,‘ମୋ ବସ୍’ ଯାତ୍ରୀଙ୍କ ପାଇଁ ଖୁସି ଖବର : ଏଣିକି ଯାତ୍ରା ସମୟରେ ମିଳିବ ମାଗଣା ଖବରକାଗଜ,ଆଜି ଠାରୁ ଆରମ୍ଭ ହେଲା ସେବା

761

କନକ ବ୍ୟୁରୋ : ‘ମୋ ବସ୍’ ଯାତ୍ରୀଙ୍କ ପାଇଁ ଖୁସି ଖବର । ମୋ ବସରେ ଆରମ୍ଭ ହେଲା ମାଗଣା ଖବରକାଗଜ ସେବା । ଏଣିକି ମୋ ବସ ଯାତ୍ରୀଙ୍କୁ ମିଳିବ ମାଗଣା ଖବରକାଗଜ । ଆଜି ମାଷ୍ଟରକ୍ୟାଣ୍ଟିନ୍ ମୋ ବସ୍ ଡିପୋରେ ‘ନ୍ୟୁଜ ପେପର ଅନ୍ ହ୍ୱିଲ’ର ଶୁଭାରମ୍ଭ କରିଛନ୍ତି କ୍ୟାପିଟାଲ୍ ରିଜିଅନ୍ ଅର୍ବାନ୍ ଟ୍ରାନସ୍ପୋର୍ଟର ପରିଚାଳନା ନିର୍ଦ୍ଦେଶକ ଅରୁଣ ବୋଥ୍ରା । ପ୍ରଥମ ପର୍ଯ୍ୟାୟରେ ୪୪ଟି ଏସି ବସରେ ଏହି ସେବା ଆରମ୍ଭ ହୋଇଛି । 

 

 ଆଜି ମୋ ବସ୍ ଯାତ୍ରୀଙ୍କୁ ଗୋଟିଏ ଗୋଟିଏ ଇଂରାଜୀ ଦୈନିକ ଖବରକାଗଜ ବାଣ୍ଟିଥିଲେ ଅରୁଣ ବୋଥ୍ରା । ସୂଚନା ଅନୁସାରେ ସମସ୍ତ ଏସି ବସରେ ଇଂରାଜୀ ଖବର କାଗଜ ଉପଲବ୍ଧ ରହିବ । ଆଗାମୀ ସମୟରେ ସମସ୍ତ ମୋ ବସରେ ଓଡ଼ିଆ ଖବରକାଗଜ ଉପଲବ୍ଧ କରାଇବାର ଯୋଜନା ରହିଛି । ରାଜ୍ୟ ସରକାରଙ୍କ ମୋ ବସ ସେବା ଅନୁସାରେ ପ୍ରତିଦିନ ଟ୍ୱିନସିଟିରେ ପ୍ରାୟ ୨୦୦ଟି ମୋ ବସ୍ ଚଳାଚଳ କରୁଛି । ଆଉ ଏଥିରେ ପ୍ରତିଦିନ ୭୦୦୦୦ରୁ ଉର୍ଦ୍ଧ୍ୱ ଯାତ୍ରୀ ଯିବାଆସିବା କରୁଛନ୍ତି ।

ଆଜିକାର ବ୍ୟସ୍ତବହୁତ ଜୀବନରେ ସମସ୍ତେ ଖୁବ ବ୍ୟସ୍ତ । ଧାଁଧପଡ଼ କରି କରି ସାରା ଦିନ ବିତି ଯାଉଛି । ଆଉ ଏହି ବ୍ୟସ୍ତବହୁଳ ଜୀବନରେ ଖବରକାଗଜ ପଢ଼ିବା ସମସ୍ତଙ୍କ ପାଇଁ ସମ୍ଭବପର ହୋଇପାରୁନାହିଁ । ଏହାକୁ ଦୃଷ୍ଟିରେ ରଖି ଆରମ୍ଭ ହୋଇଛି  ‘ନ୍ୟୁଜ ପେପର ଅନ୍ ହ୍ୱିଲ’ । ପୂର୍ବରୁ ‘ମୋ ବସ୍’ରେ ୱାଇ-ଫାଇ, ରେଡିଓ  ଓ କ୍ୟାମେରା କାର୍ୟ୍ୟକ୍ଷମ ଥିବାବେଳେ ବର୍ତ୍ତମାନ ମୋ ବସରେ ମିଳିବ ମାଗଣା ଖବରକାଗଜ ।

Comments are closed.