ଢେଙ୍କାନାଳ ମହାବିରୋଡରେ ପାରିବାରିକ କଳହର କରୁଣ ପରିଣତି : ଶ୍ୱଶୁର ଘରେ ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ୱାମୀ
କନକ ବ୍ୟୁରୋ : ସ୍ୱାମୀର ଟାଙ୍ଗିିଆ ଚୋଟରେ ସ୍ତ୍ରୀ ମୃତ । ପାରିବାରିକ କଳହକୁ ନେଇ ଶ୍ୱଶୁର ଘରେ ସ୍ତ୍ରୀକୁ ହାଣି ହତ୍ୟା କରିଛି ସ୍ୱାମୀ । ଏଭଳି ବର୍ବର ହତ୍ୟାକାଣ୍ଡ ଘଟିଛି ଢେଙ୍କାନାଳ ଜିଲ୍ଲାର ପରଜଙ୍ଗ ଥାନା ମହାବିରୋଡ ଫାଣ୍ଡି ପଙ୍ଗାତିରା ଗାଁରେ । ଗାଁର ପ୍ରଫୁଲ ସାହୁଙ୍କ ପୁଅ ଲଳିତ ସାହୁ ସେହି ଗାଁରେ ବିବାହ କରିଥିଲେ । ତେବେ ବିବାହ ପରେ ସ୍ୱାମୀ ସ୍ତ୍ରୀ ମଧ୍ୟରେ କଳହ ଲାଗି ରହିଥିଲା । କଳହରେ ଅତିଷ୍ଠ ହୋଇ ଥାନାରେ ଝିଅ ଘର ଲୋକେ ଅଭିଯୋଗ କରିଥିଲେ । ଏଥିରେ ଘଟଣାର କୌଣସି ସମାଧାନ ଆସିନଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ନେଇ ଉତ୍ତେଜିତ ହୋଇଉଠିଥିବା ଲଳିତ ଗତକାଲି ରାତିରେ ଶଶ୍ୱୁର ଘରକୁ ଆସି ସ୍ତ୍ରୀ ସହିତ ଝଗଡା କରିଥିଲା । ଏହା ପରେ ତାଙ୍କୁ ଟାଙ୍ଗିଆରେ ହାଣି ହତ୍ୟା କରିଥିଲା । ଏଥିରେ ଶାଶୁ ଆହତ ହୋଇଛନ୍ତି । ହତ୍ୟାକାଣ୍ଡ ପରେ ପରେ ଲଳିତ ଫେରାର ହୋଇଯାଇଛି । ମହାବିରୋଡ ପୋଲିସ ପହଁଚି ଶବ ଜବତ କରି ତଦନ୍ତ ଆରମ୍ଭ କରୁଛି । ସେପଟେ ସ୍ତ୍ରୀ ହତ୍ୟାକାରୀ ଲଳିତ ସାହୁକୁ ଗିରଫ କରିବାକୁ ଫାଣ୍ଡିଅଧିକାରୀଙ୍କୁ ଘେରିଛନ୍ତି ଗ୍ରାମବାସୀ ।