ପୂର୍ବତନ ରାଜ୍ୟସଭା ସାଂସଦ ବୈଷ୍ଣବ ପରିଡ଼ାଙ୍କ ଦେହାନ୍ତ !
କନକ ବ୍ୟୁରୋ : ପୂର୍ବତନ ରାଜ୍ୟସଭା ସାଂସଦ ବୈଷ୍ଣବ ପରିଡ଼ାଙ୍କ ପରଲୋକ । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି । ୭୭ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଦୀର୍ଘ ଦିନ ଧରି ସେ କର୍କଟ ରୋଗରେ ପୀଡ଼ିତ ହୋଇ ଚିକିତ୍ସାଧିନ ଥିଲେ । ମଝିରେ ମଝିରେ ତାଙ୍କର ସ୍ୱାସ୍ଥ୍ୟବସ୍ଥା ବିଗିଡ଼ି ଯିବା ଯୋଗୁ ହସପିଟାଲରେ ଭର୍ତି ହେଉଥିଲେ । ଓଡ଼ିଶା ଭାଷା ଆନ୍ଦୋଳନର ମୁଖ୍ୟଥିଲେ ବୈଷ୍ଣବ ପରିଡ଼ା । ଭାଷା ସାହିତ୍ୟ ଆନ୍ଦୋଳନର ମୁଖ୍ୟ ଭାବେ ସେ ଓଡ଼ିଆ ଭାଷାର ବିକାଶ ଏବଂ ପ୍ରଚଳନକୁ ସାର୍ବଜନୀନ କରିବା କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରିଥିଲେ।
Kanak News is now on WhatsApp
Join and get latest news updates delivered to you via WhatsApp
ବୈଷ୍ଣବ ପରିଡ଼ା ଏକାଧାରରେ ଥିଲେ ଜଣେ ରାଜନେତା, ଲେଖକ ଓ ସମାଜେସେବୀ । ୧୯୪୧ ଫେବୃୟାରୀ ୧୫ରେ ଯାଜପୁରର ତାଙ୍କର ଜନ୍ମ ହୋଇଥିଲା । ୧୯୬୦ ରୁ ୧୯୯୨ ପର୍ଯ୍ୟନ୍ତ ସେ ଥିଲେ ସିପିଆଇ ନେତା । ୧୯୯୩ରେ କଂଗ୍ରେସରେ ସାମିଲ ହୋଇଥିଲେ ବୈଷ୍ଣବ ପରିଡ଼ା । ୧୯୯୩ରୁ ୧୯୯୮ ପର୍ଯ୍ୟନ୍ତ ସେ କଂଗ୍ରେସ ଦଳରେ ଥିଲେ । ୧୯୯୯ରୁ ୨୦୦୮ ପର୍ଯ୍ୟନ୍ତ ସେ ସମାଜବାଦୀ ପାର୍ଟିରେ ଥିଲେ ୨୦୦୮ ମଧ୍ୟଭାଗରେ ସେ ବିଜେଡ଼ିରେ ସାମିଲ ହୋଇଥିଲେ ।
୨୦୧୦ରେ ବିଜେଡ଼ି ପକ୍ଷରୁ ସେ ରାଜ୍ୟସଭା ସାଂସଦ ହୋଇଥିଲେ । ୨୦୧୬ ଜୁଲାଇ ୧ରେ ତାଙ୍କର ରାଜ୍ୟସଭା କାର୍ଯ୍ୟକାଳ ଶେଷ ହୋଇଥିଲା । ବୈଷ୍ଣବ ପରିଡ଼ାଙ୍କ ଦେହାନ୍ତରେ ଶୋକପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶ୍ରୀ ପରିଡ଼ାଙ୍କ ପରଲୋକରେ ରାଜନୈତିକ ନେତା ଓ ବଦ୍ଧିଜୀବୀମାନେ ଗଭୀର ଶୋକ ପ୍ରକାଶ କରିଛନ୍ତି।