କନକ ବ୍ୟୁରୋ : ଘର କିଣିବାରେ ଓଡ଼ିଶାର ରାଜଧାନୀ ଭୁବନେଶ୍ୱର ଦେଶର ସବୁଠାରୁ ସୁଲଭ ସହର । ଭୁବନେଶ୍ୱରରେ ଘର ମୂଲ୍ୟ ଦେଶର ଅନ୍ୟାନ୍ୟ ସହର ତୁଳନାରେ ଯଥେଷ୍ଟ କମ୍ । ଦେଶର ଆର୍ଥିକ ରାଜଧାନୀ ମୁମ୍ବାଇ ସବୁଠୁ ମହଙ୍ଗା ସହର ବୋଲି ରିଜର୍ଭ ବ୍ୟାଙ୍କ ପକ୍ଷରୁ କରାଯାଇଥିବା ଏକ ସର୍ଭେରୁ ଜଣାପଡିଛି । ମାସିକ ଆୟ ତୁଳନାରେ ମଧ୍ୟମ ଧରଣର ଘର ମୂଲ୍ୟ ହିସାବକୁ ନେଇ ଆରବିଆଇ ଦ୍ୱାରା ପ୍ରସ୍ତୁତ ହୋଇଥିବା ଏହି ରିପୋର୍ଟ ଅନୁସାରେ ୨୦୧୯ ମାର୍ଚ୍ଚ ସୁଦ୍ଧା ମୁମ୍ବାଇର ସ୍କୋର ୭୪.୪ ରହିଥିବାବେଳେ ଭୁବନେଶ୍ୱରର ୫୪.୩ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାରଦିନ ରିଜର୍ଭ ବ୍ୟାଙ୍କ ପକ୍ଷରୁ ପ୍ରକାଶିତ ରେସିଡେନ୍ସିଆଲ ଆସେଟ ପ୍ରାଇସ ମନିଟରିଂ ସର୍ଭେରେ କୁହାଯାଇଛି ଯେ ଭାରତରେ ସରକାର ସୁଲଭ ଗୃହ ନିର୍ମାଣ ଉପରେ ବିଗତ କିଛି ବର୍ଷ ଧରି ଗୁରୁତ୍ୱ ଦେଉଥିବା ସତ୍ତ୍ୱେ ଦେଶରେ ଘରଗୁଡିକ ମହଙ୍ଗା ହୋଇଚାଲିଛି । ମୁମ୍ବାଇରେ ଘର କ୍ରୟ କରିବା ସବୁଠାରୁ ବ୍ୟୟବହୁଳ । ଏହାର କାରଣ ହେଉଛି ଗତ ୪ ବର୍ଷ ମଧ୍ୟରେ ଘରମୂଲ୍ୟ ଓ ଆୟ ଅନୁପାତ ୫୬.୧ ରୁ ବୃଦ୍ଧି ପାଇ ୬୧.୫ ରେ ପହଞ୍ଚିଛି । ଏହି ସର୍ଭେ ଦେଶର ୧୩ଟି ସହର ମୁମ୍ବାଇ, ଦିଲ୍ଲୀ, ଭୁବନେଶ୍ୱର, ଚେନ୍ନାଇ, ବାଙ୍ଗାଲୋର, ହାଇଦ୍ରାବାଦ,ଚଣ୍ଡିଗଡ, ଭୋପାଳ, ଲକ୍ଷ୍ନୌ, ଅହମଦାବାଦ, ଜୟପୁର, ପୁନେ ଓ କୋଲକତାରେ କରାଯାଇଥିଲା ।