ବିଧାନସଭାରେ ପୁଣି ଉଠିଲା ଚାଷୀ ଆତ୍ମହତ୍ୟା ପ୍ରସଙ୍ଗ ! ବିରୋଧୀଙ୍କ ହୋହାଲ୍ଲା ଯୋଗୁଁ କାଲି ଯାଏ ଗୃହ ମୁଲତବୀ
କନକ ବ୍ୟୁରୋ : ବିଧାନସଭା ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟରେ ବି ଉଠିଲା ଚାଷୀ ଆତ୍ମହତ୍ୟା ପ୍ରସଙ୍ଗ । ପ୍ରଥମ ଦିନରେ ବିରୋଧୀଙ୍କ ହୋହାଲ୍ଲା ଯୋଗୁଁ ଗୃହକୁ କାଲି ଯାଏ ମୁଲତବୀ କରାଯାଇଛି । ଚାଷୀ ଆତ୍ମହତ୍ୟା ପ୍ରସଙ୍ଗରେ ବିରୋଧୀ କୃଷିମନ୍ତ୍ରୀଙ୍କ ବିରୋଧରେ ସ୍ୱାଧୀକାର ଭଙ୍ଗ ପ୍ରସ୍ତାବ ଆଣିଥିଲେ ବିରୋଧୀ ଦଳ ନେତା ନରସିଂହ ମିଶ୍ର ।
Kanak News is now on WhatsApp
Join and get latest news updates delivered to you via WhatsApp
ବରଗଡ ଚାଷୀ ଖଏନୁ ବଗର୍ତି ଆତ୍ମହତ୍ୟା ପ୍ରସଙ୍ଗରେ କୃଷି ମନ୍ତ୍ରୀ ଗୃହରେ ଭୁଲ ତଥ୍ୟ ରଖିଥିବା ଅଭିଯୋଗକୁ ସ୍ୱାଧିକାର ଭଙ୍ଗ ନୋଟିସ୍ ଆଣିଛି ବିରୋଧୀ କଂଗ୍ରେସ । ବାଚସ୍ପତି ସ୍ୱାଧୀକାର ଭଙ୍ଗ ନୋଟିସ ଉପରେ ତର୍ଜମା କରାଯିବ ବୋଲି କହିଛନ୍ତି । ବରଗଡ ଜିଲ୍ଲାପାଳଙ୍କ ନିଲମ୍ବନ ଦାବି କରି କଂଗ୍ରେସ ସଦସ୍ୟ ମଧ୍ୟ ଗୃହରେ ହୋହାଲ୍ଲା କରିଛନ୍ତି । ଫଳରେ ଗୃହକୁ କାଲି ଯାଏ ମୁଲତବୀ କରାଯାଇଛି ।