ଫ୍ୟାକ୍ଟ ଚେକ୍ : ବିଜେପି ୨୦୦୦ ରୁ କମ୍ ଭୋଟ୍ ବ୍ୟବଧାନରେ ୧୬୫ ଟି ଆସନ ଜିତିବାର ଭୁଲ ଚିତ୍ର ପୁଣି ଭାଇରାଲ ହୋଇଛି

ସୌଜନ୍ଯ : ବୁମ
ଫ୍ୟାକ୍ଟ ଚେକ୍ – 

ବୁମ୍ ଅନୁସନ୍ଧାନରୁ ଜାଣିବାକୁ ପାଇଛି ଯେ ୟୁପି ବିଧାନସଭା ନିର୍ବାଚନ ୨୦୨୨ ତଥ୍ୟ ଭୁଲ ଭାବରେ ପ୍ରଚାର କରାଯାଉଛି ।

ଲୋକସଭା ନିର୍ବାଚନ ୨୦୨୪ ର ଫଳାଫଳକୁ ଦୃଷ୍ଟିରେ ରଖି ସୋସିଆଲ ମିଡିଆରେ କିଛି ତଥ୍ୟ ସେୟାର କରାଯାଉଛି । ଦାବି କରାଯାଇଛି ଯେ ଭାରତୀୟ ଜନତା ପାର୍ଟି ୨୦୦ ଭୋଟ୍  ବ୍ଯବଧାନରେ ୭ ଟି ସିଟ୍, ୫୦୦ ଭୋଟ ବ୍ଯବଧାନରେ ୨୩ଟି  ସିଟ୍, ୧୦୦୦ ଭୋଟ ବ୍ଯବଧାନରେ ୪୯ଟି ଟି ସିଟ୍ ଏବଂ ୨୦୦୦ ଭୋଟ ବ୍ଯବଧାନରେ ୮୬ ଟି ସିଟ୍ ଜିତିଛି ।

ଏହା ବ୍ୟତୀତ ଉତ୍ତରପ୍ରଦେଶର କେତେକ ନିର୍ବାଚନମଣ୍ଡଳୀରେ ନାମ ଦିଆଯାଇଛି ଯେଉଁଥିରେ ବିଜେପି, ସମାଜବାଦି ପାର୍ଟି ଏବଂ ଅଲ ଇଣ୍ଡିଆ ମଜଲିସ-ଇ-ଇଥାହାଦୁଲ ମୁସଲିମ (AIMIM) କୁ ମିଳିଥିବା ଭୋଟର ସଂଖ୍ୟା ଦିଆଯାଇଛି ।

BOOM ଏହାର ଫ୍ୟାକ୍ଟ  ଚେକ୍ ରେ ଏହି ଭାଇରାଲ ତଥ୍ୟ ମିଥ୍ୟା ବୋଲି ପାଇଛି ।  ଯେତେବେଳେ ଆମେ ନିର୍ବାଚନ ଆୟୋଗର ୱେବସାଇଟରେ ପ୍ରକାଶିତ ତଥ୍ୟକୁ ବିଶ୍ଳେଷଣ କରିଥିଲୁ, ସେତେବେଳେ ଆମେ ଜାଣିଲୁ ଯେ ଏହି ପୋଷ୍ଟରେ ଦିଆଯାଇଥିବା କେତେକ ନିର୍ବାଚନମଣ୍ଡଳୀ ଉତ୍ତରପ୍ରଦେଶର ବିଧାନସଭା ନିର୍ବାଚନମଣ୍ଡଳୀ ଅଟେ ଏବଂ ଏହା ସହିତ ଉଲ୍ଲେଖ କରାଯାଇଥିବା ସମସ୍ତ ତଥ୍ୟ ୨୦୨୨ ନିର୍ବାଚନ ସହିତ ଜଡିତ। ସମ୍ପ୍ରତି ଲୋକସଭା ନିର୍ବାଚନ ସହିତ ଏହାର କୌଣସି ସମ୍ପର୍କ ନାହିଁ।

BOOM ପୂର୍ବରୁ ୨୦୨୨ ରେ ଭାଇରାଲ୍ ଏହି ଦାବିକୁ ମଧ୍ୟ ଖଣ୍ଡନ କରିଥିଲା । ସୂଚନାଯୋଗ୍ୟ ଯେ ଉତ୍ତରପ୍ରଦେଶର ୮୦ ଟି ଲୋକସଭା ସିଟ୍ ମଧ୍ୟରୁ ବିଜେପି ଲୋକସଭା ନିର୍ବାଚନରେ ​​୩୩ ଟି ସିଟ୍ ଜିତିଛି । ଗତ ନିର୍ବାଚନରେ ​​ବିଜେପି ଆସନର ଏହି ସଂଖ୍ୟା ୬୨ ଥିଲା । ଏଥର ସମାଜବାଦୀ ପାର୍ଟି ୩୭ ଟି ଆସନ ଏବଂ କଂଗ୍ରେସ ୬ ଟି ଆସନ ଜିତିଛି ।

ଫେସବୁକରେ ଏହାକୁ ସେୟାର କରିବାବେଳେ ଜଣେ ଉପଭୋକ୍ତା ଲେଖିଛନ୍ତି, ‘ୟୁ.ପି.ରେ  ମୋଦୀ-ଯୋଗୀଙ୍କ ବିଜୟର ଏହି ଉତ୍ସବ ଭବିଷ୍ୟତରେ ଆଉ ଘଟିବ ନାହିଁ କାରଣ ୨୦୨୭ ର ଆଗାମୀ ବିଧାନସଭା ନିର୍ବାଚନ ସୁଦ୍ଧା କୋଟି କୋଟି ମୁସଲମାନ ଯୁବକ ନୂତନ ଭୋଟର ହେବେ । ତା’ହେଲେ ବିଜେପି ଏହି ୧୬୫ ଟି ଆସନକୁ ଅଳ୍ପ ବ୍ୟବଧାନରେ ଜିତିବାରେ ସମର୍ଥ ହେବ ନାହିଁ (ଓଏସିସ ମଧ୍ୟ ଏକ କାରଣ) ଏହା ନିଶ୍ଚିତ ଯେ ୨୦୨୭ ମସିହାରେ ହିନ୍ଦୁ ବିରୋଧୀ ସରକାର ଗଠନ ହେବ ଏବଂ ଏଥିପାଇଁ ଦାୟୀ ସେମାନେ  ରହିବେଯେଉଁ ୪୦ ପ୍ରତିଶତ ହିନ୍ଦୁ ଯେଉଁମାନେ ଭୋଟ୍ ଦେଉନାହାନ୍ତି ।

ଫ୍ୟାକ୍ଟ ଚେକ୍ :  ଆମେ ଜାଣିଲୁ ଯେ ୨୦୨୨  ମସିହାରେ ୨୦୦୦  ରୁ କମ୍ ଭୋଟ ବ୍ୟବଧାନରେ ବିଜେପି ୧୬୫ ଟି ସିଟ୍ ଜିତିବାର ଦାବି ଯାଞ୍ଚ କରିସାରିଛି। ସେହି ସମୟରେ ୟୁପି ବିଧାନସଭା ନିର୍ବାଚନ ୨୦୨୨ ସଂପର୍କରେ ଏହା ସେୟାର ହୋଇଥିଲା ।

ବୁମ୍ ଜାଣିବାକୁ ପାଇଲା ଯେ ୨୦୨୨  ଫଳାଫଳରେ, କେବଳ ୨୯ ଟି ସିଟ୍ ଏମିତି ଅଛି ଯେଉଁଠାରେ ବିଜୟ ବ୍ୟବଧାନ ୨୦୦୦ ଭୋଟରୁ କମ୍ ଥିଲା ।

ଏହି ୨୯ ଟି ସିଟ ଭିତରେ  ବିଜେପି ସମେତ ପାଞ୍ଚଟି ଅଛନ୍ତି ।  2022 ନିର୍ବାଚନର ଫଳାଫଳ ଅନୁଯାୟୀ, ଭାଇରାଲ୍ ପୋଷ୍ଟର ପ୍ରତ୍ୟେକ ଦାବିର ଫ୍ୟାକ୍ଟ ଚେକ ପଢନ୍ତୁ –

ଦାବି ୧ : ୭  ସିଟ୍ ୨୦୦ ଭୋଟ୍ ବ୍ୟବଧାନରେ ଜିତିଲା ।  ଆମେ ଜାଣିଲୁ ଯେ ୨୦୨୨ ନିର୍ବାଚନ ଫଳାଫଳରେ ଏପରି ଗୋଟିଏ ବି ସିଟ୍ ନାହିଁ ଯେଉଁଠାରେ ମାର୍ଜିନ୍ ୨୦୦ ଭୋଟ୍ ଠାରୁ କମ୍ ଥିଲା ଯାହା ଏହି ପୋଷ୍ଟରେ ଦାବି କରାଯାଇଛି ।

ଦାବି ୨ : ୫୦୦ ଭୋଟର ପାର୍ଥକ୍ୟ ସହିତ ୨୩ ଟି ସିଟ୍ ଫଳାଫଳରେ ୧୧ ଟି ସିଟ୍ ଏପରି ଥିଲା ଯେଉଁଥିରେ ପାର୍ଥକ୍ୟ ୨୦୦ ରୁ ଅଧିକ ଏବଂ ୫୦୦ କମ୍ ଭୋଟ୍ ଥିଲା । ଭାଇରାଲ୍ ଦାବିରେ, ଏହିପରି ସିଟ୍ ସଂଖ୍ୟା ୨୩ ବୋଲି ଦର୍ଶାଯାଇଛି, ଯାହା ଆମ ଅନୁସନ୍ଧାନରେ ଭୁଲ୍ ବୋଲି ଜଣାପଡିଛି । ଧାମପୁରରେ ବିଜେପିର ଅଶୋକ କୁମାର ରାଣା ୨୦୨୨ ନିର୍ବାଚନରେ ​​ୟୁପିର ନିକଟତମ ପ୍ରତିଯୋଗିତା ଏସପି ନାଏମ ଉଲ ହାସନଙ୍କୁ ୨୦୩ ଭୋଟରେ ପରାସ୍ତ କରିଛନ୍ତି । ସମସ୍ତ ସିଟ୍ ବିଷୟରେ ସୂଚନା ନିମ୍ନରେ ଦିଆଯାଇଛି ।

ଦାବି ୩ : ୨୦୨୨ ମସିହା ନିର୍ବାଚନ ଫଳାଫଳରେ ୪୯ ସିଟ୍ ୧୦୦୦ ଭୋଟର ମାର୍ଜିନ ସହିତ । କେବଳ ଚାରୋଟି ସିଟ୍ ଏପରି  ଥିଲା ଯେଉଁଠାରେ ବିଜୟର ମାର୍ଜିନ ୫୦୦ ରୁ ଅଧିକ ଥିଲା, କିନ୍ତୁ ୧୦୦୦ ଭୋଟରୁ କମ୍ ଥିଲା ବୋଲି ଦାବିରେ ଏହିପରି ଆସନ ସଂଖ୍ୟା ୪୯ ବୋଲି ଦର୍ଶାଯାଇଛି।

ଦାବି ୪ : ୮୬ ଟି ସିଟ୍ ୨୦୦୦ ଭୋଟ୍ ବ୍ୟବଧାନରେ ଜିତିଥିଲା । ନିର୍ବାଚନ ଆୟୋଗଙ୍କ ତଥ୍ୟ ଅନୁଯାୟୀ ୧୪ ଟି ଏପରି ସିଟ୍ ଥିଲା ଯେଉଁଥିରେ ବିଜୟର ମାର୍ଜିନ ୧୦୦୦ ରୁ ଅଧିକ କିନ୍ତୁ ୨୦୦୦ ରୁ କମ୍ ଥିଲା । ଭାଇରାଲ ବାର୍ତ୍ତାରେ ଦିଆଯାଇଥିବା ମିଥ୍ୟା ଦାବି ଅନୁଯାୟୀ ଏଭଳି ଆସନ ସଂଖ୍ୟା ୮୬ ଅଟେ ।

ମାର୍ଚ୍ଚ ୨୦୨୨ ର ଟାଇମ୍ସ ଅଫ୍ ଇଣ୍ଡିଆରେ ମଧ୍ୟ ଏହା ସମ୍ବନ୍ଧୀୟ ଖବର ଦେଖିବାକୁ ମିଳେ । ଏହି ରିପୋର୍ଟରେ AIMIM କିପରି ଅନେକ ଆସନରେ ବିଜେପିକୁ ସାହାଯ୍ୟ କରିଛି ତାହା କୁହାଯାଇଛି ।

ଭାଇରାଲ ପୋଷ୍ଟରେ ଏକ ଦାବି ମଧ୍ୟ ରହିଛି ଯେ AIMIM ୧୬୫ ଟି ଆସନର ସମୀକରଣକୁ ବିଗାଡ଼ି ଦେଇଛି କିନ୍ତୁ ଏହା ମଧ୍ୟ ଭୁଲ ଅଟେ  କାରଣ ୨୦୨୨ ମସିହାରେ ଓଏସିସଙ୍କ ଦଳ ୟୁପିରେ ୯୭ ଟି ସିଟ୍ ରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ କୌଣସି ସିଟ୍ ଜିତିପାରିନଥିଲେ । ଉତ୍ତରପ୍ରଦେଶରେ AIMIM ୦.୪୬% ଭୋଟ୍ ପାଇଛି, ଯାହା NOTA ପାଇଥିବା ୦.୬୯% ଠାରୁ ମଧ୍ୟ  କମ୍ ଥିଲା ।

ଲୋକସଭା ନିର୍ବାଚନର ୨୦୨୪ ର ଆକଳନ କ’ଣ କହୁଛି ଆମେ ଆମର ଅନୁସନ୍ଧାନରେ ପାଇଲୁ ଯେ ଲୋକସଭା ନିର୍ବାଚନ ୨୦୨୪ରେ  ​​ ସର୍ବନିମ୍ନ ସଂଖ୍ୟକ ଭୋଟ୍ ପାଇ ବିଜେତା ହୋଇଥିବା ଆସନ ହେଉଛି ଓଡିଶାର ଯାଜପୁର ଆସନ, ଯେଉଁଠାରେ ଭୋଟର ପାର୍ଥକ୍ୟ ମାତ୍ର ୧୫୮୭ ଅଟେ ।

ଦାବି: ୨୦୨୪ ଲୋକସଭା ନିର୍ବାଚନରେ ​​ବିଜେପି ମୋଟ ୧୬୫ ଟି ଆସନ ୨୦୦୦ ଭୋଟ ବ୍ଯବଧାନରେ ଜିତିଛି  

ଦାବି କରିଛନ୍ତି: ସୋସିଆଲ ମିଡିଆ ପୋଷ୍ଟ

ଫ୍ୟାକ୍ଟ ଯାଞ୍ଚ: ମିଥ୍ୟା
Fact check : BOOM
Translated and republished by : KanakNews
part of Shakti collective