍ରାକ ଦ୍ୱୀପରୁ ପରୀକ୍ଷଣ, ୩୦୦ କିଲୋମିଟର ଦୂରରେ ସଠିକ ଲକ୍ଷ୍ୟଭେଦ କଲା କ୍ଷେପଣାସ୍ତ୍ର
କନକ ବ୍ୟୁରୋ : ବ୍ରହ୍ମୋସ କ୍ଷେପଣାସ୍ତ୍ରର ସଫଳ ପରୀକ୍ଷଣ କଲା ଭାରତୀୟ ବାୟୁସେନା । ଆଣ୍ଡାମାନ ଓ ନିକୋବରର ଟ୍ରାକ ଦ୍ୱୀପରୁ ଏହାର ସଫଲ ପରୀକ୍ଷଣ କରାଯାଇଛି । ଅକ୍ଟୋବର ୨୧ ଓ ୨୨ରେ ଏହି ବ୍ରହ୍ମୋସ କ୍ଷେପଣାସ୍ତ୍ର ୩୦୦ କିଲୋମିଟର ଦୂରରେ ଏହାର ସଠିକ ଳକ୍ଷ୍ୟଭେଦ କରିଛି । ଭୂପୃଷ୍ଠରୁ ଭୂପୃଷ୍ଠକୁ ଏହା ସଠିକ ଲକ୍ଷ୍ୟଭେଦ କରିଛି । ଭୂପୃଷ୍ଠରୁ ଭୂପୃଷ୍ଠକୁ ଲକ୍ଷ୍ୟଭେଦ ମାମଲାରେ ବାୟୁସେନା ପୂର୍ବାପେକ୍ଷା ଅଧିକ ସଶକ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବ୍ରହ୍ମୋସ କ୍ଷେପଣାସ୍ତ୍ରକୁ ଦେଶର ସବୁଠୁ ସଫଳ ଓ ସଠିକ୍ ଲକ୍ଷ୍ୟଭେଦ କରୁଥିବା କ୍ଷେପଣାସ୍ତ୍ର ଭାବେ ଗଣନା କରାଯାଉଛି । ଶବ୍ଦ ଠାରୁ ଅଧିକ ବେଗରେ ଗତି କରୁଥିବା ଏହି କ୍ଷେପଣାସ୍ତ୍ରକୁ ବିମାନ କିମ୍ବା ଛୋଟ ପ୍ଲାଟଫର୍ମରୁ ମଧ୍ୟ ନିକ୍ଷେପ କରାଯାଇପାରିବ । ଏହି ସୁପରସୋନିକ ମିସାଇଲ କୌଣସି ଏୟାରକ୍ରାଫ୍ଟ, ଜାହାଜ କିମ୍ବା ଛୋଟ ପ୍ଲାଟଫର୍ମରୁ ମଧ୍ୟ ନିକ୍ଷେପ କରାଯାଇ ପାରିବ। ଏହି ପରୀକ୍ଷଣ ନିୟମିତ ଅଭ୍ୟାସର ଅଂଶ ଥିଲା ବୋଲି ଜଣାପଡ଼ିଛି ।