କନକ ବ୍ୟୁରୋ : ଜୟପୁରରୁ ସାଢ଼େ ୫ ଲକ୍ଷ ଟଙ୍କାର ଗଞ୍ଜେଇ ଜବତ । କୋରାପୁଟ ଜିଲ୍ଲାରୁ ସାଢ଼େ ୫ ଲକ୍ଷ ଟଙ୍କାର ଗଞ୍ଜେଇ ଜବତ ହୋଇଥିବା ଜଣାଯାଇଛି । ଏହି ମାମଲାରେ ଜଣେ ମହିଳାଙ୍କ ସହ ଦୁଇ ଅଭିଯୁକ୍ତଙ୍କୁ ପୁଲିସ୍ ଗିରଫ କରିଥିବା ବେଳେ ମାଷ୍ଟର ମାଇଣ୍ଡ ଫେରାର୍ ହୋଇ ଯାଇଥିବାର ଖବର ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳେ କୋରାପୁଟ ଜିଲ୍ଲାର ଲମତାପୁଟରୁ ଜୟପୁରକୁ ଏକ କାରରେ ଗଞ୍ଜେଇ ଚାଲାଣ ହେଉଥିବାର ଖବର ପାଇ ଜୟପୁର ସଦର ଥାନା ଅଧିକାରୀ ଆଦିତ୍ୟ ମହାକୁର ସଦଳବଳେ ପାତ୍ରପୁଟ ବ୍ରିଜ୍ ନିକଟରେ ଉକ୍ତ କାକୁ ଅଟକାଇଥିଲେ । ଉକ୍ତ କାରରୁ ୨୨ ପ୍ୟାକେଟ୍ ଗଞ୍ଜେଇ ଜବତ କରିଥିଲେ। ସେହି କାରରେ ଥିବା ତିନିଜଣଙ୍କୁ ଗିରଫ କରାଯାଇଥିଲା।
ଗିରଫ ହୋଇଥିବା ଚାଲାଣକାରୀଙ୍କ ମଧ୍ୟରେ ବିହାରର ଅରବିନ୍ଦ କୁମାର, ଆସାମର କାମଲ ସୁନାର ଓ ଶିଳ୍ପୀ ଆଚାରୀ ଅଛନ୍ତି। ତେବେ ଏହି ରାକେଟର ମାଷ୍ଟରମାଇଣ୍ଡ ହାପି ଓରଫ ଖ୍ରିଷ୍ଟିଆନୋ ଏବଂ ସମୀର ଓରଫ ସୁନାଧର ପାଙ୍ଗି ଫେରାର୍ ହେବାରେ ସଫଳ ହୋଇଥିବା କୁହାଯାଉଛି। ଏହି ଚଢଉରେ ଜୟପୁର ସଦର ଥାନାଧିକାରି ଆଦିତ୍ୟ ମହାକୁରଙ୍କ ବ୍ୟତୀତ ଏସ୍ ଆଇ ଏନ କେ ଟପ୍ପୋ ଓ ଏ ଏସ୍ ଆଇ ଏସ କେ ସାମଲ ପ୍ରମୁଖ ସାମିଲ ଥିଲେ ।