ମୋବାଇଲ ପ୍ରେମରୁ ଗଣଦୁଷ୍କର୍ମର ଶିକାର ହେଲେ ଆଦିବାସୀ ଯୁବତୀ : ତିନି ଅଭିଯୁକ୍ତ ଥାନାରେ ଅଟକ
କନକ ବ୍ୟୁରୋ : ମୋବାଇଲ ପ୍ରେମରୁ ଦୁଷ୍କର୍ମର ଶିକାର ହେଲେ ଜଣେ ଆଦିବାସୀ ଯୁବତୀ । ଖାଲି ଦୁଷ୍କର୍ମ ନୁହେଁ ତାହା ପୁଣି ଗଣଦୁଷ୍କର୍ମ । ପ୍ରେମିକ ଏବଂ ତାର ଦୁଇ ସାଙ୍ଗ ଏଭଳି କାଣ୍ଡ ଘଟାଇଥିବାର ଅଭିଯୋଗ ହୋଇଛି । ଏହି ମାମଲାରେ ପୁଲିସ ତିନି ଅଭିଯୁକ୍ତଙ୍କୁ ବି ଥାନାରେ ଅଟକ ରଖିଥିବା ଜଣାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ମୟୁରଭଞ୍ଜ ଜିଲ୍ଲା ଅନ୍ତର୍ଗତ ବୈଶିଙ୍ଗା ଥାନା ଅଧୀନସ୍ଥ ଭୀମପୁର ଗାଁର ଜଣେ ଆଦିବାସୀ ଯୁବତୀ (୨୦)ଙ୍କର ମୋବାଇଲରେ ବେତନଟୀ ଅଞ୍ଚଳର ଦୁର୍ଗା ସୋରେନ୍ ନାମକ ଜଣେ ଯୁବକ ସହ ପ୍ରେମ ହୋଇଯାଏ । ଗତକାଲି ଅପରାହ୍ନରେ ଉକ୍ତ ଯୁବତୀକୁ ଦୁର୍ଗା ସୋରେନ୍ ଏକ ନିଛାଟିଆ ଜାଗାକୁ ଡାକିଥିଲା । ସେଠାରେ ପହଞ୍ଚିବାମାତ୍ରେ ଦୁର୍ଗା ଉକ୍ତ ଯୁବତୀ ସହ ଜୋରଜବରଦସ୍ତି ଦୁଷ୍କର୍ମ କରିଥିଲା । ତାପରେ ତାର ଅନ୍ୟ ଦୁଇ ସାଙ୍ଗଙ୍କୁ ଡାକି ସମାନ କାମରେ ନିୟୋଜିତ କରିଥିଲା ।
ଗଣଦୁଷ୍କର୍ମର ଶିକାର ହେବାପରେ ପୀଡ଼ିତାଙ୍କର ପ୍ରବଳ ରକ୍ତସ୍ରାବ ହୋଇଥିଲା । ତାପରେ ତାକୁ ଡାକ୍ତରଖାନାକୁ ନିଆଯାଇଥିଲା । ତେଣେ ପୀଡ଼ିତା ପ୍ରେମିକ ଓ ତାର ଦୁଇ ସାଙ୍ଗଙ୍କ ନାମରେ ବୈଶିଙ୍ଗା ଥାନାରେ ଏତଲା ଦେଇଥିଲା । ଏହାପରେ ତିନି ଅଭିଯୁକ୍ତଙ୍କୁ ପୁଲିସ ଥାନାରେ ଅଟକ ରଖିଥିବା ଜଣାଯାଇଛି ।