ଫୋନି ପାଇଁ ପ୍ରଭାବିତ ହୋଇନି ଶ୍ରୀମନ୍ଦିର ନୀତିକାନ୍ତି : ଆଜି ବି ମହାପଭୁଙ୍କୁ ଦର୍ଶନ କଲେ ଶ୍ରଦ୍ଧାଳୁ
କନକ ବ୍ୟୁରୋ : ଶ୍ରୀକ୍ଷେତ୍ରରେ ଫୋନିର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇସାରିଛି । ଆଉ ପୁରୀରେ ବର୍ତ୍ତମାନ ସମୟରେ୧୪୫ରୁ ୧୭୫ କିଲୋମିଟର ବେଗରେ ପବନ ବୋହୁଛି। ତେବେ ଫୋନି ପାଇଁ ଶ୍ରୀମନ୍ଦିର ନୀତିକାନ୍ତି ପ୍ରଭାବିତ ହୋଇନାହିଁ । ପୂର୍ବଦିନ ଭଳି ଆଜି ମଧ୍ୟ ଭୋର ୪ଟା ୪୫ ମିନିଟରେ ଦୈନନ୍ଦିନ ନୀତିକାନ୍ତି ମୁତାବକ ଶ୍ରୀ ମନ୍ଦିରରେ ଦ୍ୱାର ଫିଟାଯାଇଥିଲା।
Kanak News is now on WhatsApp
Join and get latest news updates delivered to you via WhatsApp
ସେବାୟତମାନେ ସିଂହଦ୍ୱାରର ମୁଖ୍ୟ ଦ୍ୱାର ନିର୍ଦ୍ଧାରିତ ସମୟରେ ଖୋଲିଥିଲେ । ଆଉ ମନ୍ଦିରକୁ କିଛି ଭକ୍ତ ପ୍ରବେଶ କରୁଥିବାର ଦେଖିବାକୁ ମିଳିଥିଲା । ଭକ୍ତମାନେ ଶ୍ରଦ୍ଧାର ସହିତ ଶ୍ରୀଜିଉଙ୍କ ଦର୍ଶନ କରିଛନ୍ତି । ଭକ୍ତମାନେ ଏହି ବଡ଼ ଧରଣର ପ୍ରାକୃତିକ ବିପର୍ୟ୍ୟୟ ମୁକ୍ତି ପାଇବା ପାଇଁ ଭଗବାନଙ୍କ ନିକଟରେ ଆଶୀର୍ବାଦ ଭିକ୍ଷା କରିଛନ୍ତି । କାରଣ ପ୍ରଶାସନ ପକ୍ଷରୁ ବୁଧବାର ଠାରୁ ସତର୍କ ସୂଚନା ଜାରି କରିଥିଲା । ତେବେ ଫୋନିକୁ ନେଇ ଶ୍ରୀମନ୍ଦିର ପ୍ରଶାସନ ବେଶ ସତର୍କତା ଅବଲମ୍ବନ କରିଥିଲା ।