ବ୍ରହ୍ମପୁର ଟାଟା କୋଭିଡ କେୟାର ହସ୍ପିଟାଲରେ ନାଁରେ ବଡ଼ ଅଭିଯୋଗ । ରୋଗୀ ମୃତ୍ୟୁର ୪ଦିନ ପରେ ପରିବାର ଲୋକଙ୍କୁ ଦିଆଗଲା ଖବର । ଥାନାକୁ ଗଲା ମାମଲା । ହସ୍ପିଟାଲ ବିରୋଧରେ ଅଭିଯୋଗ କଲେ ବ୍ରହ୍ମପୁର ବାସିନ୍ଦା
କନକ ବ୍ୟୁରୋ : ଗଂଜାମ ଜିଲ୍ଲା ଶିତଲାପଲ୍ଲୀ ଠାରେ ଥିବା ଟାଟା କୋଭିଡ ହସ୍ପିଟାଲ ନାଁରେ ନେଇ ଆସିଛି ବଡ ଅଭିଯୋଗ । ଜଣେ ରୋଗୀଙ୍କ ମୃତ୍ୟୁର ୪ଦିନ ପରେ ପରିବାର ଲୋକଙ୍କୁ ଖବର ଦିଆଯାଇଥିବା ଅଭିଯୋଗ ହୋଇଛି । ଯାହାକୁ ନେଇ ଉତେଜନା ଦେଖାଦେଇଥିବା ସହ ଥାନା ପର୍ଯ୍ୟନ୍ତ ପହଂଚିଛି ମାମଲା । ବ୍ରହ୍ମପୁର ବଡବଜାର ଗଣପତି ନଗରର ୪୯ବର୍ଷୀୟ ବସନ୍ତ କୁମାର ସାହୁ ଗତ ୧୯ତାରିଖରେ ଟାଟା କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଚିକିତ୍ସିତ ହେଉଥିବା ବେଳେ ଗତ ୨୪ତାରିଖ ପର୍ଯ୍ୟନ୍ତ ବସନ୍ତ ଫୋନ ଯୋଗେ ପରିବାର ଲୋକଙ୍କ ସହ କଥା ହେଉଥିଲେ । କିନ୍ତୁ ୨୪ତାରିଖ ପରେ ଆଉ ତାଙ୍କର ଫୋନ ନଲାଗିବାରୁ ପରିବାର ଲୋକେ ହସ୍ପିଟାଲ ହେଲ୍ପଲାଇନ ନମ୍ବରକୁ କଲ କଲେ । ହେଲେ ବସନ୍ତ ଆଇସିୟରେ ଅଛନ୍ତି ବୋଲି ହସ୍ପିଟାଲ ପକ୍ଷରୁ ସୂଚନା ଦିଆଯାଇଥିବା ପରିବାର ଲୋକେ କହିଛନ୍ତି । କିନ୍ତୁ ଗତକାଲି ହଠାତ ହସ୍ପିଟାଲ ପକ୍ଷରୁ ଫୋନ କରି ୨୪ତାରିଖ ଦିନ ବସନ୍ତଙ୍କ ମୃତ୍ୟୁ ହୋଇଯାଇଥିବା ହସ୍ପିଟାଲ ପକ୍ଷରୁ କୁହାଗଲା । ପରିବାରଲୋକେ ଏହାକୁ ସହଜରେ ଗ୍ରହଣ କରିପାରିଲେ ନାହିଁ । ବଡବଜାର ଥାନା ଓ ପରେ ଗୋପାଳପୁର ଥାନାକୁ ଯାଇ ହସ୍ପିଟାଲ କର୍ତୃପକ୍ଷ ବିରୋଧରେ ଏତଲା ଦେଇଛନ୍ତି । ଏହାପରେ କୋଭିଡ ହସ୍ପିଟାଲ ପକ୍ଷରୁ ସଫେଇ ଦିଆଯାଇଛି ।
ସିଇଓ ଏକ ପ୍ରେସନୋଟ ଜାରି କରି କହିଛନ୍ତି ଗତ ୨୪ତାରିଖରେ ବସନ୍ତଙ୍କ ମୃତ୍ୟୁ ହୋଇଯାଇଥିଲା କିନ୍ତୁ ପରିବାର ଲୋକଙ୍କ ସହ ଯୋଗାଯୋଗ ହୋଇପାରିନଥିବା ସଫେଇ ରଖିଛନ୍ତି । ସେପଟେ ମୃତଦେହକୁ ୪ଦିନ ସଂରକ୍ଷିତ ରଖିବା ପରେ ପରିବାର ଲୋକଙ୍କୁ ଖୋଜାଖୋଜି କରିବା ପାଇଁ ବିଏମସି ଓ ଆସିକା ବିଡିଓଙ୍କୁ କୁହାଯାଇଥିବା ମେଡିକାଲ ଅଧିକାରୀ କହିଛନ୍ତି ।