କନକ ବ୍ୟୁରୋ : ପୁରୀରେ ମଠ ଉଚ୍ଛେଦ ସାମୟିକ କାଳ ପାଇଁ ସ୍ଥଗିତ । ପ୍ରଶାସନର ଉଛେଦ ନିଷ୍ପତି ହଠାତ୍ ବଦଳିଛି । ବଡଆଖଡା ମଠ ଉଛେଦ ପ୍ରକ୍ରିୟା ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରଖାଯାଇଛି । ଆଜି ଜିଲ୍ଲାପାଳଙ୍କ ସହ ୧୫ ଜଣିଆ ସର୍ବଦଳୀୟ କମିଟିର ଆଲୋଚନା ପରେ ଯାହା କିଛି ନିଷ୍କର୍ସ ବାହାରିବ । ପ୍ରଥମେ ସାଧୁସନ୍ଥଙ୍କ ବିରୋଧ ଓ ପରେ ମଠ ସଂସ୍କୃତିର ସୁରକ୍ଷା ଓ ଉଛେଦ ବନ୍ଦ ନେଇ ସର୍ବ ଦଳୀୟ କମିଟି ଦାବି କରିବା ପରେ , ପୁରୀରେ ବନ୍ଦ ହୋଇଛି ଉଛେଦ କାମ ।
Kanak News is now on WhatsApp
Join and get latest news updates delivered to you via WhatsApp
ରାଜନୈତିକ ନେତାଙ୍କ ସହିତ ଆଇନଜୀବୀ, ସେବାୟତ, ସ୍ୱେଛାସେବୀ, ମଠ ମହନ୍ତ, ସ୍ଥାନୀୟ ଜନସାଧାରଣଙ୍କୁ ନେଇ ଗଠନ ହୋଇଛି ସର୍ବଦଳୀୟ କମିଟି । ଏହି କମିଟି ଆଜି ଦିନ ପ୍ରାୟ ୧୧ ଟା ବେଳେ ଜିଲ୍ଲାପାଳଙ୍କୁ ଭେଟିବ । ଆଗ ଥଇଥାନ ଓ ପରେ ଉଚ୍ଛେଦ କରିବାକୁ ଦାବି କରିଛି ସର୍ବଦଳୀୟ କମିଟି । ବିନା କୌଣସି ଥଇଥାନରେ କିପରି ମଠ ଭଂଗା ଯିବ, ସାଧୁ ସନ୍ଥ କେଉଁ ସ୍ଥାନରେ ଥଇଥାନ ହେବେ ସେ ନେଇ ପ୍ରଶ୍ନ କରିଛି ସନ୍ଥ ସମାଜ ।