ଗଞ୍ଜାମ ଜିଲ୍ଲାରେ କରୋନା କଟକଣା : ସମସ୍ତ ପ୍ରବେଶ ପଥରେ ଲାଗିବ ସିସିଟିଭି
କନକ ବ୍ୟୁରୋ : କରୋନା ମୁକାବିଲା ନେଇ କଟକଣା । ଗଂଜାମ ଜିଲ୍ଲାର ସମସ୍ତ ପ୍ରବେଶ ପଥରେ ଲାଗିବ ସିସିଟିଭି । ଏହାଛଡା ସମସ୍ତ ଯାନବାହନ ଯାଂଚ ହେବ । ମାଲବାହୀ ଗାଡିର ଚାଳକ ଓ ସହାୟକ ପରିଚୟ ପତ୍ର ଦେଖାଇଲେ ଜିଲ୍ଲା ମଧ୍ୟକୁ ପ୍ରବେଶ କରିପାରିବେ । ଏହା ସହ ମାଲବାହୀ ଗାଡିରେ ଯାତ୍ରୀ ପରିବହନ କଲେ ଡ୍ରାଇଭରଙ୍କୁ ଗିରଫ କରାଯିବ ଓ ଗାଡି ଜବତ ହେବ ବୋଲି ଜିଲ୍ଲା ପ୍ରଶାସନ ନିଷ୍ପତି ନେଇଛି । ଏହାଛଡା କୌଣସି କର୍ମଚାରୀ ମୁଖ୍ୟାଳୟ ଛାଡିପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୌଣସି ବାହାର ଲୋକ ଜିଲ୍ଲାରେ ମାସ୍କ ବା ଅନ୍ୟ ସାମଗ୍ରୀ ବାଣ୍ଟି ପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି । ସବୁ ଦୋକାନ ଆଗରେ ମାସ୍କ ନାହିଁ ତ ସାଉଦା ନାହିଁ ଲେଖା ଥିବା ବୋର୍ଡ ଲଗାଇବେ । ମାସ୍କ ଲଗାଇ ନଥିଲେ ୨ଶହ ଟଙ୍କାରୁ ଅଧିକ ଜରିମାନା ଆଦାୟ କରାଯାଇ ପାରିବ ନାହିଁ ବୋଲି ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ଅନ୍ୟପଟେ ଗତକାଲି ଗୋଟିଏ ଦିନରେ ଏକ ଲକ୍ଷ ୧୭ ହଜାର ଟଙ୍କା ମାସ୍କ ନପିନ୍ଧିଥିବା ଲୋକଙ୍କ ଠାରୁ ଜରିମାନା ବାବଦରେ ଆଦାୟ କରାଯାଇଛି ବୋଲି ଜଣାପଡିଛି ।