'ଫ୍ୟାକ୍ଟ ଚେକ୍: ‘ଗୋ ବ୍ୟାକ୍ ମୋଦୀ’' ରୋଡ୍ ଗ୍ରାଫିଟିର ଭାଇରାଲ୍ ଚିତ୍ର ତାମିଲନାଡୁ ନୁହେଁ:  ୨୦୨୦ରେ କୋଲକାତାରେ CAA ବିରୋଧ ପ୍ରଦର୍ଶନରୁ ନିଆଯାଇଛି ।

ଫ୍ୟାକ୍ଟ ଚେକ୍ : newschecker

ଦାବି

ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦକ୍ଷିଣ ଭାରତ ଗସ୍ତ ସମୟରେ ତାମିଲନାଡୁର ଏକ ରାସ୍ତାରେ ତାଙ୍କ ବିରୋଧରେ ସ୍ଲୋଗାନ ଲେଖାଯାଇଥିଲା ।

ପ୍ରଧାନମନ୍ତ୍ରୀଙ୍କ କନ୍ୟାକୁମାରୀ ଗସ୍ତ

ଶନିବାର ଲୋକସଭା ନିର୍ବାଚନରେ ​​ଶେଷ ପର୍ଯ୍ୟାୟ ଭୋଟ୍ ଶେଷ ହେବା ସହିତ ପ୍ରଧାନମନ୍ତ୍ରୀ ତାମିଲନାଡୁର କନ୍ୟାକୁମାରୀସ୍ଥିତ ବିବେକାନନ୍ଦ ରକ୍ ମେମୋରିଆଲରେ ତାଙ୍କର ୪୫ ଘଣ୍ଟିଆ ଧ୍ୟାନ ସମାପ୍ତ କରିଛନ୍ତି ।

ନ୍ୟୁଜ୍ ଚେକର୍  ଏକ ରିଭର୍ସ ଇମେଜ ଅନୁସନ୍ଧାନ କରିଥିଲା ​​ଏବଂ ସାମ୍ବାଦିକ ମାୟୁକ୍ ରଂଜନ ଘୋଷଙ୍କ ଜାନୁଆରୀ ୧୧, ୨୦୨୦ ର  ଏହି ଟୁଇଟ୍ ପାଇଥିଲା  ।  ଯାହା କୋଲକାତାର ଏସପ୍ଲାନେଡ୍ ଅଞ୍ଚଳର ଏକ ରାସ୍ତାର ବୋଲି ଜଣାପଡିଛି ।

ଅଧିକ ଅନୁସନ୍ଧାନ ଦ୍ଵାରା ଆମେ ଜାନୁଆରୀ ୧୩, ୨୦୨୦ ର ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ପାଇଥିଲୁ । ଯେଉଥିରେ ରାସ୍ତାର ଅନ୍ୟ ଏକ କୋଣରୁ ନିଆଯାଇଥିବା ଗ୍ରାଫିଟିର ଏକ ଫଟୋ । ଯାହା ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦୀଙ୍କ କୋଲକାତା ଗସ୍ତ ସମୟରେ CAA ଏବଂ NRC ବିରୋଧରେ ହୋଇଥିବା ପ୍ରଦର୍ଶନରୁ ଏହା ନିଆଯାଇଛି ବୋଲି ଜଣାପଡ଼ିଲା ।

CAA ଏବଂ NRC ବିରୋଧରେ ହୋଇଥିବା ବିରୋଧର କେନ୍ଦ୍ର ଏସପ୍ଲାନେଡରୁ ପାର୍କ ସର୍କସକୁ ସ୍ଥାନାନ୍ତରିତ ହୋଇଥିଲା ଯେଉଁ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୋଲକାତା ସହରକୁ ବିମାନ ଦ୍ଵାରା ପରିକ୍ରମା କରି ରବିବାର ଦିନ ପ୍ରାୟ ୧୨.୩୦ ସମୟରେ ବିମାନବନ୍ଦରରେ ଅବତରଣ କରିଥିଲେ ।

ରିପୋର୍ଟରେ କୁହାଯାଇଛି ଯେ, "ଯଦିଓ ବିକ୍ଷୋଭକାରୀମାନେ ସ୍ଥାନ ଚାଲିଯାଇଥିଲେ ମଧ୍ୟ ସେମାନେ ସହରର ସବୁଠାରୁ ଲୋକପ୍ରିୟ ଛକରେ ସ୍ଥାୟୀ ଷ୍ଟ୍ରିଟ୍ ପେଣ୍ଟ ଏବଂ ଧଳା ସିମେଣ୍ଟରେ ଚିତ୍ରିତ ଅନେକ ବିରୋଧୀ ବାର୍ତ୍ତା ଲେଖି ଯାଇଥିଲେ।”

ଆମେ ଲକ୍ଷ୍ୟ କରିଛୁ ଯେ ପ୍ରତିଛବିରେ ଥିବା ବିଲ୍ଡିଂରେ ଥିବା ଚିହ୍ନଟି “ମେଟ୍ରୋ ଚ୍ୟାନେଲ୍ କଣ୍ଟ୍ରୋଲ୍ ପୋଷ୍ଟ”  ଯାହା ପରେ ଆମେ ଗୁଗୁଲ୍ ମ୍ୟାପ୍ସରେ ସମ୍ପୃକ୍ତ କ୍ଷେତ୍ରକୁ ଦେଖିଥିଲୁ ।

ଗୁଗୁଲ୍ ମ୍ୟାପ୍ ଇମେଜ୍ (ବାମ) ସହିତ ତୁଳନା କରିବା ଦ୍ଵାରା ଏହା ନିଶ୍ଚିତ ହେଲା ଯେ ଭାଇରାଲ୍ ଇମେଜ୍ (ଡାହାଣ) ତାମିଲନାଡୁର ନୁହେଁ, କୋଲକାତାର ଏସପ୍ଲାନେଡ୍ ଅଞ୍ଚଳର ଅଟେ ।

fact checked by : newschecker

translated and republished by : KanakNews

part of Shakti collective