ହକି ବିଶ୍ୱକପ୍ ଟକ୍କର : ଦ୍ୱିତୀୟ ଦିନରେ ସ୍ପେନକୁ ୪-୩ ଗୋଲରେ ହରାଇଲା ଆର୍ଜେଣ୍ଟିିନା,ଫ୍ରାନ୍ସକୁ ୨-୧ରେ ଗୋଲରେ ମାତ୍ ଦେଲା ନ୍ୟୁଜିଲାଣ୍ଡ
କନକ ବ୍ୟୁରୋ : ହକି ବିଶ୍ୱକପର ଦ୍ୱିତୀୟ ଦିନରେ ଦୁଇଟି ମ୍ୟାଚ ଖେଳାଯାଇଛି । ପୁଲ-ଏ’ର ପ୍ରଥମ ମ୍ୟାଚ୍ ଆର୍ଜେଟିଂନା ଓ ସ୍ପେନ ମଧ୍ୟରେ ଖେଳାଯାଇଥିଲା । ଏଥିରେ ଆର୍ଜେଟିନା ସ୍ପେନକୁ ୪-୩ ଗୋଲରେ ପରାସ୍ତ କରିଛି । ଆର୍ଜେଟିଂନାର ଅଗଷ୍ଟିନ ମାଜିଲି ମ୍ୟାଚ୍ର ୪ ମିନିଟ୍ରେ ଗୋଟିଏ ଗୋଲ ଏବଂ ୧୫ ମିନିଟ୍ରେ ଅନ୍ୟ ଏକ ଗୋଲ ଦେଇଥିଲେ । ଅନ୍ୟପଟେ ଦଳର ତାରକା ଖେଳାଳି ଗଜାଂଲୋ ପିଲାଟ୍ ପେନାଲ୍ଟି କର୍ଣ୍ଣର ମାଧ୍ୟମରେ ୨ ଟି ଗୋଲ ଦେଇଥିଲେ । ସ୍ପେନ୍ର ଏନରିକ୍ ଗୋନଜାଲେଜ, ଯୋସେଫ ରେମେୟୁ ଏବଂ ଭିକନେକ ରୁଇଜ ୩ ଟି ଗୋଲ ଦେଇଥିଲେ । ଶେଷରେ ମ୍ୟାଚ୍ର ଶ୍ରେଷ୍ଠ ଖେଳାଳିଙ୍କୁ ପୁରସ୍କୃତ କରିଥିଲେ ସାଂସଦ ସୌମ୍ୟରଂଜନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ପୁଲ-ଏ ର ଅନ୍ୟଏକ ମ୍ୟାଚରେ ଫ୍ରାନ୍ସକୁ ୨-୧ ଗୋଲରେ ପରାସ୍ତ କରିଛି ନ୍ୟୁଜିଲାଣ୍ଡ । କିୱି ଟିମ୍ର କେନ ରୁଜେଲ ମ୍ୟାଚ ୧୬ ମିନିଟ ଗୋଟିଏ ଗୋଲରେ ଏବଂ ଷ୍ଟିଫେନ ଜେନିସ ୫୬ ମିନିଟ୍ରେ ଅନ୍ୟଏକ ଗୋଲ ଦେଇଥିଲେ । ଅନ୍ୟପଟେ ଫ୍ରାନ୍ସର କ୍ୟାପଟେନ ଭିକ୍ଟର ଚାରଲେଟ ଖେଳର ଶେଷ ପର୍ଯ୍ୟାୟରେ ପେନାଲ୍ଟି କର୍ଣ୍ଣର ଦ୍ୱାରା ଗୋଟିଏ ଗୋଲ ଦେଇଥିଲେ । ଆଜି ପୁଲ-ବି’ ର ପ୍ରଥମ ମ୍ୟାଚ୍ ଅଷ୍ଟ୍ରେଲିଆ ଏବଂ ଆୟର୍ଲାଣ୍ଡ ମଧ୍ୟରେ ଏବଂ ଅନ୍ୟଏକ ମ୍ୟାଚ୍ ଇଂଲଣ୍ଡ ଏବଂ ଚାଇନା ମଧ୍ୟରେ ଅନୁଷ୍ଟିତ ହେବ ।