ପ୍ରବାସୀ ଶ୍ରମିକଙ୍କ ପାଇଁ ହେଲ୍ପ ନମ୍ବର ଜାରି କଲା ପ୍ରଦେଶ କଂଗ୍ରେସ । ଟ୍ରେନର ଟିକଟ ଭଡା ଦେବାକୁ ପିସିସି ସଭାପତିଙ୍କ ଘୋଷଣା । କହିଲେ ସରକାର ତଥ୍ୟ ଦେଲେ କରିବୁ ବ୍ୟବସ୍ଥା । ବିଜେପି କହିଲା ଏପରି ସମୟରେ ରାଜନୀତି ଗ୍ରହଣୀୟ ନୁହେଁ ।
କନକ ବ୍ୟୁରୋ : ବାହାର ରାଜ୍ୟରେ ଫସିଥିବା ଶ୍ରମିକଙ୍କ ପାଇଁ ହେଲ୍ପ ନମ୍ବର ଜାରି କରିଛି ପ୍ରଦେଶ କଂଗ୍ରେସ କମିଟି । ଯେଉଁ ଓଡିଆ ଶ୍ରମିକମାନେ ଟ୍ରେନ ଟିକେଟ କରିପାରୁ ନାହାନ୍ତି ସେମାନଙ୍କୁ ସହଯୋଗ କରିବାକୁ ୨ଟି ନମ୍ବର ଜାରି କରିଛି ଓଡିଶା କଂଗ୍ରେସ । ପ୍ରବାସୀ ଶ୍ରମିକଙ୍କୁ ଫେରାଇ ଆଣିବା ପାଇଁ ଗାଡି ଭଡା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି , ପିସିସି ସଭାପତି ନିରଞ୍ଜନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଶ୍ରମିକମାନେ କେଉଁ ସ୍ଥାନରୁ ଆସିବେ, କେତେ ଟଙ୍କା ଭଡା ଲାଗିବ ସରକାର ହିସାବ ଦେଲେ ଦଳ ଆବଶ୍ୟକ ପଦକ୍ଷେପ ନେବ । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ନିର୍ଦ୍ଦେଶକ୍ରମେ ଏହି କାର୍ଯ୍ୟକ୍ରମ ଗ୍ରହଣ କରିଥିବା କହିଛନ୍ତି ପିସିସି ସଭାପତି । ଅନ୍ୟପଟେ ପ୍ରବାସୀ ଓଡ଼ିଆଙ୍କୁ ଘରକୁ ଫେରାଇ ଆଣିବାକୁ ଗାଡ଼ି ଭଡ଼ା ଦେବ ବୋଲି କଂଗ୍ରେସ ଘୋଷଣା କରିବା ପରେ ଏହାକୁ ସମାଲୋଚନା କରିଛି ବିଜେପି । ବିଜେପି ମୁଖପାତ୍ର ଗୋଲକ ମହାପାତ୍ର କହିଛନ୍ତି ଏଭଳି ସମୟରେ ରାଜନୀତି କରିବା ନିନ୍ଦନୀୟ ।