ବନ୍ଦ ହୋଇଯିବ ସରକାରଙ୍କ ମାଗଣା ଟ୍ରମା ଚିକିତ୍ସା ! ପରିବହନ ବିଭାଗକୁ ସ୍ବାସ୍ଥ୍ୟ ବିଭାଗର ଚିଠି, ଶେଷ ହେବାକୁ ବସିଲାଣି ସରକାରୀ ଅନୁଦାନ
କନକ ବ୍ୟୁରୋ : ଦୁର୍ଘଟଣାର ଶିକାର ହେଉଥିବା ବ୍ୟକ୍ତିଙ୍କୁ ଗୋଲଡେନ୍ ଆୱାର୍ (ଦୁର୍ଘଟଣାର ପ୍ରଥମ ୪୮ ଘଣ୍ଟା)ରେ ଚିକିତ୍ସା ଯୋଗାଇବା ପାଇଁ ସରକାର ୩ଟି ଘରୋଇ ହସ୍ପିଟାଲରେ ମାଗଣା ଟ୍ରମା ଚିକିତ୍ସାର ବ୍ୟବସ୍ଥା କରିଛନ୍ତି । ଯୋଜନା ଆରମ୍ଭ ହେବାର ୬ ମାସ ଭିତରେ ୭ଶହରୁ ଊର୍ଧ୍ବ ବ୍ୟକ୍ତି ଚିକିତ୍ସା ସୁବିଧା ପାଇଛନ୍ତି । ହେଲେ ମାଗଣା ଚିକିତ୍ସା ପାଇଁ ପରିବହନ ବିଭାଗ ପକ୍ଷରୁ ସ୍ବାସ୍ଥ୍ୟ ବିଭାଗକୁ ଦିଆଯାଇଥିବା ଟଙ୍କା ଏବେ ପ୍ରାୟ ଶେଷ ହେବାକୁ ବସିଛି । ଏଥିପାଇଁ ପାଣ୍ଠି ଯୋଗାଇଦେବା ଲାଗି ପ୍ରାୟ ମାସେ ତଳେ ପରିବହନ ବିଭାଗକୁ ଚିଠି ଲେଖିଛି ସ୍ବାସ୍ଥ୍ୟ ବିଭାଗ । ହେଲେ ଏ ପର୍ଯ୍ୟନ୍ତ ପରିବହନ ବିଭାଗ ପକ୍ଷରୁ କୌଣସି ଉତ୍ତର ଦିଆଯାଇନାହିଁ । ଗୋଟିଏ ପଟେ ସୁପ୍ରିମକୋର୍ଟ କମିଟି ରାଜ୍ୟରେ ଦୁର୍ଘଟଣାକୁ ନେଇ ଚିନ୍ତା ପ୍ରକଟ କରୁଥିବା ବେଳେ ଦୁର୍ଘଟଣାଜନିତ ମୃତ୍ୟୁକୁ କମାଇବା ପାଇଁ ସରକାର ଆରମ୍ଭ କରିଥିବା ସେବା ଏବେ ବନ୍ଦ ହେବାର ଆଶଙ୍କା ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp